Tímarit kaupfjelaga og samvinnufjelaga - 01.08.1909, Blaðsíða 32

180
Jafnframt þessu fá fjelögin nýja bendingu um það, að
þau mega eigi slá slöku við það að ná því takmari, sem
fyrst: að öll kaupfjelög landsins hafi megnið af við-
skiptum sínum við öflugt og efnalega sjálfstætt, innlent
sambandsfjelag, er hafi sína eigin erindreka í útlöndum,
þar sem mest er þörfin til.
Því er miður að fullkomið bandalag í þessum efnum
sýnist enn þá eiga langt í land meðal kaupfjelaganna;
vjer erum þó komnir í landsýn og þá er þegar nokkuð
ágengt orðið. Það má eigi vanrækja neitt af því sem
greiðir leiðina til takmarksins, þó smátt kunni að virðast.
í þessu efni er aukin viðkynning fjelaganna mikils virði.
Fjelögin þurfa t. d. að vita um vöruval, verðlag og til-
kostnað hvort hjá öðru. A þessu hlýtur að vera talsvert
að græða jafnvel í þeim fjelögum sem talin eru lengst
á veg komin. Vjer kaupum árlega margbreyttar vörur
frá útlöndum, getum eigi hjá því komizt, en fæstir þeirra,
sem eiga að útvega þessar vörur geta, af eigin sjón,
kynnt sjer þær á markaðnum erlendis. Það er ekki lítið
vandaverk, fyrir óæfða menn, að starfa að því heima í
sæti sínu að velja vörur sem haganlegast fyrir fjelags-
menn og ná í hin beztu sambönd, innan um allan þann
aragrúa sem til er af frambjóðendum. Það er eigi heldur
nóg að búa til lista með einhverjum vörunöfnum og
fela svo allt saman einhverjum umboðsmanni í útlönd-
um, sem er högum vorum lítið kunnugur og sem ef til
vill er hirðulítill í tilbót. Hinir óæfðari þurfa að útvega
sjer upplýsingar og leiðbeiningar hjá þeim fjelögum sem
mesta hafa reynsluna. þeir, sem æfðari eru, nokkuð svo,
í vöruvalinu, mega heldur eigi slá slöku við það, að afla
sjer nýrra upplýsinga og fylgjast sem bezt með öllum
verulegum breytingum á tilbúningi vara og verðlagi á
heimsmarkaðinum. þeir eiga að kynna sjer það rækilega
hvað satt muni vera í Joví, ef þeim er bent á það að
vöruvalið hafi tekizt betur annarstaðar. Pað er óhæfileg-