Fréttablaðið - 19.09.2009, Síða 39

LAUGARDAGUR 19. september 2009 3
Hugleiðsluskólinn Lótushús stend-
ur fyrir hugleiðslustund í Salnum
í Kópavogi á sunnudag klukkan
17. Þar verða leiddar hugleiðslur
og flutt lifandi tónlist en tónlist-
arflutningurinn verður í höndum
tónlistarkonunnar Ólafar Arn-
alds og flautuleikarans Hallfríðar
Ólafsdóttur.
Atburðurinn er liður í alþjóð-
legu verkefni þar sem hugleiðslu-
miðstöðvar í yfir hundrað löndum
sameinast um að skapa friðsælt
andrúmsloft og leggja þannig
sitt af mörkum til að stuðla að
friðsælli og betri heimi. Hann er
einnig liður í alþjóðlega friðardegi
Sameinuðu þjóðanna sem er mánu-
daginn 21. september.
Markmiðið með uppákomunni
er að veita sem flestum tækifæri
til að stíga um stund úr amstri
hversdagsleikans og upplifa frið
og styrk en margir hafa að undan-
förnu misst sambandið við þessa
eiginleika.
-ve
Hugleitt í
Salnum
Ólöf Arnalds og Hallfríður Ólafsdóttir sjá
um tónlistarflutninginn. FRÉTTABLAÐIÐ/STEFÁN
Kristjana Stefáns og Svavar
Knútur halda síðasta dú-
ettakvöld þessarar helgar í
Kirkju óháða safnaðarins í
kvöld klukkan 21.
Ástin, kærleikurinn
og angurværðin
svífa yfir vötnum á
tónleikum Kristjönu
og Svavars Knúts. Þau
leiddu fyrst saman hesta
sína fyrir tæpu ári á litl-
um tónleikum í Viðeyjar-
stofu. Nú hafa þau tekið
upp þráðinn aftur en
með endurnýjuðu laga-
vali. Á dagskrá eru nokk-
ur sígild lög með Abba,
Bítlunum, Gram Par-
sons, Robert Plant og
Alison Krauss, Kenny
Rogers og Dolly Parton,
ásamt frumsömdu efni
frá þeim báðum. Því
verður um auðugan
garð að gresja fyrir
unnendur góðrar
tónlistar. Aðgangs-
eyrir er aðeins eitt
þúsund krónur.
Dúettakvöld í
kirkju óháðra
Ást, kærleikur og ang-
urværð mun svífa yfir
vötnum.
Haukur Snorrason opnar
sýningu á abstrakt náttúruljós-
myndum í Gallerí Fold á Rauðar-
árstíg klukkan 15 í dag.
„Þetta er gæluverkefnið mitt. Það
sem ég er að gera frá hjartanu,“
segir Haukur spurður út í mynd-
efnið á sýningunni. „Ég er búinn
að fljúga yfir Ísland í 20 ár og
er farinn að sjá það með aðeins
öðrum augum en áður. Er ekki
endilega að horfa á heildarmynd-
ina heldur hið smáa sem leynist
á stöðum sem fyrirfram þykja
kannski ekki merkilegir. Því hef
ég verið að færa mig meira yfir
á afstrakt línu í myndatökunum.
Maður þarf að þefa þessa staði
uppi, eltast við birtuna og fanga á
filmu þessa miklu og sterku liti og
fallegu form.“
Allar myndirnar eru teknar á mjög
fínkornótta filmu í stærðinni 6x7
sem gefur myndinni meiri áþreif-
anleika heldur en ef um stafræna
mynd væri að ræða. Sýningin verð-
ur opin til 2. október. - gun
Litir og form
Fegurð landsins á sér margar birtingar-
myndir. MYND/HAUKUR SNORRASON
Uppskeruhátíð verður haldin
í Hrunamannahreppi í dag og
geta gestir og gangandi smakk-
að kjöt, fisk, egg, hunang,
vínber og mjólkurvörur beint úr
sveitinni.
Uppskeruhátíðin Matarkistan
Hrunamannahreppur verður hald-
in í Hrunamannahreppi í dag og af
því tilefni verður ýmislegt um að
vera á Flúðum og í nágrenninu.
Svæðið er þekkt fyrir fjölbreytta
matvælaframleiðslu og grænmet-
isræktun og í félagsheimilinu
verður boðið upp á úrval af nýju
íslensku grænmeti. Á Flúðum er til
að mynda eina sveppaverksmiðja
landsins og eina garðyrkjustöðin
þar sem jarðarber eru ræktuð og
seld. Handverks- og listafólk verð-
ur á staðnum og ferðaþjónustuaðil-
ar kynna þjónustu sína.
Ýmsir fleiri viðburðir verða
á dagskrá en boðið verður upp á
hreppasúpu á Hótel Flúðum og
reiptog yfir Litlu-Laxá. Eins verð-
ur sveppaveisla hjá Flúðasvepp-
um og gestakokkarnir Beggi og
Pacas laga grænmetisrétti á Kaffi
Grund. Opna íslenska grænmet-
ismótið í golfi fer fram á golf-
vellinum Efra-Seli og á Útlagan-
um verða tónleikar og dansleikur.
Nánari upplýsingar er að finna á
www.fludir.is - ve
Matarkistan opnuð
Heilsuþorp í Hrunamannahreppi.
Á Flúðum er eina garðyrkjustöðin á
landinu þar sem jarðarber eru ræktuð
og seld.
Boðið verður upp á úrval af nýju
íslensku grænmeti.
Fatasöfnun
Rauða kross Íslands
Er fatapokinn kominn til þín?
Rauði kross Íslands í samvinnu við Eimskip, Pósthúsið og SORPU dreifa nú
sérmerktum fatapokum um allt land til að auðvelda landsmönnum að taka
til hjá sér og koma gömlum fatnaði í endurvinnslu. Með því að gefa fatnað
leggur fólk Rauða krossinum lið og styrkir neyðaraðstoð bæði hér á landi
og erlendis.
Við tökum líka við ónýtum fatnaði sem við seljum í endurvinnslu
Handklæði, dúkar, gardínur og slíkt eru einnig verðmæti fyrir okkur
Tökum ennfremur við skóm, töskum, leikföngum og annarri smávöru
Alls ekki henda ónýtum fatnaði eða öðrum efnisbútum!
Stuðlum að aukinni endurvinnslu
og endurnýtingu!
styrkir birtingu þessarar auglýsingar