Fálkinn - 27.03.1963, Blaðsíða 16
,
íitjjftffihHáw..
Charlie spurði: — Hvar er Campbell?
-— Farinn til Sviss. Hann á í mikl-
um erfiðleikum, hr. Wales.
— Það var leitt að heyra. George
Hardt?
— Farinn heim til Ameríku, til þess
að vinna.
— Hvað er orðið af Kokain-Joe?
— Hann var hérna í síðustu viku.
Schaeffer, vinur hans, er að minnsta
kosti í París.
Þeir voru aðeins tvö þekkt nöfn á
langa listanum, yfir síðasta hálft annað
ár.
Charlie hripaði niður heimilisfang í
minnisbók sína og reif síðan blaðið úr.
— Ef þér hittið Schaeffer, viljið þér
þá vera svo góður að færa honum þetta,
sagði hann. — Þetta er heimilisfang
mágs míns. Segðu honum, að ég hafi ekki
ennþá leigt mér herbergi á neinu hóteli.
Innst inni hafði hann ekki orðið fyr-
ir vonbrigðum með fjarvistir kunningj-
anna í París. En kyrrðin í Ritz-barnum
var undarleg og ógnvekjandi. Honum
leið eins og kurteisum ferðamanni, bar-
inn var ekki lengur amerískur, honum
fannst hann ekki eiga heima þarna.
Andrúmsloftið var aftur orðið franskt.
Þegar hann gekk eftir ganginum
heyrði hann aðeins þreytulega rödd í
kvennasnyrtiherberginu, sem áður var
ávallt þétt setið. Hann vatt sér inn á
barinn. Þar var aðeins ein hræða sem
sat í horninu og gaut hornauga til hans.
Charlie spurði eftir yfirbarþjóninum,
Paul, sem hafði auðgazt vel á vinnu
sinni að undanförnu og komið akandi
til vinnu sinnar í eigin bíl.
í dag var Paul í sumarbústað sínum.
Það var Alix, einn af hinum barþjón-
unum, sem sagði honum það.
— Nei, þökk fyrir, ekki meira, sagði
Charlie. —- Ég fer hægt í sakirnar með
vínið sem stendur.
Alix óskaði honum til hamingju. —
Þú varst nú ekki að hafa fyrir því fyrir
nokkrum árum síðan.
— Það er nú bráðum liðið eitt ár
síðan ég tók upp á því, sagði Charlie.
— Hvernig leizt þér á ástandið í
Ameríku?
— Ég hef ekki verið þar í fleiri mán-
uði. Ég rek mín viðskipti í Prag og
læt ekkert að mér kveða þarna hinum
megin.
Alix brosti.
Charlie hélt áfram: — Manstu eftir
kvöldinu, sem við héldum kveðjuhófið
fyrir George Hardt hérna á Ritz?
Hvað er annars orðið af Claude Fess-
enden?
Alix sagði í hálfum hljóðum. — Hann
BABÝLON
SMÁSAGA
EFTIR
F. SCOTT FITZ GERALD
FALKINN