Fálkinn - 07.08.1963, Blaðsíða 9
.
tíkin liggur í loftinu, — sumpart vegna
þess að tímarnir eru rómantískir og
sumpart af því að persónur þær, sem
þá tórðu, eru rómantískar.
Minnumst við á Dillonshús, þá muna
margir sagnir um sérkennilegt ástar-
ævintýri; píuböll maddömu Ottesen,
þar sem aðeins var leikið á fiðlu við
stórhátíðir. Þannig getum við látið hug-
ann reika, um stofur og skála þessa
húss og annarra og sífellt bætast við
minni okkar kátlegir atburðir og
skemmtilegar historíur.
Þótt húsin í þessum hálfdanska bæ,
Reykjavík, séu ekki glæsileg, eru þau
merkileg. Þau eru dönsk að uppruna
og stíl. Jafnvel enn eru sum fegurstu
húsin í Reykjavík danskur arkitektúr.
Við ætlum að skyggnast um innan dyra
í tveimur slíkum húsum. Það er ekki
langt að fara. Við ökum upp að Árbæ.
Þar standa þau tvö, sitt hvorum megin
við Víkurtorg.
Við vindum okkur fyrst upp í Smiðs-
hús eða „Smedens hus“. Þar bjó um
hríð Sigurður málari Guðmundsson. í-
verustaður hans í þessu húsi var lítið
þakherbergi, hvers gluggar sneru í
vestur. Upp þröngan stiga er að fara
og síðan eru nokkur skref að herbergi
Sigurðar.
Sigurður málari Guðmundsson var
fyrir margra hluta sakir einn merkasti
maður 19. aldar. Honum dettur fyrst-
um íslenzkra manna í hug að stofna
þjóðlegt þjóðgripasafn. Ritað.i hann
Framhald á næstu síðu.
Eldhúsið í DiIIonshúsi. Þegar flytja álti
húsið og byrjað var að rífa það, fundu
menn þessa eldstó bak við eitt þilið f
eldhúsinu. Hafði hún þá staðið ónotuð
um árabii.
>■ «&*{
FALKINN
9