Fálkinn - 07.08.1963, Blaðsíða 21
l VID MTRAR
Það var laust eftir hádegi hinn 15.
september 1936, að franska hafrann-
sóknarskipið Pourquoi Pas? lagði úr
höfn í Reykjavík. Skipið hafði verið í
rannsóknarleiðangri á norðurslóðum,
aðallega við Grænland undir stjórn hins
heimskunna vísindamanns, Dr. Jean
Charcot, en var nú á heimleið eftir
nokkurra daga viðdvöl í Reykjavík, þar
sem Dr. Charcot átti marga vini, eftir
margar heimsóknir, þá fyrstu árið 1902.
Dr. Charcot sem nú var 69 ára að
aldri var fæddur í smáborg nálægt Par-
ís, sonur frægs læknis. Hann var sjálf-
ur læknir að mennt, en hafið heillaði
hann þegar á unga aldri og hafrann-
sóknir urðu ævistarf hans. Sem fyrr
segir kom hann fyrst til íslands árið
1902, þá þátttakandi í rannsóknarleið-
angri til Norður-hafa Vísindaafrek hans
urðu brátt kunn og árið 1908 Var haf-
rannsóknarskipið, sem nú var að leggja
úr höfn byggt, að mestu eftir fyrirsögn
hans.
Pourquoi Pas? hafði verið annað
heimili Dr. Charcot um hartnær þrjá-
tíu ár. Á ferðum sínum um Suðurhðf
og síðan norðlægustu breiddargráður
hafði hann kannað hafsvæði, sem áður
voru lítt kunn, gert vísindalegar athug-
anir og þjálfað unga menn til starfa;
menn sem skyldu halda áfram rann-
sóknarstörfunum er hann sjálfur félli
frá. Þeir skyldu taka upp þráðinn, þar
sem hann hætti og halda áfram að leita
svara við hinum fjölmörgu ósvöruðu
spurningum og var ekki nafn skipsins
táknrænt fyrir þetta starf.
Framhald á næstu síðu.