Fálkinn - 16.03.1964, Blaðsíða 11

Það var drukkið dátt í veizlu þeirra Jack-hjó:>
anna, og gestir og húsráðendur orðnir allölvaðir,
um það er lauk. Hér sitja þau og liggja í egg-
laga sófanum (sem að vísu var ekki fullsmíðað-
ur, þegar myndin var tekin) Vivi (Bryndís)
Tommy (Benedikt leikstjóri) og Maggi (Herdís) cg
það gengur glatt!
Billy og Plastik-Smith hafa skilið hvom aiman og
takast í hendur. Fyrir framan þá situr dóttirin,
Vivi. (Rúrik, Róbert, Bryndís),
Innan skamms hefjast í Þjóðleikhúsinu sýningar á danska
söngleiknum Táningaástir, Teenagerlove, eftir Ernst Bruun Olsen.
Söngleikur þessi er nýr af nálinni, enda nýtízkulegur um flesta
hluti. Leiktjöld, lýsing og staðsetning hljómsveitar, allt er þetta
með öðru og nýtízkulegra móti en við eigum að venjast.
Það er raunar ekkert óeðlilegt, að öll sviðsetning Táninga-
ásta sé nýtízkuleg, því leikurinn er gagnrýni, — miskunnarlaus
gagnrýni á nýtízkuna í þjóðlífi — ja sjálfsagt ekki hvað sízt þeirrar
þjóðar sem hann er saminn með, en einnig flestra annarra svo-
kallaðra menningarþjóða, að minnsta kosti eigum við, blessuð
þúsundára þjóðin, að geta tekið ýmislegt til okkar, sem þar stend-
ur. Ég er jafnvel illa svikinn, ef einstaka menn sjá ekki hitt og þetta
pólitískt í honum, að minnsta kosti einstaka betri borgara gleymist
ekki að verkið sé útlenzkt og alls ekki geti þar verið við þá átt...
Táningaástir gerast að mestu í garði og garðstofu Billy Jacks
og konu hans Maggi. Billy er dægurlagasöngvari, mjög vinsæll og
dáður af ungviðinu og hugsar um það eitt að viðhalda vinsældum
sínum á því sviði. Langt er síðan þau Maggi kynntust, og raunar
var það hún, sem fyrst taldi Billy á það að taka þátt í dægurlaga-
söngkeppni. Nú hefur þeim græðst fé og búa rikulega, en eru bæði
gerspillt af því andrúmslofti, sem þau lifa og hrærast í og sem
deilt er á í söngleiknum. Enda er langt frá því að þau hafi fundið
hina sönnu hamingju, eða eins og Maggi segir í upphafi leiksins:
í minni freðnu jörð eru blikandi blóm.
Þögul orð í kuldaklóm.
En' fjandinn hafi það, hér gengur það glatt
Auðvitað verður það að ganga glatt í augum umheimsins, því
annars væri Billy Jack ekki fær um að syngja sig „inn undir sæng-
urnar í smárósóttum smástelþnaherbergjum“ eins. ög hann orðar
það, þegar hann kynnir sig.
Billy hefur sérstakan textahöfund, sem yrkir allar væmnu
vitleysurnar, sem ganga í aðdáendurna. Sá heitir Tommy Tommy-
man. í upphafi leiksins kemur hann í heimsókn til Jack-hjónanna,
11
FALKINN