Fálkinn - 16.03.1964, Side 29

HAFNARBÍÓ SÝNIR: FRUMSKÓGARLÆKNIRINN
Áður en við tökum fyrir þá mynd sem kynnt verður í
dag skulum við víkja að fjórum myndum sem Hafnarbíó
á væntanlegar. Öllum verða þeim þó gerð gleggri ski
þegar þær koma til sýningar.
Þá ber fyrst að nefna mynd Hitchcock Fuglana. Hitchcock
hefur fengið orð fyrir að gera spennandi og óhuganlegar
myndir svo sem eins og Vertigo og Psycho. Mikið orð hefur
farið af þessari mynd og telja margir að Hitchcock hafi
aldrei tekist betur upp. Þá á Hafnarbíó væntanlega mynd-
ina The Ugly American, sem gerð er eftir samnefndri bók,
en hún vakti mikla athygli á sínum tíma. Það er Marlon
Brando, sem fer með aðalhlutverkið í myndinni og mundu
sumir að minnsta kosti telja það meðmæli. To Kill a Mock-
ingbird hét bók, sem kom út fyrir nokkrum árum og vakti
ekki síður umtal en sú, sem getið var hér að framan. Nú
hefur verið gerð kvikmynd eftir þessari bók og fer Gregory
Peck með aðalhlutverkið. Leikur hans í myndinni hefur
verið mjög rómaður og hlaut hann Oscars-verðlaun fyrir.
Sú mynd, sem mun ekki vekja hvað minnsta athygli er
hin nýja mynd John Huston þess er gerði Sjö hetjur,
Víðáttuna miklu og Alamo (verður væntanlega sýnd í
Laugarásbíó). Þessi mynd heitir Hinn síðasti á listanum
og hefur vakið mikla athygli. Huston er sagður sverja sig
talsvert í ætt við Hitchcock í þessari mynd, sem þykir bæði
spennandi og vel unnin. Af leikurum, sem koma fram í
þessari mynd má nefna Tony Curtis, Burt Lancaster,
Robert Mitchum. Frank Sinatra, Georg C. Scott og Dan
Wynter.
Fyrir nokkrum árum var sýnt hér í Þjóðleikhúsinu
leikrit, sem hét Rekkjan og seinna var farið með það í
leikför um landið. Höfundur þessa verks var Jan de Hartog.
Annað verk eftir þennan sama höfund hefur komið út á
íslenzku, bók hans um hollenzku dráttarbátana.
Framh. á bls. 40,
FÁLKINN
29