Fálkinn - 07.02.1966, Síða 5

DÖNSX
BEAT
TELPNAHLiÓMSVEIT
Eitt sinn voru hér í þættinum kynntar tvær hljóm-
sveitir, sem skipaðar voru ungum stúlkum; önpur
bandarísk, en hin brezk. En nú skulum við bregða
okkur til Danmerkur. Þar er hljómsveit, sem heitir
THE CEETHAS og hún er skipuð fjórum bráðhuggu-
legum stúlkum en þær eru:
Kiri Henninge 18 ára, en hún er hljómsveitarstýran
og lætur sér ekkert muna um að lemja trommurnar.
Hún greiðir hár sitt í stíl við THE BEATLES og
gengur í dátabuxum. Reyndar eru hinar stúlkurnar
einnig í síðbuxum. Marianne er 17 ára og aðalsöngv-
ari hljómsveitarinnar, auk þess sem hún leikur á
sólógítar. Hún er eins og Kiri, hávaxin og dökkhærð
og kann bezt við sig í ,,cowboy“-buxum. Hanne leik-
ur einnig á sólógítar, 17 ára. Henni er ekkert gefið
um mannfólkið, að því að hún segir, en óskadraum-
ur hennar er að verða milljóner. Ekki svo afleit ósk.
Á bassann leikur Anette, 17 ára. Hún bíður í eftir-
væntingu eftir að taka bílpróf, því óskadraumur
hennar er að eignast Plymouth.
Ef þið skylduð vita um einhverja íslenzka telpna-
hljómsveit, þá hikið ekki við að láta þáttinn vita,
því þær verða umsvifalaust kynntar. Skrifið þættin-
um um þetta málefni.
KVIKiliYIMDIR
OG BÖRIM
Ég veit ekki hvort ég sný
mér til rétts aðila að skrifa
Fálkanum um það sem mér
liggur á hjarta, en Fálkinn er
gott og rótgróið blað, svo að
mér fannst Það réttast. En mig
langar til að tala svolítið um
kvikmyndir og börn. Barna-
myndir eru víst nokkuð góðar
í kvikmyndahúsunum, en Það
er opinbert leyndarmál að börn
smeygja sér inn á myndir sem
eiga að vera bannaðar fyrir
Þau. Mér Þætti fróðiegt að Það
væri athugað hversu stór hluti
af kvikmyndahúsagestum yfir-
leitt eru börn. Mig grunar að
þau séu stór hluti, a. m. k.
má sennilega segja að börn og
unglingar séu stór hluti. Er
ekki þörf á því að bíóin leggi
sig fram um að hafa myndir
er falla börnum og unglingum
reglulega vel, en eru samt ekki
spillandi eða skemmandi fyrir
þau? Kvikmyndahúsin eru
staðir þar sem börnum á að
vera óhætt. Er ekki sanngjarnt
að það sé mikið gert til þess
að hafa gott kvikmyndaefni
fyrir unglinga, ef sá grunur
minn er réttur að börn og
unglingar séu stór hluti kvik-
myndahúsagestanna ?
MóSir.
Svar:
Þessu er hér með komiö á
framfœri. Annars engar at-
hugasemdir.
KLSJBBSJR FYRIR
GAIVIALT FÓLK
Ég sé það að ungt fólk kem-
ur aðallega til blaðanna með
áhyggjur sínar, hvort sem það
er bara að spyrja um eitthvað
eða óska eftir stjörnuspádóm-
um. En þó að ég sé farinn að
eldast langar mig til að biðja
Fálkann um rúm fyrir fyrir-
spurn eða tillögu. Nú á tímum
er mikið talað um tómstundir.
Svo var ekki fyrrum. Þá voru
engar tómstundir til, ef eitt-
hvert hlé varð á hinni nauð-
synlegustu vinnu, hvort sem
var til sjávar eða sveita, þá
Þótti mönnum gott að hvílast
1 mínu ungdæmi var ekki al-
gengt að menn væru nokkru
sinni alveg hvíldir. En nú hef-
ur gamalt fólk miklar tóm-
stundir, eins og unga fólkið
og allir. Er nokkur fjarstæða
að stofna klúbba fyrir gamalt
fólk um sitthvað sem því þyk-
ir gaman að og er jafnvel upp-
byggilegt fyrir það? Kannski
eru til slíkir klúbbar? Æsku-
lýðsráð hefur sett upp alls
konar starfsemi fyrir unglinga
(sem nú er farið að kalla tán-
inga, en það finnst mér heldur
böggulslegt orð). en er ekki
líka þörf á að hjálpa gamla
fólkinu til að eyða sínum tóm-
stundum skynsamlega, þó að
það sé engin hætta lengur að
það lendi á glapstigum, eða
geri ekki til þó að það londi
þar.
Gamall fmlur.
Svar:
Alveg afbragös liugmynd.
AÐ LESA
SKAPGERD IUAIMIMA
Til vikublaðsins Fálkans.
Eru til menn á Islandi sem
lesa skapgerð manna út úr rit-
hönd? Eða eru til einhverjir
sem lesa í lófa og hægt er að
trúa? Mér er sagt að til séu
ýmsar spákonur, en ég hef ekki
mikla trú á þeim. Ég fór til
einnar og hún sagði mér að
ég mundi hitta mannsefnið
innan skamms, en ég er gift
fyrir tveimur árum.
Agga.
Svar:
Nei, Fálkanum er ekki kunn-
ugt um neinn rithandarlesara
eöa lófalesara liér. En í erlend-
um tímaritum eru oft auglýs-
ingar frá slikum mönnum.
BRÉF FRÁ
V-ÞÝZKALAIMDI
Kæru herrarl
Ég hef alltaf haft áhuga á
landi yðar, og nú langar mig
til að kynnast þjóðinni. Mig
mundi langa til að eiga penna-
vin á Islandi. Ég er sextán ára
gömul stúlka, og mér þætti
einstaklega gaman að fá bréf
frá stúlkum eða piltum á mín-
um aldri. Mest þætti mér í það
varið að þau væru frá stúlk-
um eða piltum er sæktu skóla
á Laugavatni (bændasonum
eða dætrum sem eiga íslenzka
hesta) Reykjavík eða Akur-
eyri. Ég hef mjög gaman af
íþróttum (skíðaiðkun, sundi og
fimleikum), og af dýrum (hest-
um). Ég safna frímerkjum og
póstkortum og hef yndi af alls
konar tónlist og lestri.
Vilduð þér vera svo góðir að
birta beiðni mína í blaðinu.
Ég mundi verða þakklát. Ég
hlakka til að fá bréf frá ls-
landi.
Yðar einlæg.
Mechtild Morlok,
7967 Bad Waldsee,
Rossruckstr. 21
West Germany.
— Ég vona að þú hafir
óskað honum til hamingju
með trúlofunina?
— Já, en mér fannst ég
vera að hræsna, ég þekki
kvenmanninn.
FALKINN
5