Fálkinn - 07.02.1966, Blaðsíða 9

EPLAKVÖLD
EPLAKVÖLDIÐ er gömul hefð f
Kvennaskólanum, árleg skemmtun sem
mjög er til vandað. Ábyrgðm hvílir
öll á herðum námsmeyjanna, hver
bekkur sér um sitt skemmtiatriði, og
skólastjóra og kennurum er boðið að
horfa á. Þarna eru settir á svið leik-
þættir og lesin upp ljóð, gamanvísur
sungnar og meira að segja uppfærðar
óperur án undirleiks hljóðfæra. Þegar
sýningunni er lokið framreiða stúlk-
urnar kaffi og költur fyrir boðsgesti
sína, skrautlegar tertur af ýmsum gerð-
um, smákökur og annað hnossgæti,
ljúffengt á bragðið og listilegt á að líta,
svo sem verðandi húsmæðrum sæmir.
Loks er slegið upp balli, og dansinn
dunar í skólastofunum fram eftir kvöldi
með glaðværð og léttum hlátrum, þótt
engir séu herrarnir viðstaddir. Og ekki
má gleyma að geta þess, að allir þátt-
takendur fá epli til að gæða sér á, til
þess að skemmtunin beri nafn sitt með
réttu.
Á efri myndinni sést loka-
atriði hinnar hádramatísku
óperu þar sem ungu elskend-
urnir þeysa brott á hvítum
reiðskjóta, en þriðja aðalper-
sónan liggur dauð í valnum eft-
ir einvígi við riddarann. Yngis-
mærin er Eygló Magnúsdóttir
úr IV. Z, en elskhuginn Svan-
dís Magnúsdóttir úr sama bekk,
formaður skemmtinefndar, sein
einnig skreytir forsíðu okkar
að þessu sinni. Á neðri mynd-
inni sjáið þið viðbrögð áhorf-
enda. Enda þótt Kvennaskóla-
stúlkurnar séu með afbrigðum
prúðar í framkomu og hæ-
verskar geta þær hlegið hjart-
anlega þegar svo ber undir, og
liklega verkar fátt jafnkitl-
andi á hláturtaugarnar og
smellnar gamanvísur um hátt-
virta kennara skólans.
9
FALKINN