Fálkinn - 07.03.1966, Blaðsíða 21
Það er dásamlegt að vera
maðurinn hennar
segrr Richard Johitson um eiginkonrj sína
Kim Novak
Þau giftu sig í kyrrþey. Aðeins einn fréttamaður komst
á snoðir um leyndarmál þeirra, og hann var frá dagblaði
í London.
„Það var þó bót í máli, að Englendingur skyldi verða á
undan Ameríkumönnum," segir Richard Johnson með ekta
brezku stolti.
Hann er þaulvanur að leika Shakespeare á sviði, en nú
er honum spáð mikilli frægð sem kvikmyndastjörnu.
Hann kynntist Kim Novak þegar þau léku saman í
ÁSTARÆVINTÝRI MOLL FLANDERS, og það leið ekki
á löngu áður en eftirsóttasta stúlkan í Hollywood var orðin
Mrs. Johnson.
„Okkur kom ekki alltaf vel saman. Við hnakkrifumst
út af sumum atriðunum. En það gerði ekkert til. Það
verður að vera skap í leikurum. Kim er næmgeðja og til-
finningaheit, og hún leggur hart að sér. Hún hætti ekki
fyrr en hún náði enska hreimnum fullkomlega — ég hef
aldrei heyrt bandarískum leikara takast jafn vel.“
Richard lék Shakespeare í Stratford og fussaði þegar
minnzt var á Hollywood. „Ég tek kvikmyndir ekki alvar-
lega,“ sagði hann þá. En núna er hann búinn að skipta
um skoðun. „Mig langar ekki lengur á svið. Átta sýningar
á viku og verða alltaf að vera vel fyrirkallaður — það fer
hrollur um mig við tilhugsunina."
Og Kim hefur haft sín áhrif á hann. „Við hliðina á
henni er ég eins og viðvaningur. En bezti kosturinn á Kim
er sá að hún lætur frægðina ekki stíga sér til höfúðs.
Gagnvart almenningi er hún eins og ætlazt er til af henni,
en í einkalífinu er hún alltaf hún sjálf, gerólík stjörnunni
sem fólk dáir. Hún er fyrst og fremst mannleg, laus við
hina tilbúnu gerviframkomu kvikmyndaheimsins. Það er
gott að leika á móti henni, en dásamlegt að vera maðurinn
hennar.“
FÁLKINN 21