Fálkinn - 07.03.1966, Blaðsíða 39

BERID FRAM NÝBAKAÐAR
SKONSUR, MUFFINS og BOLLUR
OG GLEÐJIÐ FJÖLSKYLDUNA
RÚSÍNUBOLLUR.
450-500 g hveiti
1 egg
1 tsk. kaneil
3 msk. sykur
V2 tsk. salt
75 g smjör
14 1 sjóðandi mjólk
3 V2 msk. ylvolgt vatn
50 g pressuger eða
15 g perluger
2 dl rúsínur.
Rúsínurnar saxaðar; gerið leyst upp í volgu vatni. Blandið
saman mjólk, smjöri, sykri, salti og kanel; þegar þessi hræra
er rétt volg, er þeyttu egginu og helmingnum af hveitinu
hrært saman; deigið slegið þar til það er gljáandi; þá er
gerhrærunni og rúsínunum blandað saman við og það miklu
af hveiti, að deigið sé vel meðfærilegt. Geymt á volgum stað
vel til byrgt, þar til deigið hefur stækkað um helming (nálega
1 klukkustund).
Deigið hnoðað, skipt í 24 bita og mótaðar bollur, sem
settar eru á vel smurða plötu, haft gott bil á milli. Bollurnar
smurðar með bræddu smjöri eða olíu og látnar lyfta sér um
helming, tekur/um 30—40 mínútur. Klippið kross í toppinn
á hverri bollu og penslið með eggi, sem þeytt hefur verið
með dálitlu vatni (1—2 msk.).
Boliurnar bakaðar við 200—225° í 15—20 mínútur.
Búið til sykurbráð úr flórsykri og sjóðandi vatni og setjið
dálítið af þessari bráð í krossinn á hverri bollu, meðan þær
eru heitar.
3 % dl hveiti
5 msk. sykur
2 tsk. lyftiduft
1 tsk. salt
V2 tsk. engifer
1 egg
MUFFINS.
60 g smjör
1 Vi dl mjólk
1 msk. rifinn sítrónu-
börkur
2% dl smátt skorið epli
1 dl rúsínur.
Skonsur.

Rúsínubollur.
Hveiti, sykri, salti og engifer sáldrað í skál; búið til litla
holu í miðju þessarar blöndu og hellið þar í eggi, bræddu
smjöri, mjólk og rifnum sítrónuberki; deigið hrært vel saman;
eplunum og rúsinunum blandað saman við.
Deigið sett með skeið í lítil smurð muffinsmót; dálitlum
sykri stráð ofan á deigið. Bakað við 225° í 20—25 mínútur.
Borið fram volgt með góðu smjöri.
SKONSUR.
6 dl hveiti
3 tsk. lyftiduft
V2 tsk. salt
2 msk. sykur
5 msk. smjör
2 egg
1 dl mjólk
V2 dl brætt smjör
Hveiti og lyftidufti sáldrað á borð, salti og 1 msk. af sykri
blandað saman við. Eggið þeytt, mjólkinni blandað saman.
Smjörið mulið saman við hveitið, vætt í deiginu með eggja-
mjólkinni. Hnoðað.
Deigið flatt út á hveitistráðu borði í ferkantaða köku
20X40 cm. Kakan smurð með bræddu smjöri, afgangnum af
sykrinum stráð ofan á.
Kakan skorin í 10 cm stóra ferhyrninga, sem eru skornir
í þríhyrninga, sem látnir eru á smurða plötu. Bakað við
200—225° í 12—15 mínútur.
Borið fram volgt með smjöri og góðu aldinmauki eða osti.
Muffins,
FALKINN
39