Fálkinn - 07.03.1966, Blaðsíða 22

STEINUNN S.BRIEM RÆÐIR
SJUKLING'" SEM SKYRIR Fi
SKILNI FRÁ YIÐSKIPTUM
NDRÚMSLOFTIÐ er kyrrlátt, það er hlustað af djúpri
athygli. Ræðumennirnir tala allir blaðalaust, en engan
þeirra rekur í vörðurnar. Þeir eru innan um vini og
félaga, og þeir flytja mál sitt ekki í hefðbundnu
D
■ I fyrirlestrarformi, heldur segja með einföldum lát-
lausum orðum frá eigin reynslu í sambandi við efni
það sem er á dagskrá: áfengisvandamálið. Hér eru menn og
konur af öllum stéttum þjóðfélagsins sameinuð í þeirri við-
leitni að sigrast á hinu hræðilega böli ofdrykkjunnar og hjálpa
öðrum til að gera slíkt hið sama.
SAMEINING — ÞJÓNUSTA — BATI. Þessi þrjú orð eru
letruð á skjöld AA-samtakanna, og þau leitast félagarnir við
að hafa sífellt í huga. Þeir vinna verk sitt í kyrrþey og sækj-
ast ekki eftir umtali og auglýsingum, en hver sá er þarf á
hjálp að halda í baráttu gegn drykkjuskap getur snúið sér til
þeirra. Inntökuskilyrði er eitt og aðeins eitt: einlægur vilji
til að hætta áfengisneyzlu.
Sögur ræðumannanna eru í höfuðatriðum ekki ósvipaðar,
þótt hver og einn hafi margt persónulegt til málanna að
leggja. Hófdrykkjumaðurinn sem var orðinn að ofdrykkju-
manni án þess að honum væri það sjálfum ljóst. Árangurs-
lausar tilraunir ættingja og vina til að leiða honum fyrir
sjónir hvernig komið væri. Örðugleikar á öllum sviðum,
innan heimilisins og út á við, síversnandi fjárhagur, atvinnu-
missir, heilsutjón, loks algert hrun. Og þá björgunin. Þeir tala
af aðdáanlegri hreinskilni og reyna ekki að bera í bætifláka
fyrir sig eða fegra framkomu sína. Það hafa þeir gert of
oft áður.
Það þarf kjark til að standa upp og segja rólega og ögrunar-
laust: „Ég er alkóhólisti“. Jafnvel í hópi félaga sem þekkja
drykkjuástríðuna af eigin reynd og dettur ekki í hug að
áfellast neinn eða fordæma, hversu oft sem hann kann að
falla fyrir freistingunni.
Eftir fundinn er sameiginleg kaffidrykkja, og það er rabbað
saman í bróðerni yfir bollunum. Nýir félagar fá vinsamlegar
móttökur, og von þeirra glæðist þegar þeir sjá, að hér eru
margir sem barizt hafa harðri baráttu og unnið sigur.
„Okkur er ráðlagt að hugsa um einn dag í einu,“ segir
Pétur sem er einn þeirra er töluðu á þessum fundi. „Dagur-
inn í gær er liðinn og honum verður ekki breytt, dagurinn
á morgun er ókominn en daginn í dag eigum við og getum
notað að vild.“
Hann heitir ekki Pétur, en við getum kallað hann það hér.
„Oss ber að nota persónulega nafnleynd í samskiptum vorum
við blöð, kvikmyndir og útvarp“ segir í reglum AA-samtak-
anna.
„Ég var búinn að drekka í mörg ár áður en ég varð alkóhól-
isti,“ segir hann. „Og þaðan af lengri tími leið þangað til ég
gat viðurkennt fyrir sjálfum mér og öðrum, að ég væri ofur-
seldur áfengisnautninni.“
Það virðist næsta ótrúleg tilhugsun, að fyrir sex árum
hafi þessi maður verið orðinn andlegt og líkamlegt rekald,
knúinn áfram af óslökkvandi þorsta í áfengi, sinnulaus um allt
annað, hugsandi sýknt og heilagt um það eitt að ná sér í
flösku, aftur flösku og enn flösku og gleyma þannig um
stundarsakir áhyggjum og stríði hversdagslífsins.
Hann er maður á bezta aldri, og útlit hans ber engar menj-
ar þeirra fimmtán ára sem hann fórnaði á altari Bakkusar.
Augun eru skír og íhugul, munnsvipurinn festuleguf, en bros-
ið er glaðlegt og lýsir upp andlit hans. Hann hefur þægilegan
málróm, og fas hans er rólegt og fumlaust.
„Ég gerði engan greinarmun á sannleika og lygi, ég lifði
í eigin blekkingaheimi og útilokaði mig frá fjölskyldu og
vinum,“ heldur hann áfram. „Það var eilíft basl að ná sér
í peninga fyrir brennivíni, hitt varð að bjargast einhvern
veginn.“
Hann talar hóglátlega og hlutlaust líkt og hann væri að
segja frá öðrum manni. „En þótt böl drykkjumannsins sé
mikið er það ekkert á móti þeirri þjáningu sem hann leggur
á saklaust fólk, einmitt þá sem honum þykir vænst um,
konuna og börnin, ættingja og vini. Enginn er svo vesæll. að
hann eigi ekki einhverja vini sem taka nærri sér þegar honum
farnast illa. En drykkjumaðurinn finnur aldrei neitt athugai
vert við sjálfan sig. Hann kennir þjóðfélaginu um allar sínar
hörmungar. Hann hefur það ekki nógu gott, hann fær alltof
22
FALKINN