Fálkinn - 07.03.1966, Blaðsíða 8

Tizkudansinn Já-Já
Tízkudansinn í París um þessar mundir er kallaður „Yes-Yes“,
eða Já-Já og unglingar með sterk lungu og stálslegna óbeit á
allri vinnu, hafa tekið upp maraþonkeppni í Já-Já. Parið á mynd-
inni er búið að halda út í þrjú dægur, þegar hún er tekin og
trúi því hver sem vill. Eitthvað er þetta annað en í gamla daga,
þegar maður varð að skila dömunni örmagna af þreytu eftir að
hafa dansað polka í fjórar mínútur.
Brezkur biskup hefur nú tekið sér fyrir hendur að
endurvekja eldgamla siðvenju þar í landi, en hefur ekki
unnið henni fylgi, nema að mjög takmörkuðu leyti.
Hann lítur þannig á málið, að til þess að vinna hjörtu
ungu kynslóðarinnar verði presturinn annað hvort að
leika sér með fótbolta fyrir altarinu, eða klæðast krikket-
búningi við messu. Nú er honum um hvorugt þetta gef-
ið og í stað þess hefur hann endurlífgað siðinn varðandi
drengjabiskupa. Nú í ár var 13 ára gamall Jamaica búi,
Carl Campell, að nafni, vígður til embættis á kvöldi
hins heilaga Nikulásar. Ætlunin er að hann komi fram
í fullum skrúða við barnaguðþjónustur og lesi úr heilagri
ritningu. Hér á myndinni sjáum við hinn nývígða biskup
skrýddan eins og helgisiðirnir segja til um.
13 ára biskup
Scíti iiVíí lirillisinc^ ^ra £ama^ Bandaríkjamaður frá borginni Ontario í Kaliforníu, setti nýlega nýtt heims-
~ met í akstri. Hann náði 658,053 kílómetra hraða á klukkustund á bíl sínum, sem hann kall-
ar „Gullskrjóðinn* (Goldenrod) á saltsléttunum í Utah. Metið er 9 km. betra en það sem Donald Campell setti þann 17.
júní 1964 á Eyre vatni í Ástralíu. Bílinn, sem er knúinn fj órum hreyflum, smíðaði Summers í samvinnu við bróður sinn,
William Ray.
8
FALKINN