Fréttablaðið - 10.10.2009, Blaðsíða 42

VEGAGERÐIN veitir upplýsingar um færð í síma
1777, símsvaranum 1779 eða á vefsíðunni www.vega-
gerdin.is. Einnig má leita upplýsinga um veður á vef
Veðurstofu Íslands á www.vedur.is.
„Hugmyndin að sýningunni vakn-
aði eftir að ég opnaði vefinn www.
trommari.is í janúar,“ segir Hall-
dór Lárusson, trommari til þrjátíu
ára, sem stendur að sýningunni
Trommarinn 2009 á laugardag-
inn. „Vefurinn fékk mun betri við-
tökur en ég bjóst við og því datt
mér í hug að setja saman sýn-
ingu þar sem trommuleikarar og
trommuáhugafólk á landinu gætu
komið saman, sýnt sig og séð aðra,“
segir hann og útskýrir að vefurinn
trommari.is sé töluvert sérhæfður.
Þar sé að finna samfélag trommara
með spjallþráðum, upplýsingum og
myndum af trommurum í gegnum
tíðina, allt frá árinu 1925.
Hann er beðinn um að lýsa því
hvað verður á boðstólum á sýning-
unni. „Þarna verður fjöldi uppák-
oma, til dæmis munu nokkrir
landsþekktir trommu- og slag-
verksleikarar stíga á svið og hafa
sumir samið sérstök verk fyrir sýn-
inguna,“ segir Halldór. Sem dæmi
um þekkta trommuleikara má
nefna Gunnlaug Briem, Einar Val
Scheving, Áskel Másson og Ragnar
Sverrisson ásamt mörgum öðrum.
„Þá munum við einnig heiðra Guð-
mund Steingrímsson, eða Papa
Jazz, fyrir ævistarf sitt í þágu tón-
listar á Íslandi,“ upplýsir Halldór.
Á sýningunni verða auk þess
hljóðfæraverslanirnar Tónastöð-
in, Hljóðfærahúsið/Tónabúðin og
Rín með allt það nýjasta til sýnis
í trommum og slagverki. Einn-
ig munu íslenskir trommusmiðir
sýna verk sín og nokkur eldgöm-
ul og flott trommusett mun einn-
ig bera fyrir augu gesta en það
elsta er að sögn Halldórs frá 1918.
„Svo vildum við í anda kreppu hafa
frítt inn og bjóða líka upp á nokkra
vinninga í boði hljóðfæraverslan-
anna og trommari.is,“ segir hann.
Og hvernig hafa viðbrögðin
verið? „Vægast sagt góð. Nú hef
ég bara mestar áhyggjur af því að
salurinn sé of lítill,“ segir Halldór
en níutíu manns hafa þegar boðað
komu sína á Facebook. Hann segir
vel geta farið svo að sýningin verði
að árlegum viðburði. „Ef þetta
gengur vel munum við strax hefj-
ast handa við að skipuleggja næstu
sýningu,“ segir hann spenntur.
Sýningin Trommarinn 2009
verður haldin í sal Tónlistarskóla
FÍH við Rauðagerði á laugardaginn
frá 13 til 18. Allir eru velkomnir
meðan húsrúm leyfir og aðgangur
er ókeypis.
solveig@frettabladid.is
Trommarar landsins
halda taktfasta sýningu
Sýningin Trommarinn 2009 verður haldin í fyrsta sinn í dag í sal Tónlistarskóla FÍH. Þar munu víðfrægir
trommarar berja húðir auk þess sem Guðmundur „Papa Jazz“ Steingrímsson verður heiðraður.
Halldór Lárusson, trommari og tónlistarkennari, stendur fyrir sýningunni Trommarinn
2009 í sal Tónlistarskóla FÍH í dag, laugardag, frá 13 til 18. FRÉTTABLAÐIÐ/ANTON
Sýningu á íslenskum húsgögnum
á Hönnunarsafni Íslands lýkur á
morgun.
Nú fer hver að verða síðastur að sjá
sýningu í Hönnunarsafni Íslands
á íslenskum húsgögnum frá árun-
um 1950 til 1970 en henni lýkur á
morgun.
Íslensk húsgagnaframleiðsla
stóð með miklum blóma á tíma-
bilinu 1950 til 1970 og víða leyn-
ast enn húsgögn frá þeim tíma á
íslenskum heimilum og stofnunum.
Arndís S. Árnadóttir hönnunar-
sagnfræðingur mun í leiðsögn um
geymslusýningu Hönnunarsafns-
ins skyggnast um og greina frá
helstu áföngum í sögu íslenskrar
húsgagnasmíði og -hönnunar á síð-
ustu öld og tengja við gripi safns-
ins.
Safnið verður opnað klukkan
13 á morgun og hefst leiðsögnin
klukkan 15. Nánari upplýsingar
www.honnunarsafn.is.
Áfangar í húsgagnahönnun
Stuttverkahátíðin Margt smátt verður hald-
in í fimmta sinn á laugardaginn. Að þessu sinni
verða einnig sýnd færeysk verk og verður áhuga-
vert að sjá leikformið í meðförum Færeyinga.
Leiklistar hátíðin verður haldin í Félagsheimili Sel-
tjarnarness og hefst klukkan 12 með setningarat-
höfn og stendur til klukkan fimm. Alls verða tut-
tugu leikverk sýnd með tveimur hléum og að því
loknu mun Sigrún Valbergsdóttir fjalla um sýningar
hátíðar innar. Aðgöngumiða verður hægt að kaupa
við innganginn á 1.500 krónur.
Færeysk og íslensk verk
Frá einu stuttverkanna sem sýnd voru á
hátíðinni Margt smátt árið 2003.
Íslensk húsgagnaframleiðsla stóð í
blóma frá 1950 til 1970.
Ásta Arnardóttir • 862 6098 • asta@this.is
Lótus jógasetur • www.this.is/asta
YOGA
MORGUN HÁDEGI SÍÐDEGI
BYRJENDANÁMSKEIÐ HEFST 12. OKT
Kópavogsdeild Rauða krossins heldur námskeið í
almennri skyndihjálp þriðjudaginn 20. október kl. 18-22
í Hamraborg 11, 2 hæð.
Á námskeiðinu læra þátttakendur grundvallaratriði í
skyndihjálp og endurlífgun. Markmiðið er að þátttakendur
verði hæfir til að veita fyrstu hjálp á slysstað.
Skráning er til 16. október.
Kannt þú
skyndihjálp?
Námskeiðsgjald 4.500 á mann.
Innifalin eru námskeiðsgögn og þátttökuskírteini.
Leiðbeinandi er Laufey Gussurardóttir
Sjálfboðaliðar Kópavogsdeildar fá ókeypis á námskeiðið og
félagsmenn sem greitt hafa félagsgjaldið fá 10% afslátt.
Sjálfboðamiðstöð Hamraborg 11 www.redcross.is/kopavogur opið virka daga kl. 10-16
Frekari upplýsingar fást í síma 554 6626 eða
með tölvupósti á kopavogur@redcross.is.
SKARTHÚSIÐ • LAUGAVEGI 44 • SÍMI 562 24 66