Fréttablaðið - 10.10.2009, Blaðsíða 57

FERÐALÖG 7
svölum og stóru baðherbergi með
baðkari og sturtu. Unnt er að fá
alla málsverði inn á herbergi ef
maður er þannig stemmdur, en
annars eru þrír dýrindis veitinga-
staðir um borð sem hafa fengið
hinn virta Relais & Chateux-stimp-
il. Stærsti veitingasalurinn er um
leið sá fínasti og þar er boðið upp
á klassíska franska eldamennsku á
heimsklassa.
Meðan á hverri siglingu stendur
eru haldin þrjú galakvöld í þessum
veitingasal þar sem gestir mæta
uppáklæddir í smóking og síðkjól
eins og tíðkaðist fyrr á tímum um
borð í slíkum skipum. Um borð er
dásamlegur ítalskur sælkeraveit-
ingastaður þar sem gestir geta
fengið dýrindisrétti eins og kálfa-
lifur, carpaccio, alls konar ferskt
pasta sem er lagað á staðnum, úrval
af forréttum og ítölskum ostum og
auðvitað fínustu ítölskum vínum.
Uppi á dekki er svo Grillið, veit-
ingastaður þar sem boðið er upp á
léttari rétti eins og salöt, steikur,
fisk og hamborgara sem er upplagt
að fá sér í hádeginu á meðan maður
nýtur sjávarloftsins. Mikilvægt er
að geta þess að á meðan á siglingu
stendur er allt innifalið í verðinu,
þannig að þú þarft ekki að draga
upp pyngjuna þegar þú hefur notið
drykkjar eða málsverðar. Eini veit-
ingastaðurinn þar sem þú þarft að
borga aukalega er mesti lúxusstað-
ur skipsins en þar er boðið upp á
sérvalin eðalvín frá öllum heimsins
hornum.
Einstakur og afslappaður ferðamáti
Silver Sea-flotinn hefur farið um
spennandi siglingaleiðir allt frá
því að fyrirtækið hóf starfsemi
sína á tíunda áratugnum. Siglt er
um Kyrrahafið, Miðjarðarhafið, um
norðurslóðir og Rússland, til Kína
og Taílands og jafnvel upp eftir
Amazon-fljótinu í Suður-Ameríku.
Eitt skipanna siglir meira að segja
með ströndum Suðurskautslandsins
og er ferðin sérhönnuð fyrir þá sem
hafa áhuga á náttúruvísindum.
Á hverju ári eru skipulagðar
spennandi ferðir þar sem stoppað
er á mörgum áhugaverðum áfanga-
stöðum. Það sem er óvenjulegt við
að ferðast á skipi eins og þeim hjá
Silver Sea er að þú nýtur ferðalags-
ins sjálfs, ekki bara áfangastað-
arins þannig að, líkt og á öldum
áður þegar enginn var að flýta
sér, getur maður virkilega slakað
á og notið lífsins á meðan siglt er
milli þeirra borga og áfangastaða
sem heimsóttir verða. Ferðalagið
er ekki ónotaleg seta í flugvél eða
í bíl heldur dásamlega afslapp-
andi vera á lúxushóteli þar sem
hægt er að borða góðan mat, lesa
góðar bækur, fara jafnvel á djass-
eða píanótónleika, hlusta á áhuga-
verða fyrirlestra, fara á námskeið,
skreppa í jóga eða líkamsrækt og
fá sér andlitsbað eða nudd í heilsu-
lindinni og láta dekra við sig af öllu
því einstaklega alúðlega og vina-
lega starfsfólki sem er um borð. Og
ef sólin skín er upplagt að sitja við
sundlaugina með svalandi drykk!
Á meðan ferðalagið varir mun
maður geta kynnst mörgu skemmti-
legu og víðsýnu fólki sem hefur
tekið ástfóstri við þennan einstaka
og rómantíska ferðamáta. Margir
hafa eignast þar vini fyrir lífstíð
og geta ekki hugsað sér annað en
að fara í eina slíka siglingu á ári.
amb@frettabladid.is
Hægt er að sjá allt um ferða-
áætlanir Silver Sea á www.silver-
sea.com Relais & Chateux veitingastaður Dásamleg matarupplifun um borð.
BSÍ , 101 Reykjavík , 562-1011, main@re.is, www.flybus.is
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll
Alltaf laus sæti
www.flybus.is
NJÓTTU ÞESS AÐ FERÐAST Á EINFALDAN HÁTT
ÞÚ KEMST ÞANGAÐ
MEÐ OKKUR!
er að finna í Dubai.