Fréttablaðið - 10.10.2009, Síða 72

44 10. október 2009 LAUGARDAGUR
menning@frettabladid.is
Í dag verður myndlistarsýning opnuð á Seyðis-
firði. Hún er sett upp í Bókabúðinni, sem hefur
nú þjónað sem verkefnarými Skaftfells í rúmt
ár. Auk fjölbreyttra sýninga hafa verið haldin í
bókabúðinni námskeið, vinnustofur, markaðir og
uppákomur.
Það er myndlistarmaðurinn Pétur Kristjánsson
sem setur þar upp Kjallaraseríuna, auk nokkurra
eldri skúlptúra. Kjallaraserían byggist á afleiddum
myndum sem hafa orðið til meðvitað en þó
eingöngu sem afleiðing af öðrum verkum. Má sjá
dæmi þess á meðfylgjandi mynd.
Pétur Kristjánsson fæddist í Bandaríkjunum
árið 1952. Hann er búfræðingur og þjóðfræðingur
og hefur búið á Seyðisfirði síðan 1984. Á árunum
1991 til
1998 vann hann að mörgum verkefnum með
og fyrir vin sinn og læriföður, Dieter Roth, sem
þá hafði aðsetur á Seyðisfirði. Annars er Pétur
forstöðumaður Tækniminjasafns Austurlands og
hefur verið prófessor í Dieter Roth-akademíunni
frá stofnun hennar árið 2000. Sýningin verður
opin samkvæmt samkomulagi, upplýsingar fást
hjá Skaftfelli í síma 472 1632 eða hjá Pétri Kristj-
ánssyni í síma 861 7764.
Kjallaraserían verður uppi í Gömlu bókabúðinni
til 1. nóvember og eru allir velkomnir.
Myndlist leidd af öðrum verkum
MYNDLIST Myndverk úr Kjallararseríunni eftir eftir
Pétur Kristjánsson. MYND/PÉTUR KRISTJÁNSSON
Áfram heldur flutningur verka
eftir Hrafnhildi Hagalín í Útvarps-
leikhúsinu á rás 1 sem samin voru
fyrir nokkra
elstu og virtustu
leikara okkar:
á su n nud a g
verður frum-
flutt leikritið Is
there someone
out there? með
Herdísi Þor-
valdsdóttur í
aðalhlutverki.
Herdís fór að
leika ung að aldri
í Hafnarfirði
þar sem hún ólst upp. Hún kom
snemma til starfa hjá Leik félagi
Reykjavíkur og Fjalakettinum í
Iðnó og varð strax einn af máttar-
stólpum Þjóðleikhússins 1950 þar
sem hún vann alla sína starfsævi.
Jafnframt var hún afkstamikill
leikari í útvarpi. Hún tók á seinni
árum að beita sér mjög fyrir friðun
lands og náttúru og eftir feril sinn
hjá Þjóðleikhúsi varð hún áberandi
í hlutverkum á hvíta tjaldinu.
Leikurinn henni helgaður segir
af eldri heimskonu sem lifað hefur
fjölbreyttu og skrautlegu lífi í
útlöndum er sest að í litlu sjávar-
plássi fyrir vestan. Hún fær í
heimsókn til sín þekkta íslenska
þáttagerðarkonu og segir henni
sögu sína. Hrafnhildur leikstýrir
sjálf.
Á eftir flutningi leikritsins
verður á dagskrá þátturinn Í aðal-
hlutverki þar sem brot af ferli Her-
dísar Þorvaldsdóttur í Útvarps-
leikhúsinu verða rifjuð upp.
Um kvöldið verður frumfluttur
sjónvarps þátturinn Persónur &
leikendur í ríkissjónvarpinu, þar
sem Eva María Jónsdóttir ræðir
við Herdísi. - pbb
Hlutverk Herdísar
LEIKLIST Herdís
Þorvaldsdóttir
leikkona.
á morgun kl. 15.15
Íslenski flautukórinn heldur tón-
leika klukkan 15.15 í tónleikaröð-
inni í Norræna húsinu á morgun.
Þar flytur hann verk eftir Þuríði
Jónsdóttur, Þorkel Sigurbjörnsson,
Giancarlo Scarvaglieri, Maríu
Cederborg og nýjan einleiks-
konsert, LUX, eftir Huga Guð-
mundsson. Einleikari á tónleikun-
um verður Melkorka Ólafsdóttir.
> Ekki missa af
síðustu helgi í Hönnunarsafni
Íslands í Garðabæ, Lyngási
7-9, þar sem íslensk hús-
gagnaframleiðsla er til sýnis.
Á sunnudag kl. 15 verður
Arndís Árnadóttir hönnunar-
sagnfræðingur með leiðsögn
um geymslur safnsins og
skoðar íslensk húsgögn þessa
tímabils.
Í dag verður frumsýnt verk
fyrir fólk á aldrinum 9 til 99 ára
sem fjallar um vatn. Sýningin
hefur það að markmiði að sýn-
ingargestir sjái vatn í nýju ljósi;
upplifi margbreytileika, mikil-
vægi og töfra bláa gullsins. Þrír
trúðar leiða áhorfendur um sögu-
svið vatnsins sem hefur verið á
stöðugu ferðalagi um jörðina í
árþúsundir; undir og á yfirborði
hennar, í öllu lífverum og um
himingeiminn. Trúðarnir varpa
fram ýmsum spurningum um eðli
og uppruna vatnsins á fræðandi
en trúðslegan hátt.
Opið út, sjálfstætt starfandi
leikhús, með Charlotte Böving í
broddi fylkingar, setur sýning-
una upp í samvinnu við Borgar-
leikhúsið. Ragnhildur Gísladóttir
sér um hljóðmynd og Gjörninga-
klúbburinn sér um leikmynd og
búninga. Opið út stóð í fyrra fyrir
uppsetningu á Mamma mamma
í Hafnarfjarðarleikhúsinu. Leik-
arar í trúðsleiknum um vatnið
eru þau María Pálsdóttir, Sól-
veig Guðmundsdóttir og Vík-
ingur Kristjánsson. Hópurinn
samdi verkið undir stjórn Char-
lotte Böving sem leikstýrir. Sýn-
ingar verða allar helgar á Litla
sviði Borgarleikhússins.
Bláa gullið glóir í Borgó
LEIKLIST Trúðarnir í Bláa gullinu: María
Pálsdóttir, Sólveig Guðmundsdóttir og
Víkingur Kristjánsson. MYND/OPIÐ ÚT/LR
Í gær hleypti Reykjavíkur-
borg af stokkunum átaks-
verkefninu Ljómandi borg
með því að kveikt var á
friðarsúlunni í Viðey.
Átakið er beint áframhald af
Björtum dögum. Þema „Ljóm-
andi borgar“ er ljósin í borg-
inni, vatnið og veturinn. Lýsing
verður nýtt til að vekja athygli á
forvitnilegum og öðruvísi hliðum
borgarinnar, mannvirkjum og
náttúru. Með því að kveikja á
kerti eða hvítum ljósum í sínu
nærumhverfi, t.d. í glugga, þá
geta borgarbúar tekið þátt í að
lýsa upp okkar Ljómandi borg.
Borgarstjórinn Hanna Birna
segir Ljómandi borg hafa þann
tilgang einan að gleðja íbúa og
gera borgina okkar hlýlegri,
skemmtilegri og enn betri.
Meðal viðburða verður útsending
sinfóníutónleika í sundlaugum,
samkeppni um snjólistaverk,
tónlistarhátíð, útimarkaðir í mið-
borginni, kaffihús í Hljómskálan-
um á aðventunni, dagskrá fyrir
börn á bókasöfnum og fleira.
Í dag verða tónleikar í Ráðhús-
inu þar sem Karlakór Reykjavík-
ur býður borgarbúum að hlýða á
fjölbreytta efnisskrá. Drengja-
kór Reykjavíkur mun einnig koma
fram. Stjórnandi beggja kóranna
er Friðrik S. Kristinsson. Tónleik-
arnir hefjast kl 16.
Á morgun verða í Ráðhúsi
Reykjavíkur tónleikar Stórsveit-
ar Reykjavíkur kl. 16. Einleikari
verður Björn Thoroddsen gítarleik-
ari. Aðgangur er ókeypis og öllum
heimill á meðan húsrúm leyfir.
Tendrum ljós! Verum björt!
pbb@frettabladid.is
Strætin ljóma, borgin syngur
MENNING Bjart er fram undan í menningarlífi Reykvíkinga á þessu hausti. FRÉTTABLAÐIÐ/GVA
K a t t a s ý n i n g
K y n j a k a t t a
Kettir velja Sýningin verður haldin 10. og 11.
október 2009 í Miðhrauni 2, Garðabæ
Nánari uppl. á www.kynjakettir.is
Ýmis tilboð á gæludýravörum
Sýningin er opin frá kl.10 - 17.30 báða dagana
2009
Sýningarnar eru opnar virka daga frá 11-17 og um helgar frá 13-16
Leiðsögn fyrir hópa ı Netfang: gerduberg@reykjavik.is
Gerðubergi 3-5 ı 111 Reykjavík ı Sími 575 7700 ı www.gerduberg.is
Leiðsögn laugardaginn 10. október kl. 14
Sögur án orða
Ólöf Erla Einarsdóttir leiðir gesti um sýningu sína á
listrænt endursköpuðum ljósmyndum.
Ekki missa af þessu – síðasta sýningarhelgi!
Í fréttum var þetta helst...
Skopmyndateikningar Halldórs Baldurssonar
Sýningin stendur til 18. október
Sunnudaginn 11. og 18. október kl. 14
Alli Nalli og tunglið - barnaleiksýning
Möguleikshúsið – www.moguleikhusid.is
Aðgangseyrir: Kr. 1.500