Fréttablaðið - 31.10.2009, Blaðsíða 8

8 31. október 2009 LAUGARDAGUR
Námskeið við félagskvíða
• Finnurðu fyrir kvíða og óöryggi innan um aðra?
• Hefurðu áhyggjur af áliti annarra?
• Er óöryggið að há þér í lífi nu?
Tíu vikna námskeið við félagskvíða er að hefj ast við
Kvíðameðferðarstöðina. Kenndar eru leiðir ti l að draga úr kvíða
í samskiptum og auka öryggi innan um
aðra.
Skráning fer fram á kms@kms.is eða í
síma 822-0043 og lýkur 10. nóvember
n.k. Nánari upplýsingar á heimasíðu
Kvíðameðferðarstöðvarinnar: www.kms.is.
Auglýsingasími
– Mest lesið
ORKA HS Orka dælir nú niður
vatni í jörðina til að vinna á
móti þrýsti lækkun, lægra vatns-
borði undir jörð, í Svartsengi og í
Reykjanesvirkjun.
Vatnsborðið í eftirlitsholum HS
Orku í Svartsengi hefur lækkað
um 320 metra frá því vinnsla hófst
þar. Í miðju svæðisins á Reykja-
nesi, þar sem vinnsluholurnar
eru, hefur það einnig lækkað um
320 metra. En í jaðri svæðisins á
Reykjanesi mælist lækkunin tvö
hundruð metrar og er það meðal-
þrýstilækkun svæðisins. Þessar
þrýstingsmælingar eru metnar í
börum: 32 bör og 20 bör.
„Niðurdrátturinn hefur orðið
sneggri í jarðhitakerfum á
Reykjanesi en víðast í jarðhita-
kerfum á Íslandi. En hann er
minni en í Svartsengi og hann er
meira en tvöfalt minni en þekkist
í rekstri jarðhitakerfa erlendis,“
segir Albert Albertsson, aðstoð-
arframkvæmdastjóri HS Orku,
en þessar tölur um þrýstilækkun
eru fengnar þaðan.
Albert segir að með niðurdæl-
ingunni megi stýra þessari lækk-
un, stöðva og jafnvel draga hana
til baka. Spurður hvort til standi
að draga lækkunina til baka,
segir hann:
„Við ætlum að stýra lækkun-
inni og nýta svæðið á besta hugs-
anlega máta og lengja líftíma
þess eins og hægt er. Ég hef ekki
heyrt neinn halda því fram að það
sé ekki nægur varmaforði í berg-
inu. Spurningin er um vökvann
sem nemur varmann úr berginu
og við tökum upp til yfirborðs,
að það sé gengið á þennan vökva-
forða. En með niðurdælingunni
höldum við honum við.“
Albert segir að þegar rætt sé
um lækkun á vatnsborði gleymist
að taka með í reikninginn að eng-
inn viti í raun um hversu mikið
dýpi sé að ræða: „Við höfum
ekki rannsóknir og þá fyrst og
fremst rannsóknarboranir, sem
segja okkur hversu stór þessi
tunna er. Hún er allavega stærri
en við gerum ráð fyrir. Ef unnt
væri að svara þessari spurningu,
þá væri hægt að gera sér grein
fyrir hvort þessi vatnsborðslækk-
un væri mikil eða lítil, miðað við
dýpt tunnunnar.“
klemens@frettabladid.is
Dæla vatni í jörðina til að
lengja líftíma orkusvæðis
Aðstoðarforstjóri HS Orku staðfestir að vatnsborð hafi lækkað hratt á svæðum fyrirtækisins eftir að vinnsla
hófst. Með því að dæla niður vatni megi stöðva lækkunina. Fyrirtækið vilji lengja líftíma svæðisins.
SVEITARFÉLÖG Sigurður Magnússon, fyrrverandi
bæjarstjóri á Álftanesi, segir að vegna veikrar
eiginfjárstöðu sveitarfélagsins hafi hrunið á
gengi krónunnar valdið meiri skaða á efna-
hag Álftaness en flestra annarra sveitarfélaga.
Álftanes hefur nú óskað eftir aðstoð Eftirlits-
nefndar um fjármál sveitarfélaga við að greiða
úr miklum fjárhagsvanda.
Sigurður vísar því á bug að leigusamningur
við Eignarhaldsfélagið Fasteign vegna nýrrar
sundlaugar í bænum sé að kaffæra sveitarfé-
lagið, eins og fram kom í Fréttablaðinu í gær.
Sigurður segir að erlendar skuldir Álftaness
hafi verið 500 milljónir króna fyrir hrun. Þær
hækkuðu í 1.000 milljónir á síðasta ári og hafa
aukist um 250 milljónir króna til viðbótar á
þessu ári.
Leigusamningurinn við Fasteign ehf. er með
55 prósenta gengistryggingu. Sigurður segir
að vissulega sé það þung byrði á sveitarfélag-
inu eins og mál hafi þróast en tap síðasta árs
nam 832 milljónum og segir Sigurður ljóst að
bygging sundlaugarinnar hafi ekki valdið því,
heldur gengishrunið. Höfuðvandinn sé veik
eiginfjárstaða fyrir hrun. Helmingur erlendu
skuldanna sé vegna fjárfestinga á árunum
2002-2006 og hafi að mestu verið venjulegar
lántökur sveitarfélags með milligöngu Lána-
sjóðs sveitarfélaga.
Lausn á vandanum segir Sigurður felast í
því að ríkið axli ábyrgð gagnvart sveitarfélög-
unum og þeim skaða sem þau hafi orðið fyrir
vegna hrunsins. Einnig þurfi Jöfnunarsjóður
að auka greiðslur til Álftaness. Þær hafi ekki
verið í samræmi við það sem vera ber. Öll bæj-
arstjórnin sé sammála um þessar áherslur.
Hann segist ekki telja að nauðsynlegt verði
að nýta neyðarheimildir í lögum til að hækka
útsvar og fasteignaskatta vegna ástandsins á
Álftanesi. - pg
Fyrrverandi bæjarstjóri Álftaness segir byggingu nýrrar sundlaugar ekki vera ástæðu fjárhagserfiðleikanna:
Eiginfjárstöðu og gengishruni að kenna
GENGISHRUN Fyrrverandi bæjarstjóri vísar því á bug
að leigusamningur við Fasteign ehf. skipti sköpum um
stöðu sveitarfélagsins.
1. Hvað voru séra Sigríði
Guðmarsdóttur dæmdar háar
bætur frá kirkjunni?
2. Hver var í vikunni kjörinn
nýr forseti Norðurlandaráðs?
3. Hvað á skyndibitastaðurinn
sem kemur í stað McDonalds á
Íslandi að heita?
SVÖRIN ERU Á SÍÐU 66
FRAKKLAND Franskur rannsóknar-
dómari hefur skipað Jacques
Chirac, fyrrverandi forseta
Frakklands, að mæta fyrir dóm
til að svara ásökunum um mis-
notkun á almannafé meðan hann
var borgarstjóri Parísar.
Chirac er sakaður um að hafa
haft flokksbræður sína og starfs-
menn flokksins á launaskrá borg-
arinnar, þótt þeir kæmu ekkert
nálægt málefnum hennar. - ót
Franskur rannsóknardómari:
Jacques Chirac
fyrir dóm
SVEITARSTJÓRNIR „Þessi áætlun
tekur ekkert á breyttri og verri
stöðu bæjarsjóðs og virðist meiri-
hlutinn ekki hafa kjark til taka á
brýnum málum hvað varðar fjár-
hag bæjarins,“ segir í bókun sem
bæjarfulltrúar minnihluta Nes-
listans lögðu fram á síðasta bæj-
arstjórnarfundi á Seltjarnarnesi.
Þar var kynnt fjárhagsáætlun
bæjarins fyrir árin 2010 til 2012.
Fulltrúar minnihlutans sögðu
stefna í mikinn halla hjá bænum
þessu ári. Þriggja ára áætlunin
væri stefnuyfirlýsing meirihluta
sjálfstæðismanna til næstu ára
og alfarið á ábyrgð sjálfstæðis-
manna. Þess vegna myndu full-
trúar Neslistans sitja hjá við
afgreiðslu áætlunarinnar. - gar
Minnihlutinn á Seltjarnarnesi:
Meirihlutann
skortir kjark
„Vegna þess að Reykjanessvæðið
er mjög sérstakt og hefur svarað
svolítið öðruvísi en var spáð fyrir
í upphafi, höfum við verið með
sérstaka skoðun á því hvernig þau
líkön, sem notuð voru í upphafi,
hafa svarað miðað við jarðhitakerfið
og hvort hægt sé að draga ályktanir
af því,“ segir Guðni A. Jóhannesson
orkumálastjóri.
Hann hafði verið spurður hvort
rétt væri að Orkustofnun (OS)
hefði sérstakar áhyggjur af vinnslu
HS-Orku, en blaðinu hefur borist til
eyrna að þó nokkur bréf hafi farið
milli OS og HS um þetta.
Guðni segir að slíkt líkan sé gert
til að ákvarða vinnslu á hverju
svæði. En þegar líkanið samsvari
ekki kerfinu sé ekki óalgengt að
athuga sérstaklega hvað valdi því.
„Því menn eru að spá fyrir um
eðli þessara jarðhitakerfa án þess
að vita nákvæmlega hvað þar gerist.
Eftir því sem þeir fá meiri upplýsing-
ar þarf oft að endurskoða líkanið.“
LÍKANIÐ SAMSVARAR EKKI KERFINU
VEISTU SVARIÐ?