Fréttablaðið - 31.10.2009, Blaðsíða 41

Sölufulltrúi Jóna María Hafsteinsdóttir jmh@365.is 512 5473
HOLTAGARÐAR verða með líflegra móti um helg-
ina. Ingó Veðurguð syngur frá 14 til 15 á laugardag, trúður
verður þar báða dagana og margar kynningar í gangi. Hin
þekkta verslun Habitat opnar í dag og er á efri hæð Holta-
garða ásamt Tekk-Company, Te og Kaffi og Dorma.
Ingimar stofnaði nýlega síðu á
Face book undir yfirskriftinni
Höldum herramennskunni lif-
andi. „Ég var orðinn frekar pirrað-
ur á að sjá stráka skella á eftir sér
hurðum beint framan í konur og
annað fólk, og hegða sér almennt
á ókurteisan hátt í garð kvenna,“
segir hinn tvítugi Ingimar.
Blaðamann fýsir að vita hvaðan
þessi áhugi á herramennsku sé
ættaður, er hann kannski alinn upp
á þennan hátt? „Nei, ætli þetta sé
ekki bara meðfætt. Ég hef alltaf
viljað vera herramaður og haft
áhuga á sixtís-menningu þar sem
menn sýndu konum sínum virð-
ingu,“ svarar hann.
Ingimar reynir að leggja sitt af
mörkum með því til dæmis að opna
hurðir, bera töskur og standa upp
fyrir konum í strætó. „Með því að
stofna þessa Facebook-síðu vildi
ég dreifa boðskapnum og vona að
fleiri taki sér herramennskuna til
fyrirmyndar,“ segir hið unga sént-
ilmenni sem reynir helst að líkjast
göfugmennum úr gömlum mynd-
um á borð við Cary Grant og Rock
Hudson,
En að helgarplönum. Hefur hann
eitthvað herralegt í huga? „Ég var
reyndar bara að hugsa um að fara
í hrekkjavökupartí til vina minna
og ætli við förum ekki í bæinn á
eftir,“ segir Ingimar sem heldur
talsvert upp á staðina Sódómu og
Zimsen.
Á sunnudaginn ætlar hann að
taka því rólega og líklegt þykir
honum að hann endi með vídeó-
glápi. solveig@frettabladid.is
Fæddur herramaður
Ingimar Flóvent Marinósson hefur ekki þaulskipulagt helgina. Hann veit þó að hann ætlar að skella sér í
hrekkjavökupartí og út að dansa á eftir og eitt er víst að hann mun hegða sér sem herramaður.
Ingimar Flóvent Marinósson stofnaði Facebook-síðu sem hvetur karlmenn til herramennsku. FRÉTTABLAÐIÐ/ANTON