Fréttablaðið - 31.10.2009, Qupperneq 88

60 31. október 2009 LAUGARDAGUR
HANDBOLTI Það vakti nokkra
athygli, og reiði margra, að RÚV
skyldi meina Sporttv.is að sýna frá
leik landsliðsins gegn Pressulið-
inu í Laugardalshöll á fimmtudag.
RÚV var ekki að nýta rétt sinn til
að sýna frá leiknum, sem þess utan
var ekki sérstaklega merkilegur.
Landsmenn sem komust ekki á
leikinn en vildu gjarnan sjá leik-
inn urðu að sætta sig við litla frétt
í seinni fréttum Sjónvarpsins.
„Ástæðan er sú að við höfum
keypt réttinn af öllum leikjum
HSÍ. Við höfum gefið Sporttv
leyfi til að sýna frá handboltaleikj-
um sem við erum ekki að sýna en
þegar kemur að landsliðinu finnst
okkur ekki forsvaranlegt að láta
þá eða nokkra aðra hafa þau rétt-
indi,“ sagði Kristín Hálfdánar-
dóttir, rekstrarstjóri íþróttadeild-
ar RÚV.
Landsmenn greiða fyrir réttinn
af landsliðinu og finnst Kristínu
sanngjarnt að þeir fái ekkert fyrir
sinn snúð þegar hægt var að sýna
frá leik sem RÚV vildi einfaldlega
ekki sýna?
„Við erum að vernda okkar rétt.
Það gátu allir séð myndir úr leikn-
um í fréttum hjá okkur. Einhvers
staðar verðum við að draga mörk-
in. Fólkið í landinu hefur greitt
fyrir þennan rétt og það eru
ákveðin gæði sem við viljum hafa
á útsendingum,“ sagði Kristín. En
eru það einhver gæði að sýna ekk-
ert frá leiknum?
„Stundum er ekkert betra en
eitthvað. Það finnst mér virkilega.
Við sýndum þó frá leiknum í frétt-
unum. Við viljum bara ekki að hver
sem er sé að sýna frá landsliðinu.
Sporttv uppfyllir ekki gæðakröfur
okkar. Þegar við sýnum frá leikj-
um erum við með fimm myndavél-
ar gegn einni, við erum með pró-
dúsent og lýsanda sem er vanur að
lýsa. Þeir eru kannski umdeildir
sem lýsa en það er ákveðin reynsla
hjá þeim,“ sagði Kristín. - hbg
RÚV meinaði Sporttv.is að sýna frá landsliðinu:
Stundum er ekkert
betra en eitthvað
ÓLI EKKI Í BEINNI Landsmenn fengu ekki að sjá endurkomu Ólafs Stefánssonar í
landsliðið þó svo netsjónvarpsstöðin Sporttv.is hafi verið til í að sýna leikinn.
FRÉTTABLAÐIÐ/DANÍEL
HANDBOLTI „Það er stór skemmd í
brjóskinu undir hnéskelinni. Ef
ég verð ekki orðinn betri á næstu
3-4 vikum þarf ég að fara í aðra
aðgerð,“ sagði Einar um nýjustu
sjúkdómsgreininguna sem hann
fékk hér á landi.
Einar hefur ekkert spilað hand-
bolta síðan í byrjun maí á árinu.
Hann lagðist undir hnífinn vegna
þessara sömu meiðsla 5. maí og
þurfti síðan að fara í aðra aðgerð
hinn 26. júlí. Hann er ekki enn
nálægt því að ná fullri heilsu.
„Ég er betri en ekki góður.
Ég ætla að láta reyna á þetta og
vona það besta. Ég hef aðallega
verið í endurhæfingu en er aðeins
byrjaður að hlaupa. Vonandi slepp-
ur þetta því ég vil helst ekki fara
í aðra aðgerð. Ég er kominn með
nóg af þeim í bili,“ sagði Einar,
sem reynir að vera bjartsýnn þó
svo að vissulega reyni þetta ástand
á sálarlífið.
„Brjóskmeiðsli eru erfið og
mönnum gengur misvel að vinna
með þau. Mín eru víst á sérstaklega
vondum stað, sem hjálpar ekki til.
Menn hafa verið afskrifaðir með
brjóskmeiðsli áður en komið svo
sterkir inn síðar. Ég reyni að hafa
það í huga. Þetta er enginn dauða-
dómur enn sem komið er en verð-
ur erfiðara með hverri vikunni,“
sagði Einar.
Samningur hans við Gross-
wall stadt rennur út næsta sumar
og miðað við óbreytt ástand fær
hann ekki nýjan samning. Þá þyrfti
hann að koma heim til þess að
byggja sig upp á nýjan leik. Einar
neitar því ekki að hann sé orðinn
pínu hræddur við að meiðslin gætu
bundið enda á ferilinn.
„Það getur vel verið að ég þurfi
að hætta, að minnsta kosti í ein-
hvern tíma. Ég er aðeins byrjaður
að hugsa um að það geti gerst að
ég þurfi að koma heim. Ég reyni
samt að vera úti eins lengi og ég
get. Ef allt fer vel verð ég kominn
á fullt í febrúar. Ef ég þarf að fara
aftur undir hnífinn bætast svona
4-5 mánuðir við og þá er tímabilið
farið,“ sagði Einar, sem er aðeins
27 ára gamall en hefur gengið í
gegnum margt á stuttum ferli.
„Mér líður eins og ég hafi verið
atvinnumaður í tuttugu ár en hef
bara verið úti í fimm ár. Ég hef
vissulega verið einstaklega óhepp-
inn með meiðsli og þetta er orðið
gott. Ég hef samt aldurinn með mér
og gefst ekkert upp þó svo að ég
verði kannski að koma heim í eitt
ár. Ég á mikið inni,“ sagði Einar
Hólmgeirsson. henry@frettabladid.is
Meiðsli ógna ferli Einars
Óheppnin eltir Einar Hólmgeirsson á röndum. Hann glímir við erfið meiðsli
sem gætu bundið enda á feril hans. Þriðji uppskurðurinn gæti beðið hans.
SÍÐASTI LANDSLEIKURINN Einar sést hér í landsleik gegn Belgum sem var síðasti
leikur hans fyrir landsliðið í bili. FRÉTTABLAÐIÐ/ARNÞÓR
Við erum góðir í að gera hlutina fljótt og vel og ódýrt – skoðaðu: www.max1.is
Hafnarfjörður Dalshraun 5, sími 515 7190.
Reykjavík Bíldshöfði 5a, Bíldshöfði 8, Jafnasel 6, Knarrarvogur 2, sími 515 7190.
Akureyri Tryggvabraut 5, sími 462 2700.
Skoðaðu max1.is
Ný hraðþjónustaí HafnarfirðiMax1 Dalshrauni 5
Max1 hefur opnað nýja hraðþjónustu í Hafnarfirði
FÓTBOLTI Rafael Benitez, stjóri
Liverpool, segist ekki vita hve-
nær Steven Gerrard geti spilað
með liðinu á nýjan leik en hann á
við nárameiðsli að stríða. Það er
þó ljóst að hann verður ekki með
þegar Liverpool mætir Fulham
í dag.
„Ástand Gerrards er að skána
en við þurfum að ákveða til
hvaða ráða er hægt að grípa ef
bati hans verður ekki eins og við
gerðum ráð fyrir,“ sagði Benitez.
Sögusagnir hafa verið á kreiki
að meiðsli Gerrard séu það alvar-
leg að hann þurfi að gangast
undir aðgerð. Hann yrði þá frá í
lengri tíma.
Gerrard var síðast í byrjunar-
liði Liverpool er liðið mætti Lyon
í Meistaradeildinni þann 20. okt-
óber. Þá var hann tekinn af velli í
fyrri hálfleik. Liðin mætast aftur
í næstu viku, þá í Frakklandi.
„Ég veit ekki hvort Gerrard
spilar í Frakklandi. En það er
rétt að það eru ákveðin vandamál
til staðar.“ - esá
Rafael Benitez:
Óvíst hvenær
Gerrard spilar
GERRARD Labbar meiddur af velli í leik
Liverpool gegn Lyon. NORDIC PHOTOS/GETTY
KÖRFUBOLTI Jón Arnór Stefánsson
sagði í viðtali við spænska blaðið
Marca í gær að hann sé vongóð-
ur á að ná fyrr bata en áætlað var
vegna meiðsla sinna.
Jón Arnór meiddist illa á baki
þegar hann féll í gólfið í leik á
undirbúningstímabili spænska
úrvalsdeildarfélagsins CB Gran-
ada. Talið var í fyrstu að hann
yrði frá í 3-4 mánuði en nú eru
læknar félagsins vongóðir um að
sá tími verði styttri.
„Ég finn að ég er allur að koma
til,“ sagði Jón Arnór. „Við erum á
undan áætlun og er ég því bjart-
sýnn.“
Hann byrjaði að hreyfa sig í
vatni í vikunni en hann er reynd-
ar á leið til Íslands þar sem hann
mun dvelja í eina viku. „Ég vil þó
byrja að æfa aftur eins fljótt og
mögulegt er,“ bætti hann við. - esá
Jón Arnór Stefánsson:
Bjartsýnn á
góðan bata
JÓN ARNÓR Hér í leik með KR á síðast-
liðnu keppnistímabili. FRÉTTABLAÐIÐ/STEFÁN