Tímarit iðnaðarmanna - 01.01.1975, Síða 45

félaganna. Til clæmis þarf aðeins að leggja fram
við stofnun 30 þús. danskar kr. í hlutafé, í stað
230 þús. kr. eftir að samningurinn við Efnahags-
bandalagið gekk í gildi. Þá eru og mörg atriði mjög
lítt formföst í þessari löggjöf, og má nefna að ekki
er nauðsynlegt að kjósa sérstaka stjórn, ef fyrir-
tækin ná ekki ákveðinni stærð, og skilyrði um að-
alfund eru mjög frjálsleg og er jafnvel hægt að
semja svo um í stofnsamningi, að engir aðalfundir
skuli haldnir. Ljóst er, að með þessum lögum hafa
verið sköpuð mun hagstæðari skilyrði fyrir rekstur
litilla og meðalstórra fyrirtækja í Danmörku, þar
senr þau eiga nú mun auðveldara með að stofna
félag um reksturinn. Þetta sést best á jrví, að i
Danmörku er skattur á rekstur félaga hlutfallsleg-
ur og um 37% en af tekjum einstaklinga og hagn-
aði einstaklingsfyrirtækja allt að 70%. Elins vegar
ber þess að geta, að fyrirtækin þurfa að greiða
skatt ef þau breyta rekstrarformi sínu í félagsform.
Undir næsta dagskrárlið var gerð grein fyrir því,
hvað gerst haíði í framhaldi af ályktun síðasta Nor-
ræna iðnþingsins, þar sem skorað var á Norður-
landaráð að hlutast til um að skilyrði til meistara-
réttinda yrðu samræmd á öllum Norðurlöndunum.
Mál þetta hafði verið tekið fyrir á stjórnarfundi
Norræna iðnráðsins og lá fyrir að bréf hafði borist
frá Norðurlandaráði, þar sem það telur að ekki sé
sérstakra aðgerða þörf í þessu máli, þar sem þró-
unin gangi í þá átt, að reglur fyrir meistarabréf
verði samræmdar á öllurn Norðurlöndunum. Inn-
an Norræna iðnráðsins er sú skoðun ríkjandi, að
það séu ekki hin almennu skilyrði um meistara-
bréfsveitingu sem standi í vegi fyrir samræming-
unni, lieldur séu uppi ólíkar skoðanir hjá hinum
ýmsu fagfélögum á Norðurlöndum um kröfur til
sveinsréttinda. Af þessum sökum lrefur Norður-
landaráð lagt til, að hin einstöku iðngreinasam-
bönd á Norðurlöndunum leitist við að samræma
kröfur sínar og mat á réttindum til sveinsprófs.
Samþykkt var á þinginu tillaga forseta Norræna
iðnráðsins þess efnis, að stjórnin ynni að þessu
máli með það markmið í huga, að ná þessari sam-
ræmingu.
Að lokum urðu umræður undir liðnum önnur
mál, um nafn Norræna iðnráðsins (Nordisk Hánd-
værksrád). Á stjórnarfundi í Helsingfors haustið
1973, hafði kornið til tals, að rétt væri að breyta
nafninu, þar sem samböndin, sem að ráðinu standa,
hafa ekki eingöngu handiðnaðarfyrirtæki innan
sinna vébanda, heldur og lítil og meðalstór i'yrir-
tæki í verksmiðjuiðnaði, enda hefðu þau flest breytt
nafni sínu til samræmis við það. Eftir nokkrar um-
ræður var ákveðið að halda nafninu óbreyttu með
undirtitrlinum „Samstarfsráð fyrir handiðnað og
minni iðnfyrirtæki á Norðurlöndum“.
1 lok þingsins tók Stig Stefanson, optikermeist-
ari, formaður Sænska iðnsambandsins við for-
mennsku í Norræna iðnráðinu og mun skrifstofa
ráðsins jafnframt verða í Stokkhólmi næstu þrjú
árin, en þar verður næsta Norræna iðnþing vænt-
anlega háð árið 1977.
Aðalfundur Sænska iðnsambandsins 1975
1 septembermánuði 1975 var forseta og fram-
kvæmdastjóra Landssambands iðnaðarmanna boð-
ið til aðalfundar Sænska iðnsambandsins, sem hald-
inn var í Stokkhólmi dagana 21.-23. september. Árs-
þingið hófst með hátíðarveislu í ráðhúsi Stokk-
hólmsborgar (Statshuset) sunnudaginn 21. septem-
ber, en í tengslum við þennan fund var minnst. 70
ára almælis Sænska iðnsambandsins. Viðstaddir
setningu þingsins voru um 500 gestir, þar á meðal
Karl Gustaf, Svíakonungur, sem heiðraði allmarga
sænska iðnaðarmenn. Sambandinu voru færðar
gjafir í tilefni afmælisins og ræður voru fluttar.
Sigurður Kristinsson, forseti Landssambands iðnað-
armanna var meðal ræðumanna og færði hann
Sænska iðnsambandinu að gjöf veggplatta frá Lands-
sambandinu við þetta tækifæri.
Hinir eiginlegu þingfundir stóðu síðan næstu
tvo daga. Fyrri daginn sátu sænski iðnaðarráðherr-
ann og fulltrúar stjórnmálaflokka fyrir svörum, á-
samt forseta og framkvæmdastjóra Sænska iðnsam-
bandsins. Þann dag og næsta voru síðan afgreidd
hin ýmsu mál og ályktanir, sem fyrir þinginu lágu.
Voru öll mál mjög vel undirbúin fyrir þingið,
en sá háttur er hafður á, að hvert félag innan sam-
takanna hefur rétt til að senda ályktanir til sam-
bandsstjórnarinnar með ósk um að þær verði lagð-
ar fyrir þingið. Stjórnin sendir ályktanirnar síðan,
ásamt umsögn sinni í einu lagi með þeim málum,
sem hún hyggst leggja fyrir þingið til allra aðild-
arfélaganna áður en til þingsins kemur. Með þessu
móti er hægt að afgreiða mörg mál á stuttum tíma
og voru t.d. afgreidd um 60 mál á lj/2 degi á þessu
þingi. Þar af voru um 40 ályktanir frá aðildarfé-
lögunum.
Flestar þær ályktanir sem að afgreiddar eru á
Sænsku iðnþingunum eru áskorun eða fyrirmæli
til stjórnar samtakanna um að vinna að viðkom-
andi málefni, eða vinna því fylgi meðal almenn-
ings og ráðamanna. Verður nú greint frá nokkr-
um málum, sem til umræðu voru á þinginu og einn-
ig eru að einhverju lcyti til umræðu hér á landi.
í allmörgum ályktunum var vakin athygli á
þeirri kvöð, sem lögð liefur verið á fyrirtækin varð-
andi alls konar upplýsingagjöf til opinberra aðila.
í Svíþjóð eru gerðar mjög miklar kröfur til fyrir-
tækjanna um að skila inn gögnum til hagtölu-
45