Vikan - 25.02.1960, Blaðsíða 20

HELGA GÍSLADÓTTIR:
Ævintýraleg sumardvöl
— Já, gerum það, sagði Halldóra.
Þau fóru því inn í næstu gotterísbúð og
keyptu sér lakkrís og brjóstsykur. Næst
fóru þau inn í hannyrðabúð, því að Hall-
dóra ætlaði að kaupa sér dúk. Svo fóru
þau á hótelið, þar sem þau ætluðu að hitta
Jensen. Þau settust við borð, og ætluðu
að biða eftir Jensen. Borðið var á móti
dyrunum, og þau sáu, að ung stúlka kom
inn og með henni var heldri maður.
— Þekkið þið þennan mann og stúlk-
una, sem er með honum?
— Við vitum hver maðurinn er en ekki
stúlkan.
— Hver er maðurinn? spurði Halldóra.
— Hann er leikhússtjóri í einu helzta
leikhúsinu.
Maðurinn og stúlkan settust við borðið
við hliðina. Þegar Halldóra leit á stúlkuna,
brá henni, af því að þetta var engin önn-
ur en Elín, sem var með henni í flugvélinni.
Elín leit upp og sá Halldóru, Hún vink-
aði í hana en hélt svo áfram að tala við
manninn. Nú kom Jensen og settist hjá
þeim. Krakkarnir kölluðu á þjóninn,
og báðu um ís en Jensen um kaffi. Þjónn-
inn fór og kom aftur með pöntunina. Þau
flýttu sér að borða, en þegar þau voru að
FRAMHALDSSAGA
verða búin, kom Elín til þeirra. Hún heiis-
aði öllum, en Halldóra kynnti þau.
Elín settist við borðið hjá þeim og fór
að tala við þau. — Ég er að fara til Kaup-
mannahafnar á morgun en kem svo aft-
ur hingað eftir viku.
— Ætlar þú að vera lengi hérna, Elín?
spurði Halldóra.
— I allt sumar, sagði Elín.
— Jæja, nú kemur herra Thomsen,
::::::: BARNAGANAN
sagði Elín. Hún kvaddi þau öll og f'lýtti
sér svo fram að dyrunum. Krakkarnir voru
nú búnir að borða og kölluðu í þjóninn.
Þau borguðu og fóru svo út.
— Eigið þið eftir að kaupa meira?
spurði Jensen.
— Nei, sögðu Halldóra og Peter í einu.
— Þá höldum við af stað heim.
Þau flýttu sér upp í bílinn, og Jensen
keyrði af stað. Þau fóru fram hjá mörgu
fólki, og þarna sáu þau Elínu og herra
Thomsen, þar sem þau hurfu inn í leik-
húsið. Þau voru nú komin út úr borginni
og fóru fram hjá mörgum bændabýlum og
sáu marga hesta og mörg önnur dýr.
— Eigið þið enga hesta? spurði Hall-
dóra.
— Jú, við eigum sex.
— Má ég einhvern tíma koma á bak
einum?
— Já, já, sagði Beta. — Við förum oft
í útreiðatúra á daginn.
— Jæja, þá erum við komin, sagði
Astrit.
-— Þakka þér fyrir, Jensen, sögðu þau
og hlupu heim og inn í hús.
Komið þið, ég þarf að tala við ykkur,
20
VIKAN