Fréttablaðið - 26.11.2009, Blaðsíða 16

16 26. nóvember 2009 FIMMTUDAGUR
nær og fjær
„ORÐRÉTT“
Talið er að selt hafi verið
í þrisvar sinnum færri
golfferðir í ár en í fyrra.
Íslenskir golfvellir eru því
sóttir heim sem aldrei fyrr
og vallarverðir tala um
„álagsmeiðsli“.
Golfsumrinu 2009 er lokið fyrir
nokkru og sammælast menn um
að það hafi verið nokkuð sérstakt.
Einmuna veðurblíða ríkti vikum
saman sunnanlands og þrátt fyrir
að það voraði seint norðan heiða
þá er það mál manna að kylfing-
ar hafi ekki notið eins hagstæðra
veðurskilyrða til golfleiks í annan
tíma.
En það eru tvær hliðar á öllum
málum. Það er ekki sjálfsagt
að ganga út á næsta golfvöll og
spila. Kylfingum fjölgar stöðugt
og fjölgun spilaðra hringja veldur
miklu álagi á vellina.
Jón Ásgeir Eyjólfsson, forseti
Golfsambands Íslands (GSÍ),
sagði á Golfþingi sem haldið var í
fyrri viku að vellir landsins væru
undir miklu álagi. „Svo mikið var
leikið á nokkrum völlum að vall-
arstjórar töluðu um álagsmeiðsli
á golfvöllum sínum,“ sagði Jón
Ásgeir og vék að ástæðum þessa.
Ekki væri aðeins um aukinn
áhuga á golfíþróttinni að ræða
heldur hafa kylfingar neyðst til
að breyta golfleik sínum í anda
breyttra aðstæðna í samfélaginu.
Íslenskir kylfingar hafa þannig
dregið mjög úr golfferðalögum,
sem hafa verið geysilega vinsæl á
undanförnum árum. Svo vinsæl að
úr varð eftirtektarverður vaxtar-
broddur í ferðamennsku landans.
Jón Ásgeir sagði að þrátt fyrir að
ferðafrömuðir gerðu mikið úr því
að allar golfferðir væru fullbók-
aðar þá væri framboð slíkra ferða
ekki svipur hjá sjón. Taldi hann
líklegt að framboðið væri þrisvar
sinnum minna.
Golfsamband Íslands var stofn-
að 1942 af Golfklúbbi Reykjavík-
ur, Golfklúbbi Akureyrar og Golf-
klúbbi Vestmannaeyja og var
golfsambandið fyrsta sérsam-
bandið innan Íþrótta- og Ólymp-
íusambands Íslands. Í dag eru 65
golfklúbbar aðilar að sambandinu
og hafa aldrei verið fleiri.
Að undanförnu hafa Golf-
klúbburinn Skrifla, Golfklúbb-
ur Vopnafjarðar, Golfklúbburinn
Lundur og Golfklúbburinn Tuddi
gengið í sambandið og meðlimir
þeirra klúbba sem aðild hafa að
sambandinu voru 15.529 um mitt
sumar.
Virkir kylfingar eru þó mun
fleiri ef eitthvað er að marka lífs-
viðhorfskönnun Capacent, en þar
kemur fram að þeir sem spila golf
oftar en fimm sinnum á ári eru
ekki færri en 35 þúsund manns.
Öll félagasamtök hafa þurft að
endurhugsa rekstur sinn á síðustu
mánuðum. Bankahrunið leiddi
sömu erfiðleikana yfir GSÍ og
gripið hefur verið til umfangsmik-
illa sparnaðaraðgerða. Stuðningur
við starf sambandsins hefur dreg-
ist saman við að stórir stuðnings-
aðilar hafa þurft frá að hverfa.
Samdrætti í golfíþróttinni hefur
verið spáð en þróunin hefur verið
önnur. Kylfingum fjölgar og
klúbbum einnig og veit GSÍ af
fimm klúbbum sem hafa áhuga á
að ganga í sambandið. Því stefnir
í að íslenskir golfklúbbar verði 70
árið 2012 í GSÍ. Einn fyrir hvert
starfsár GSÍ sem þá fagnar 70 ára
starfsafmæli sínu.
svavar@frettabladid.is
Segir golfvelli landsins
þjást af álagsmeiðslum
■ Bandstafssamsetning er
samkvæmt Vísindavefnum ein
þeirra leiða sem notaðar eru í
íslensku til að mynda samsett
orð. Samsetningar liðir eru þá
tengdir saman með sérstökum
band staf sem ekki er eignar-
fallsending og ekki heldur hluti
stofns. Bandstafir geta verið a,
i, u og s. Sem dæmi má nefna
orðin ruslafata, eldiviður og
athyglisverður, sem væru leik-
fimihús, eldviður (eða eldsviður)
og athygliverður án band stafs í
miðju orði.
Bandstafir hafa stundum
þvælst fyrir fólki og vakið
deilur á ýmsum vettvangi. Á
vef Alþingis er til dæmis að
finna eftirfarandi orð Stefáns
Jónssonar á fundi sameinaðs
Alþingis hinn 7. mars 1978 um
íslenskukennslu í fjölmiðlum:
„Hv. síðasti ræðumaður, Jónas
Árnason, útskýrði það ekki
fyrir okkur, með hvaða hætti
s-ið lenti inn í beygingu á orð-
inu „athygli“, þessi bandstafur
hafi komið inn þarna, eins og
hann orðaði það. (Gripið fram í.)
Ég veit þetta ekki heldur, með
hvaða hætti s-ið kemur þarna
inn. Hugsanlegt er, að s-ið hafi
komið þarna inn af tilviljun eins
og í fleiri orð, þar sem þessi
bandstafur, s-ið, hefur komið
inn, t.d. fyrir áhrif sterks per-
sónuleika sem hafi verið tann-
brotinn.“ - mt
TUNGUTAK
Bandstafir
NESVÖLLURINN Íslenskir golfvellir eru á heimsmælikvarða en álagið er orðið of mikið vegna fjölgunar kylfinga og færri golfferða
til útlanda. MYND/GSÍ
Óskum eftir verkum eftirfarandi listamanna
Stefán Stórval Jónsson;
(Herðubreiðarmyndir,
hesta og hrútamyndir)
Alfreð Flóki
Bækur eftir Dieter Roth
Uppl.í síma 552 2060 690 0931 / 820 4729
Nútímalist Skólavörðustíg 3
Hringdu í síma
ef blaðið berst ekki
VETRARGOLF Þessir höfðingjar takmarka sig ekki við sumarið til að spila golf og
sanna að íþróttin hentar öllum á öllum tíma. FRÉTTABLAÐI/VILHELM
■ Óhófleg kaffidrykkja er sjálfsagt
skaðleg, en drykkurinn er töluvert
rannsakaður og komið hefur í ljós
að í kaffinu býr lækninga-
máttur.
Kaffi hamlar mynd-
un skorpulifrar í
þeim sem neyta
áfengis í óhófi
og ein rannsókn bendir
til þess að það dragi úr líkum á
parkisonsveiki. Það er sagt hamla
húðkrabba, en þó bara með notk-
un útvortis. Kaffi er víst að finna í
ýmsum kremum. Þá bendir stúdía
í John Hopkins-háskóla til að einn
til tveir bollar á dag auki vellíðan,
þótt um leið sé til haga haldið að
fleiri bollar geti ýtt undir stress og
hugarvíl.
KAFFI:
SÝNT FRAM Á HOLLUSTUNA
„Það er allt það best að frétta af mér, ég er að
mála myndir, yrkja ljóð og semja sögur,“ segir
Ketill Larsen spurður um hvað sé að frétta.
Ketill er iðinn við listsköpun og ræktar sam-
bandið við listagyðjuna víða. „Ég mála mikið
niðri á BSÍ, aðallega á kvöldin reyndar. Þá er
mátulega órólegt fyrir mig þar, ég vil endilega
hafa fjör í kringum mig. En áður fyrr málaði ég
á nóttunni heima hjá mér. Svo fór ég einu sinni
upp í Hallgrímskirkju að mála. Þá var Eyvindur
Erlendsson að lesa Passíusálmana og bað
nokkra málara um að mála á meðan hann
var að lesa, þá fór af mér feimnin.“
Ljóð yrkir Ketill svo oft og iðu-
lega. „Ég yrki úti um allar trissur;
á Mokka, í Ráðhúsinu, á BSÍ og
víðar, ég ræð ekkert við þetta,“
segir Ketill sem er að vinna að
600 ljóða bálki. „Hann gerist í
fjallabyggð frá fornöld til nítjándu aldar og það
er alltaf sólskin í hverju ljóði og jákvæðni. Ég
veit nú samt ekki hvenær ég lýk við verkið, ætli
það verði ekki þegar ég verð um nírætt.“
Fyrir utan að yrkja og mála styttist í aðvent-
una en þá hyggst Ketill eins og svo oft áður
bregða sér í hlutverk jólasveina. „Það er
misskilningur að ég sé hættur að leika
jólasveina þótt ég sé ekki eins duglegur
við það og ég var,“ segir Ketill sem um
árabil var iðnastur Íslendinga við að
túlka jólasveina. „Ég er í startholun-
um fyrir aðventuna og bíð spenntur
eftir henni. Þá er um að gera að
lyfta sér upp eins og á reyndar
að gera allan ársins hring, hafa
bjarta sál og bjart í kringum sig.“
HVAÐ ER AÐ FRÉTTA? KETILL LARSEN FJÖLFRÆÐINGUR
Bíður spenntur eftir aðventunni
KETILL LARSEN Málar, yrkir og leikur
jólasveina á aðventunni.
Annað líf
„Þú getur í rauninni lifað allt
öðru lífi á Facebook en þú
gerir í raun og veru. Þú þarft
ekki að ljúga neitt, heldur
sleppa því að segja ákveðna
hluti.“
SÖLVI TRYGGVASON UM FACEBOOK
EN ÚT ER KOMIN GRÍNÁDEILA HANS
OG HELGA JEAN CLAESSEN UM
FACEBOOK.
Fréttablaðið 25. nóvember
Margt á prjónunum
„Ég held að það hafi verið
komin ákveðin prjónabylgja í
gang fyrir hrun og heims-
kreppuna miklu en síðan
hafi þetta náð miklu meiri
útbreiðslu eftir hrun. Fólk er
kannski meira að leita inn á
við og að einhverri iðju sem
er þægileg og skilur eitthvað
eftir sig.“
RAGNHEIÐUR EIRÍKSDÓTTIR GREIN-
IR PRJÓNAÆÐIÐ Á ÍSLANDI.
Fréttablaðið 25. nóvember