Fréttablaðið - 26.11.2009, Blaðsíða 18

18 26. nóvember 2009 FIMMTUDAGUR
FRÉTTAVIÐTAL: Einar Skúlason, frambjóðandi í prófkjöri Framsóknarflokksins í Reykjavík
FRÉTTASKÝRING
BJÖRN ÞÓR SIGBJÖRNSSON
bjorn@frettabladid.is
Einar Skúlason sækist eftir
oddvitasæti Framsókn-
arflokksins í Reykjavík.
Áhugi hans á málefnum
Reykjavíkur og vissan um
að geta gert betur en núver-
andi borgarfulltrúi Fram-
sóknar ráku hann í forvalið
sem fram fer á laugardag.
„Ég hef mikinn áhuga á málefn-
um borgarinnar enda hef ég búið
hér nánast frá fæðingu. Ég vil
leggja henni lið með afgerandi
hætti og tel að ég geti hjálpað til
við ákveðna endurreisn.“
Telurðu þig geta gert betur í þeim
efnum en Óskar Bergsson? „Ég tel
að ég hafi mun breiðari skírskotun
en hann til ólíkra málaflokka og á
vettvangi stjórnmálanna. Ég get
unnið í allar áttir og treysti mér til
að vinna með öllum í borgarstjórn.
Margt hefur verið vel gert á þessu
kjörtímabili, ekki síst á síðari
hluta þess, en einkum í afmörkuð-
um málum. Það hefur verið bund-
ið við orkumál og framkvæmdir.
Við þurfum að tala og vinna miklu
breiðar.“
Er það flokknum til góðs að tek-
ist sé á um oddvitasætið? „Það
á enginn neitt í pólitík og það er
mikilvægt að eftirspurn sé eftir
sætum sem þessu. Það mun styrkja
þann sem verður kjörinn að tekist
hafi verið á um stöðuna á heiðar-
legan og málefnalegan hátt. Það er
líka nauðsynlegt að auka kjörfylg-
ið, bæta við mönnum og ná sterk-
ari stöðu til að koma góðum málum
í gegn.“
Framsókn hefur völd í borginni
langt umfram kjörfylgi, má ekki
segja að undir forystu Óskars sé
valdastaðan býsna sterk? „Þegar
samið er um meirihluta verður
auðvitað að skipta embættunum
með einhverjum hætti. Við höfum
mikið fram að færa og sterka mál-
efnastöðu og þess vegna stöndum
við fyllilega undir þessu. Flokkur-
inn hefur hins vegar verið í mik-
illi vörn á undanförnum misserum
og ég tel mikilvægt að snúa þeirri
stöðu við þannig að við getum sótt
fram í stað þess að verjast fram á
kjördag.“
Hvers vegna hafið þið verið í
vörn? „Það hafa komið upp óheppi-
leg mál sem tengst hafa meiri-
hlutasamstarfinu og þau hafa í
nokkrum tilvikum kostað afsagnir.
Af þessu hefur leitt að við höfum
verið í varnarbaráttu og því á
stundum átt erfitt með að koma
málefnum okkar á framfæri.“
Framsókn átti þátt í myndun
þriggja meirihluta af fjórum á
kjörtímabilinu. Varstu sammála
öllum ákvörðunum þar um? „Já.
Og ég hef stutt við bakið á for-
ystumönnum okkar í þeim málum
hverju sinni. Ég þekkti ekki allt-
af aðstæður að öllu leyti og vissi
ekki alltaf hvað var að gerast bak
við tjöldin en virtist engu að síður
allar ákvarðanirnar skynsamleg-
ar. Sérstaklega í síðasta tilvikinu
þegar umsátursástand ríkti í borg-
inni, þá þurfti að gera eitthvað til
að höggva á hnútinn og fulltrúi
Framsóknar steig þá fram fyrir
skjöldu.“
Hver verða stóru málin í kosn-
ingunum í vor? „Ég held að fyrst
og fremst verði það mál sem varða
fólkið sjálft. Það hefur verið hald-
ið vel á spilunum varðandi fjár-
mál borgarinnar en nú er spurn-
ing hvort niðurskurðurinn fari
ekki að nálgast þolmörk. Talað er
um að passa upp á grunnþjónust-
una en það vantar að útskýra hvað
grunnþjónusta er. Ég tel því mik-
ilvægt að skilgreina hana vel, svo
að í kosningunum í vor verði í raun
hægt að gera um hana sáttmála við
kjósendur.
Þessi mál verða í algjörum for-
gangi umfram til dæmis einhver
einstök mislæg gatnamót.
Uppbygging atvinnutækifæra
verður líka í forgrunni en í þeim
efnum tel ég að borgin geti og eigi
að leggja töluvert af mörkum með
því að skapa umhverfi til nýsköp-
unar. Við getum til dæmis byggt
á líftækni, hugbúnaði og orkumál-
um og borgin getur vissulega veitt
margháttaðan stuðning án þess að
fjárfesta beint í verkefnum.
Að auki tel ég umhverfismálin
mikilvæg, við þurfum að leita leiða
til að gera borgina lífvænlegri.“
Þú varst mikill R-listamaður á
sínum tíma. Hefur þú áhuga á slíku
sameiginlegu framboði í vor? „Nei.
Bæði held ég að ekki sé grundvöll-
ur fyrir slíku og eins tel ég mikil-
vægt að við framsóknarmenn bjóð-
um fram okkar eigin málefni. Svo
sjáum við til eftir kosningar hvar
hentugast er að leita samstarfs.
Ég treysti mér til að vinna með
öllum en þau mál verða að skoð-
ast út frá málefnum Framsóknar-
flokksins.“
Framsóknarflokkurinn hefur á
sér spillingarstimpil og oft er illa
um hann talað. Á hann það skil-
ið? „Einstakir menn, með eða án
umboðs flokksins, hafa staðið að
hlutum sem hafa verið umdeild-
ir en oft greina menn ekki á milli
fólks og flokks. Svo er gert meira
úr slíkum tengslum en efni standa
til. Ég veit til dæmis ekki til þess
að Ólafur Ólafsson í Samskipum
hafi nokkurn tíma verið skráður
í flokkinn, alla vega hef ég aldrei
séð hann í flokksstarfinu, en samt
er hann stöðugt kenndur við flokk-
inn. Eflaust þekkir hann einhverja
í flokknum en ég held að Fram-
sóknarflokkurinn hafi ekki borið
sérstaka ábyrgð á manninum. Ekki
frekar en Samfylkingin, sem naut
góðs af styrkjum frá fyrirtækjum
í hans eigu.
Það er hægt að stilla svona
málum upp á alla vegu. Þegar ég
sá myndir frá landsfundi Sjálf-
stæðisflokksins sá ég þar banka-
stjóra allra bankanna. Hvað voru
þeir að gera þar? Ekki komu þeir á
fundi hjá Framsóknarflokknum.
En varðandi kjörna fulltrúa
þarf að skoða hvort þeir beri ein-
hverja ábyrgð á hruninu og rann-
sóknarnefndin sem er að störfum
mun gera það. Það verður fróðlegt
að sjá hvort stjórnmálaflokkarnir
bera ábyrgð og þá hve mikla.“
Á hvaða siglingu finnst þér
flokkurinn vera undir forystu Sig-
mundar Davíðs Gunnlaugsson-
ar? „Það er ferskt yfirbragð yfir
þessu. Þingflokkurinn okkar er sá
langyngsti á Alþingi og ber þess
merki. Mikill ákafi og baráttugleði
er í þingmönnum sem vilja láta að
sér kveða. Í takti við það hefur
verið svolítið um upphrópanir og
sumir sakna gömlu framsóknar-
mennskunnar sem fólst í rólyndi
og yfirvegun. En það er ágætt að
hrista upp í hlutunum og baráttu-
gleði er góð sé skynsemi höfð að
leiðarljósi.“
Hvað ætlarðu að verja mikl-
um peningum til kjörsins á laug-
ardag? „Það er ekki alveg ljóst en
líklega verða það um hundrað þús-
und krónur.“
Náir þú ekki fyrsta sætinu,
muntu þá gefa kost á þér í annað
sæti? „Ég mun meta það á fundin-
um. Þrjár mjög góðar konur gefa
kost á sér í annað sætið og því er
ekki hörgull á góðum konum hjá
Framsókn. Ég legg verk mín og
áherslur í dóm flokksmanna og uni
niðurstöðunni, hver sem hún verð-
ur. Ég legg hins vegar allt undir í
baráttunni um oddvitasætið.“
ALLT UNDIR Einar Skúlason sækist eftir oddvitasæti Framsóknar í Reykjavík og
leggur allt í sölurnar til að ná kjöri. FRÉTTABLAÐIÐ/PJETUR
Þurfum að sækja framEinar Skúlason er 38 ára varaþingmaður Framsóknarflokksins í Reykjavík.
Þar til á dögunum gegndi hann starfi skrifstofustjóra þingflokks Framsókn-
arflokksins. Áður var hann framkvæmdastjóri Alþjóðahússins í sex ár og þar
áður framkvæmdastjóri auglýsingastofu og framkvæmdastjóri Stúdentaráðs.
Hann er með BA-próf í stjórnmálafræði frá HÍ og MBA-próf frá Háskólan-
um í Edinborg.
Einar er einstæður þriggja barna faðir.
KJÖRFUNDURINN
Framsóknarmenn kjósa fulltrúa á lista vegna
borgarstjórnarkosninganna í maílok á næsta ári
á sérstökum kjörfundi á laugardag.
Fundurinn fer fram á Hótel Loftleiðum og
hafa félagsmenn í framsóknarfélögunum í
borginni atkvæðisrétt. Eru þeir um þrjú þús-
und.
Kosið verður í tólf efstu sæti listans. Fyrst
verður kosið um fyrsta sætið, þá annað og
svo koll af kolli.
Framsóknarflokkurinn fékk rúmlega fjögur
þúsund atkvæði í síðustu kosningum, rúmlega sex
prósent atkvæða og einn borgarfulltrúa.
EINAR SKÚLASON
Minnum á teiknisamkeppni
Skólamjólkurdagsins
fyrir 4. bekkinga
Hægt er að skila inn myndum fram að jólafríi
til Mjólkursamsölunnar, Bitruhálsi 1, 110 Reykjavík.
Nánari upplýsingar á www.ms.is
ATHUGIÐ!
Höfum áhuga á að kaupa notuð
gæðaúr frá eftirfarandi framleiðendum:
Rolex, Patek Philippe, IWC, Girard Perreguax,
Panerai, Oris, Bvlgari, Ulysse Nardin, Zenith o.fl .
Upprunalegir pappírar/skjöl, umbúðir o.s.frv. verða að fylgja.
Vinsamlegast sendið lýsingu, myndir
og verðhugmyndir á netfangið:
swissur@gmail.com og við svörum um hæl.
Auglýsingasími
– Mest lesið