Fréttablaðið - 26.11.2009, Blaðsíða 56

40 26. nóvember 2009 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
> Ourlives - We Lost the Race
Lágstemmt og fágað popp sem hittir
rækilega í mark. Ein besta poppplata
ársins.
> Í SPILARANUM
Mugison - Ítrekun
Á móti sól - 8
Kristín - Mubla
Megas & Senuþjófarnir - Segðu ekki frá (með lífsmarki)
Hjaltalín - Terminal
HJALTALÍNMUGISON
Bassaleikarinn Bjarni Sveinbjörnsson
hefur gefið út sína fyrstu sólóplötu, sem
nefnist About Time. Lögin á plötunni voru
samin þegar Bjarni var í námi í Los Anga-
les og einnig eru á henni nýrri lagasmíðar.
„Þetta er búinn að vera langur aðdragandi
en svo loksins lét ég verða af þessu. Þess
vegna ber þetta titilinn About Time. Það
var kominn tími til að gera þetta,“ segir
Bjarni, sem byrjaði að spila á bassa þegar
hann var sextán ára. „Þetta er uppsafnað
efni á mörgum árum. Ég er búinn að spila
í þrjátíu ár og elsta lagið nær tuttugu ár
aftur í tímann.“
Bjarni hefur spilað í Tríói Guðmundar
Ingólfssonar, Hljómsveit Gunnars Þórðar-
sonar á Broadway, fusion-hljómsveitinni
Gömmum með Birni Thoroddsen og sinnt
mörgum fleiri verkefnum. Hann stofnaði
Tónskóla Eddu Borg árið 1989 ásamt eigin-
konu sinni Eddu og starfar þar enn. Næstu
tónleikar Bjarna verða á Rosenberg á mið-
vikudagskvöld. - fb
Löngu tímabær sólóplata
BJARNI SVEINBJÖRNSSON Bassaleikarinn hefur
gefið út sína fyrstu sólóplötu sem nefnist About
Time. FRÉTTABLAÐIÐ/PJETUR
Nú þegar fjórar vikur eru til jóla er kominn tími til að spá í jóla-
gjafirnar og að sjálfsögðu er tónlistargjöf góð gjöf. Á þessum árs-
tíma koma oft út glæsilegar viðhafnarútgáfur og yfirlitsbox og þó
að kreppan hafi slegið svolítið á þess konar útgáfu þá er samt eitt og
annað nýkomið í sölu
eða að detta inn á næstu
dögum.
Bítlaboxið sem kom í
haust á eflaust eftir að
rata í einhverja jóla-
pakka og fyrir þá sem
frekar vilja Stones er
fjögurra diska eðalút-
gáfa af Get Yer Ya-Yas
Out að lenda á næstu
dögum. Heildarútgáfa
snillinganna í Kraft-
werk er komin í einn
pakka þó að menn séu
reyndar ekki á einu máli
um gæði endurhljóð-
blöndunarinnar. AC/DC
safnar saman fágætum
upptökum á hið þriggja
diska Backtracks og
vinir Bonos ættu að taka
viðhafnarútgáfunni af
The Unforgettable Fire
fagnandi.
Persónulega á ég erf-
iðast með að halda fullri
stjórn á munnvatns-
framleiðslunni þegar ég
skoða Complete Miles
Davis-kassann sem var
að koma út. Alls 70 disk-
ar sem inihalda allar
plötur meistarans fyrir
Columbia og glás af
aukaefni, DVD með tón-
leikum Miles Davis Quintet frá 1967 og 250 bls. bók. Það merkilega við
þennan ofurpakka er að hann kostar minna en Bítlaboxið sem þó inni-
heldur „ekki nema“ 16 diska.
Hér á Íslandi eru sparipakkarnir minni í sniðum en undanfarin ár,
en vönduð heildarútgáfa Savannatríósins, Kúbuplötupakki Tómasar R.,
afmælissafn Ragga Bjarna, vínylsafn Hjálma eða tvöfaldur tónleika-
diskur Megasar ættu að fara vel í hvaða jólapakka sem er.
Nú eða bara einhver íslenskur diskur með nýrri tónlist. Ódýr og góð
gjöf og af nógu að taka.
Tónlist í jólapakkann?
MILES DAVIS Allar Columbia plöturnar komnar í 70
diska ofurboxi.
Fanfarlo nefnist sænsk hljómsveit
sem gerir út frá London. Hún hefur
verið að vekja athygli fyrir fyrstu
stóru plötuna sína, Reservoir. Myndin
framan á umslagi plötunnar er alís-
lensk því ljósmyndina tók Lilja Birgis-
dóttir, systir Jónsa í Sigur Rós.
Á myndinni sjást Sigurrós Elín, hin
systir Jónsa, með grímu, og frænka
hennar Dísa, standandi í hlöðu í Mos-
fellsbæ. Sami maður sér um umboðs-
mennsku fyrir Sigur Rós og Fanfarlo og
Jónsi er vinur sveitarinnar. Hann stakk
upp á systrum sínum í djobbið. Hljóm-
sveitin Sigur Rós er sem kunnugt er
nefnd eftir Sigurrós Elínu. Hún hefur
því sett mark sitt á rokksöguna þótt
ung sé að árum.
Af Sigur Rós er svo að frétta að
haugur af lögum með sveitinni mun
hljóma í myndinni The boys are back
með hjartaknúsaranum Clive Owen.
Leikstjórinn Scott Hicks kom sérferð
til Íslands til að sannfæra strákana
um að leyfa notkun tónlistarinnar.
- drg
UMSLAG FANFARLO Ljósmynd eftir Lilju Birgisdóttur.
Pönkpopptríóið Morðingj-
arnir er að senda frá sér
plötu númer þrjú, Flóttinn
mikli. Enn er hamast í
gassaskap og dælt út mel-
ódísku eðalpönki. Haukur
Viðar Alfreðsson, Morðingi,
sagði Dr. Gunna að það sé
ekkert kreppupönk á plöt-
unni, bandið hafi afgreitt
kreppuna snemma á síðasta
ári.
„Það er eitt og hálft ár síðan
Áfram Ísland! kom út og þetta
eru lögin sem hafa orðið til síðan,“
segir Haukur, blátt áfram. „Það
er sótt í sama brunn en þessi plata
er aðeins slípaðri. Á fyrri plötun-
um okkar vorum við með menn á
tökkunum sem ýttu eiginlega bara
á „rec“ - með fullri virðingu fyrir
þeim - en nú var Axel „Flex“ Árna-
son pródúser eiginlega fjórði með-
limurinn. Hann ber ábyrgð á því
að þetta er slípaðra, en lögin eru
líka þess eðlis að það var auðveld-
ara að slípa þau til.“
Ungir fram undir fertugt
Haukur semur mest af efni Morð-
ingjana en er svo lýðræðislega
sinnaður að hann vill helst ekki
að það sé tekið fram - „Þeir koma
vissulega með sitt ómissandi inn-
legg.“ Hann vinnur á leikskóla
(frétt með fyrirsögninni „Morð-
ingi á leikskóla“ var einhvern tím-
ann mest lesin einhvers staðar) og
segir að lögin hafi mörg orðið til
þar. „Maður er í söngstundum og
kannski á milli laga fer maður að
vinna í einhverjum köflum. Þang-
að til börnin fara að kvarta.“
Á plötunni eru mikið sungið um
tilgangsleysi og lífsleiða. Sögu-
maður setur sig í spor manna sem
eru í raun ennþá haldnir unglinga-
veiki með þeirri óvissu og óeirð
sem þeim tíma fylgir, þótt þeir
séu orðnir fullorðnir. „Textarnir á
þessari plötu eru öðruvísi en það
sem við höfum áður gert. Fyrsta
platan var hálfgerð ádeila á hitt
og þetta og allt voða flippað. Nú er
þetta persónulegra og minna um
þjóðfélagsádeilu. Ég held að mjög
margir á okkar aldri geti fundið
sig í þessum textum. Við erum af
þeirri kynslóð sem gengur illa að
díla við lífið þótt það ætti í raun að
vera auðvelt. Ég held við höfum of
mikla möguleika. Foreldrar okkar
höfðu minna val og þurftu að tak-
ast á við lífið - það var ekki undan
því komist - en við lifum á tímum
þar sem fólk getur leift sér að vera
ungt langt fram að fertugu, ef ekki
lengur. Það er kannski gott að ein-
hverju leiti, en það tekur fólk leng-
ur að finna sig. Ég þekki fólk sem
er þrítugt og býr enn í foreldrahús-
um. Hefur aldrei flutt að heiman
og það þykir ekkert skrítið. Það
hefði nú verið hlegið að þannig
fólki fyrir tuttugu árum síðan.“
Kreppupönk eldist illa
Haukur segir að ekkert kreppu-
pönk sé á Flóttanum mikla. „Það
var vísvitandi gert. Síðasta plata
(Áfram Ísland!) var eiginlega
kreppuplata en það var bara ekki
komin kreppa þegar platan kom
út. Við grísuðum á þetta rosalega
Nostradamusar-umslag (Ísland
sundurtætt). Við vorum búnir að
pönkast á kreppunni og forðuð-
umst því alveg kreppuhjakkið á
nýju plötunni, þó margir virðist
fíla kreppupönkið. Ég held bara
að kreppupönk muni eldist illa og
verði mjög fljótt leiðinlegt.“
Umslag nýju plötunnar sýnir
stelpu fljúga upp á blöðrum. Inga
Brynjarsdóttir og Una Laurenzen
teiknuðu umslagið. Haukur segir
þetta vera myndlíkingu. „Stelp-
an á umslaginu lifir í litdaufum
og óáhugaverðum heimi. Hún
nær þarna að stíga upp til betra
lífs, mögulega. Við erum nú ekk-
ert svona djúpir. En samt. Flóttinn
mikli er Steve Mcqueen mynd sem
við höldum allir mikið upp á en tit-
ill plötunnar vísar til þess sem fólk
notar til að flýja raunveruleikann -
hugbreytandi efni og kynferðisleg-
ar fantasíur og þar fram eftir göt-
unum. Þegar fólk vill ekki horfa
framan í gráan hversdagsleikann
þá flýr það. Við erum konsept-rún-
karar. Ég veit það er svolítið glat-
að en okkur finnst það skemmti-
legt.“
Morðingjarnir taka nokkur gigg
fyrir jól, en Haukur segir bandið
bíða með meiriháttar plötukynn-
ingu fram yfir áramót.
drgunni@frettabladid.is
Slípað veruleikaflóttapönk
UMSLAGIÐ Flóttinn mikli.
SÆKJA Í SAMA BRUNN Morðingjarnir hamast: Haukur, Helgi og Atli.
MYND/MAGNÚS AXELSSON
Sigurrós á sænsku plötuumslagi