Veðrið - 01.04.1963, Blaðsíða 14

Veðrið - 01.04.1963, Blaðsíða 14
Ljósmynd af kúlueldingu eða urðarmána öðru nafni. eftir Helge Petersen fyrrv. veðurstofustjóra í Danmörku. Greininni fylgir ljós- mynd sú af kúlueldingu, sem hér er tekin traustataki til birtíngar. Myndina kveðst Petersen hafa fengið hjá aðstoðarkennara við verkfræðiskól- ann í Khöfn. Þurfi ekki að efa ráðvendni hans, en hitt verði jafnan að hafa hugfast, að auðvelt sé að „búa til" slíkar myndir — án þess að þær eigi nokkuð skylt við kúlueldingu í raun og veru. Myndin var tekin í Óðinsvéum á Fjóni. Heimilismaður var þar staddur í húsi hjá vini sínum. Þrumuveður var á, og höfðu þeir sett opna myndavél í glugga til þess að ná mynd af þrumuleiftri. Báðir urðu sjónarvottar að því, er kúluelding eða urðarmáni kom svífandi frá hlið, lágt yfir jörð, og fyrir gluggann, sem myndavélin stóð í. Þegar filman var framköiluð, kom í ljós hlykkjótt lína, sem sýndi feril urðarmánans íram hjá glugganum. Að lokum hafði hann smogið niður um reykháfinn á húsinu, sem þeir félagar voru í, og sprakk í miðstöðvarkatlinum. Húseigandi lét svo um mælt, að það væri engu líkara en sjálfur djöfullinn hefði verið þar að verki. liraut urðarmánans bendir til þess, að hann hafi borizt stefnulaust með iogn- blænum, sem oft er samfara þrumuveðri að sumarlagi. Sumar lykkjurnar gætu stafað af því, að áhorfendurnir hefðu beygt sig út um gluggann og komið við myndavélina. Á frummyndinni er ljósrákin um 0,5 mm á breidd, og sé gert ráð fyrir 10 m fjarlægð og 10 cm brennivídd linsunnar, ætti urðarmáninn að hafa verið 5 cm í þvermál, og kemur það heim við lýsingar annarra sjónarvotta. Ef kúlan hefði verið mjög heit, hefði ferill hennar sennilega verið krókóttari. ./• Ey. 12 — VEÐRIÐ

x

Veðrið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Veðrið
https://timarit.is/publication/369

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.