Veðrið - 01.04.1963, Blaðsíða 25

Veðrið - 01.04.1963, Blaðsíða 25
JONAS JAKOBSSON: Hitastig yfir Keflavík Veturinn 1962—'63 hefur verið mildur og hagstæður. Fyrri hlutann var hiti nálægt meðallagi, því að þótt nóvember væri heldur kaldari en undanfarin ár, var desember annað eins fyrir ofan meðallag. Seinni hluti vetrar varð aftur á móti talsvert hlýrra en venja er. Lætur nærri, að meðalhiti í'yrsta fjórðungs árs- ins 1963 sé tveimur stigum hærri en í meðalári. Munar þar mest um marz, sem er nálægt þremur gráðum hlýrri en meðaltal síðustu 10 ára. Hitalínurnar, sem hér fylgja, lýsa vetrinum vel á sinn hátt. í október var hlý tíð fyrstu þrjár vikurnar, eða fram undir veturnætur. Vindur var þá lengstum á sunnan og suðaustan og flutti til landsins hafloft, lengst að sunnan og hlýjast þ. 19. og 20. Eftir það hófst tveggja vikna kuldakafli. Þá voru lægðir suðaustur af landinu, svo að norðaustlægir vindar voru ríkjandi og báru að loft frá hafinu fyrir norðan og norðaustan landið. Um miðja fyrstu viku nóvemher hlánaði í hili, en utn miðjan mánuðinn var kuldakafli og annar rétt fyrir mánaðarlokin. í desember ríkti hlý suðlæg átt fyrstu vikuna. Þá gerði hálfs mánaðar um- hleypingakafla. Lægðir bárust norðaustur yfir landið eða rétt hjá því, svo að skakviðrasamt varð og ógæftir. Hitasveiflur voru þó ekki y'kja miklar, því að lægðirnar fóru of hratt hjá til að loft gæti komið mjög langt sunnan eða norðan að. Um jólin stilltist veðrið, því að mikið háþrýstisvæði breiddist yfir landið og hafið umhverfis. Eftir nýárið héldu stillurnar áfram eins og ljóslega má sjá á hitalínunum fyrir janúar. Fyrstu tvær vikurnar andaði einkum á austan og norðaustan, en um miðjan mánuðinn þokaðist hæðin til austurs, svo að áttin varð suðlæg og veðrið milt. Tvö lítils háttar kuldaköst komu seinast í mánuðinum, en stóðu stutt. í fyrstu viku febrúar gerði norðan áhlaup. Kemur það mjög greinilega fram sem kuldadalur á hitallnunum. Með því barst hrafl a£ hafís inn undir land nyrzt á Vestljörðum, en hann hvarflaði fljótlega frá og rak vestur á bóginn, því að vindur gekk í austrið. Mestan hluta mánaðarins hélzt svo austanátt fremur hlý og hæg. Var því einmunatíð um allt land. Góðviðrið hélzt áfram í marz. Loft frá hafinu suður og suðaustur af landinu var einrátt. Útlit hitalínanna minnir á sumarmánuð, svo litlar eru hitabreyt- ingarnar. Aldrei gerði neitt kuldakast, og í 500 m hæð var hitinn lengstum yfir frostmarki. VEÐRIÐ ---- 23

x

Veðrið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Veðrið
https://timarit.is/publication/369

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.