Veðrið - 01.04.1963, Blaðsíða 17

Veðrið - 01.04.1963, Blaðsíða 17
skáld, Örn Arnarson, (Magnús Stefánsson), verður kviðið og sorgmætt í illviðr- um. Hjá þessu skáldi virðast áhrifin því aðeins andleg, en ekki líkamleg. Örn kemst svo að orði: Ég sit hér aleinn inni — en úti er frost og hríð — og þrái sólskin, söng og blóm og syrgi liðna tíð. Og trúlega hefur loftvog verið ört fallandi, þegar hann yrkir kvæðið Veðuruggur, en þar gefur að líta m. a. þessa sálarlýsingu: Ekki get ég hugann heimt frá hættum storms og bylgju. Mig hefur opnum augum dreymt illra veðra fylgju. og ennfremur: Uggir mig um allra hag, sem eiga mök við græði. Stormurinn kaldi líksöngslag leikur á simaþræði. Eins og áður er sagt, hefur veðráttan margbreytileg og mismunandi áhrif á hvern einstakling. Hannes Hafstein er t. d. algjör andstæða skáldanna, sem lýst var hér að framan. Stormurinn hefur æsandi og örvandi áhrif á hann: Ég elska þig stormur, sem geisar um grund og gleðiþyt vekur í blaðstyrkum lund, hjá Hannesi „eflist þrótturinn", og stormurinn „vekur lífsandann hvarvetna". Og votviðrin vekja kergjuna og kjarkinn hjá skáldinu: „Þótt hann rigni, þótt ég digni, þótt hann lygni aldrei meir" fram skal stauta blautar brautir, buga þraut, unz fjörið deyr. VEÐRIÐ ---- 15

x

Veðrið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Veðrið
https://timarit.is/publication/369

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.