Fréttablaðið - 12.12.2009, Síða 34

34 12. desember 2009 LAUGARDAGUR
FRAMHALD Á SÍÐU 36
A
fríka hefur töfra,
en það er fyrst og
fremst fólkið sem
byggir þessi álfu
sem heillar; glað-
værð þess og æðru-
leysi, litadýrðin og fegurðin. Er
Afríka hættuleg? Já, svo sannar-
lega, hún er ólæknandi sjúkdómur.
Maður verður að fara þangað aftur
og aftur,“ segir Páll, sem hefur
farið til álfunnar margoft, þar af í á
annan tug ferða til að mynda fyrir
bókina Afríka, framtíð fótboltans
sem gefin verður út í mars.
Bókin verður gefin út á ensku
og er ætluð alþjóðamarkaði. Hún
kemur út nokkrum mánuðum áður
en heimsmeistarakeppnin hefst í
Suður-Afríku, sú fyrsta sem hald-
in er í álfunni. Það er því vel við-
eigandi að tvær skærustu fótbolta-
stjörnur álfunnar, þeir Didier
Drogba og Michael Essien, leikmenn
Chelsea, skrifa formála bókarinnar
en eigandi enska félagsins, Roman
Abramóvitsj, kemur að útgáfu henn-
ar. Þeir Halldór Lárusson og Kristj-
án B. Jónasson unnu að bókinni með
Páli.
Tæp þrjú ár eru síðan hugmyndin
að bókinni kviknaði. „Ég hafði verið
í bænum Janjanbureh eða George-
town við Gambíufljót að mynda
steinhringi Senegambíu, minjar
frá þriðju öld fyrir Krist sem eru
á heimsminjaskrá UNESCO. Þaðan
var ferðinni heitið til eyjarinnar
Gorée, miðstöðvar þrælaverslun-
ar á sínum tíma. Hún liggur undan
ströndum Dakar, höfuðborgar Sen-
egal. Á leiðinni þangað sá ég í húm-
inu út um bílgluggann það fallegasta
sólarlag sem ég hef séð. Rauða jörð,
rauðan himin og í rauðu rykinu glitti
í útlínur af þorpi þar sem allt þorp-
ið háði knattspyrnuleik í síðustu
geislum sólarinnar. Gleðin, hlátur-
inn, leikurinn, allt var svo fullkom-
ið. Þetta var hin sanna Afríka, ekki
sú Afríka sem við heyrum svo mikið
af í fréttum, hungursneyðir, enda-
lausar styrjaldir og manndráp.
Undir morgun var ég kominn til
Dakar sem er skemmtileg nútíma-
leg borg, sannkölluð höfuðborg Vest-
ur-Afríku. Á koddanum hlustaði ég
á nútímann; umferðargný, hlátur og
köll. Þá kveikti þessi mynd sem ég
sá fyrr um kvöldið hugmynd að bók
um Afríku eins og hún er, þar sem
knattspyrna er samnefnari. Afríka
er fótbolti. Svona næstum því.“
Þess má geta að lokum að allar
myndirnar eru teknar á Hasselblad
6x6 filmuvél sem Páli fannst henta
verkinu best.
Afríka er hættuleg
Páll Stefánsson ljósmyndari var á leið til Dakar, höfuðborgar Senegal, þegar hann varð vitni að knattspyrnuleik íbúa í ónefndu
þorpi í ægifögru sólarlagi. Myndin af leiknum lifði með honum og hugmynd varð til að bók um Afríku fótboltans; Afríku þar
sem knattspyrna er samnefnari. Bókin er væntanleg í mars en lesendur Fréttablaðsins sjá hér sýnishorn úr verkinu.
BÚRKÍNA-FASÓ Ungur stuðningsmaður Liverpool á æfingu í höfuðborginni Ouagadougou.
EÞÍÓPÍA Stelpur spila líka fótbolta í Afríku en myndin er tekin á æfingu stúlknaliðs í Addis Ababa
höfuðborg landsins.
TANSANÍA Masajar í fullum skrúða í fótbolta á strönd eyjunnar
Sansibar við Tansaníu.