Vikan - 20.06.1963, Blaðsíða 51

HVERNIG DÆMIR ÞÚ?
bflaverzlun
Jón Jónsson leitaði til bifreiðasala
í þeim tilgangi að fá keypta vöru-
bifreið. Eftir að hafa skoðað nokkr-
ar bifreiðar, kom Jón auga á eina,
sem honum fannst myndi henta sér.
Eigandi þessarar bifreiðar var Felix
nokkur Franzson. Þarf ekki að orð-
lengja það, að þeir Jón og Felix náðu
samkomulagi um söluskilmála á
bifreiðinni. Undirrituðu þeir sölu-
tilkynningu til Bifreiðaeftirlitsins.
Felix afsali Jóni bifreiðinni, og varð
hann samdægurs orðinn skráður
eigandi hennar, enda hafði hann að
fullu staðið Felix skil á kaupverð-
inu.
Tveimur vikum eftir að kaup
þessi fóru fram, fékk Jón tilkynn-
ingu um að mæta á skrifstofu borg-
arfógeta. Þegar þangað kom, var
honum skýrt frá því, að borgarstjór-
inn f. h. borgarsjóðs krefðist þess
að fá þá þegar í sínar hendur umráð
vörubifreiðarinnar með beinni fó-
getagjörð.
Það tók Jón nokkurn tíma að átta
sig á því, hvað hér væri að gerast.
Talsmaður borgarstjóra, sem mætt-
ur var í fógetaréttinum, útskýrði
viðhorf borgaryfirvalda á þessa
leið: Felix Franzson átti við heilsu-
leysi að stríða. Hann hafði á fram-
færi sínu fimm börn í ómegð og gat
ekki séð heimili sínu farborða af
eigin rammleik. Þurfti hann því við
og við að fá framfærslustyrk úr
borgarsjóði. Fyrir tveimur árum
töldu læknar heilsu hans þannig
farið, að hann gæti ekki stundað al-
menna erfiðisvinnu, en bílaakstur
gæti hann haft með höndum.
Því var það, að borgaryfirvöldin
keyptu umrædda bifreið og afhentu
Felix hana til afnota. Það varð að
ráði, að bifreiðin var skráð á nafn
Felixar í bifreiðaskránni. Vildi
Reykjavíkurborg með þessu firra
sig fébótaábyrgð samkvæmt um-
ferðarlögunum á tjóni, sem ökumað-
urinn kynni að valda.
Meðan bifreiðin var í umráðum
Felixar, sá hann um rekstur og við-
hald hennar á sinn kostnað. Ekki
hefur hann þurft á framærslustyrk
að halda, síðan hann fékk bílinn.
Hann hefur aldrei greitt neitt upp
í andvirði bílsins.
Talsmaðurinn sagði, að eignar-
réttur borgarinnar væri ljós á um-
ræddri bifreið og væri hann í raun-
inni óvéfengjanlegur. Skráningin í
bifreiðaskrána gæti í engum efnum
hrundið eignarheimildinni. Þar
hefði aðeins verið um öryggisráð-
stafanir af hálfu borgarinnar að
ræða gagnvart hinum ströngu
skaðabótaákvæðum umferðarlag-
anna. Krafðist talsmaðurinn þess,
að innsetningargjörðin færi fram.
Jón sagði, að sér væri andsk...
sama, hvernig þessum viðskiptum
Felixar við borgaryfirvöldin hefði
verið háttað. Hann byggði eingöngu
rétt sinn á viðskiptum sínum við
Felix. Hin opinbera bifreiðaskrá
hefði gefið til kynna, að Felix væri
löglegur eigandi bifreiðarinnar.
Hann hefði afsalað sér bifreiðinni.
Þessi eignarheimild sína, sagðist
Jón hafa látið færa inn í bifreiða-
skrána. Þess vegna hefði hann síð-
an verið lögmætur eigandi bifreiðar-
innar.
„Þessi eignarréttur minn er óum-
deilanlegur“, sagði Jón Jónsson,
„og þess vegna mótmæli ég fram-
gangi innsetningargjörðarinnar".
Spurning Vikunnar: NÆR INN-
SETNINGARGJÖRÐIN FRAM AÐ
GANGA?
Sjá svar á hls. 32.
R AFM AfiNSFJ -DAVELAR
MARGAR GERÐIR
25 'tK A Kl l VSI. t
Gerð 4403-4 fáanlegar með
3 eða 4 hellum, glópípu
eða steyptum (heilum),
klukku og Ijósi, glóðarrist
og hitaskúffu.
Eldavélasett til innbygging-
ar í ný eða gömul eldhús, 2
gerðir, einnig með glóðarrist
Ódýrasta eldavélin á
markaðnum
Gerð 2650 - 3
steyptar hellur,
auðveldar í hreins-
un, með bökunarofni
H.F. RAFTÆKJAVERKSMIÐJAN HAFNARFIRÐI