Vikan - 16.09.1965, Page 7

P.S. þýðir Post Scriptum — eft-
irskrift.
HANNIBAL OG ANNAÐ ATKVÆÐl.
Kæra Vika!
Ykkur dettur margt skemmti-
legt í hug, eins og til dæmis það,
að senda mann út af örkinni til
að reyna þolinmæði manna, sbr.
grein í síðustu Viku. En það er
algjör skortur á háttvísi að segja:
„Hannibal kveður atkvæðið“ —
eftir hans kurteisa og þolinmóða
viðtal — og þar mundi frú
Andrea Oddsteinsdóttir vera
sammála.
Þetta er skrifað einungis með
almenna kurteisi í huga.
Vikulesandi.
Þetta þykir okkur vont að
heyra. Og Hannibal, sem hló svo
mikið, þegar hann las þetta! En
það er gaman að vita, að hann
skuli eiga annað atkvæði á Rauf-
arhöfn!
SMEKKSATRIÐI.
Góða Vika!
Ég hef í tvo daga verið niður-
brotinn maður vegna þess, að ég
sá stúlku úti á götu í fyrradag.
Hún var í einhvernveginn rauð-
strípaðri kápu, fæturnir aðeins
prik sem hurfu undir kápuna
sem lufsaðist utan um ekkert.
Andlitið vægt sagt ekki fallegt.
Ég ætlaði að fara að loka augun-
um eins og ég geri alltaf, þegar
eitthvað særir fegurðarsmekk
minn, en fannst þá, að ég kann-
ast við gripinn og fór að horfa
betur, og drottinn minn, þetta
var þá fegurðardrottning íslands
1965! Ég fékk kökk í hálsinn og
get ekki kingt honum síðan.
Hvernig má þetta vera, af hverju
gerið þið þjóðinni þá smán að
velja ófríðar stúlkur fyrir fegurð-
ardrottningar? Ætlið þið að láta
þetta sjást í öðrum löndum?
Kæra Vika, gerðu eitthvað til að
hugga mig!
Estetikus.
f fyrsta lagi eitt: Vikan ber
enga ábyrgð á fegurðarsam-
keppninni og hefur aldrei gert.
Hins vegar hefur blaðið einka-
rétt á kynningu keppenda, eftir
að stjórn fegurðarsamkeppninn-
ar hefur valið þær, sem keppa
til úrslita. Varðandi þessa sér-
stöku stúlku er það að segja, að
hver hefur sinn smekk, þú
Estetikus eins og aðrir, en mað-
ur kunnugur stúlkunni sagði okk-
ur í vor, að „hennar sjarmi lægi
á öðru sviði“.
ÆÐRI TÓNLIST.
Kæra Vika!
Vilduð þið segja mér hvaða
æðritónlistarunnandi sér um dag-
skrána í útvarpinu. Maður opn-
ar ekki útvarpið svo að ekki sé
verið að spila long-playing plötu
með Fílharmoníuhljómsveitinni
frá Lundúnum eða kynna hana
sem næsta dagskrárlið. Ég hlust-
aði einu sinni á dagskrárkynn-
ingu næstu viku og þá var 6
sinnum þættir með sinfoníum en
2 þættir með dægurlögum og ann-
ar svo seint um kvöld að maður
fær ekki hálfan svefn, því ég og
fleiri sem vakna kl. 7 — 7,30 til
að fara í vinnu og er maður illa
upplagður og lítt vinnufær.
Nútíðin.
P.S. Hvernig er skriftin?
Okkur er nær að halda, að
það sé enginn einn, sem stjórnar
dagskránni í útvarpinu, þótt dag-
skrárstjóri (Andrés Björnsson)
hafi yfirumsjón með höndum. Og
við viljum alls ekki halda því
fram, að hann sé æðri tónlistar-
unnandi en f jöldinn. Hitt er svo
annað mál, að sjaldan heyrast
raddir, sem mæla með allri þeirri
göfugu tónlist, sem heyrist í út-
varpinu. Það væri gaman að
heyra í fáeinum.
RÍKISSTARFSMENN.
Vikan, — góði Póstur!
Við erum hér samankomnir
nokkrir kunningjar og erum ekki
á eitt sáttir með ýmis atriði eins
og gerist og gengur.
Ekki dettur okkur í hug að
þú kveðir upp endanlegan dóm
um öll deiluatriði okkar, en þar
sem við vitum að þú hefur gefið
mörgum góð og greið svör er þó
eitt sem við biðjum þig að veita
okkur upplýsingar um, en það er
hverjir teljast ríkisstarfsmenn?
Eru það ekki allir sem vinna við
ríkisstofnanir? Eða, ef svo er
ekki, hvar eru þá takmörkin?
Með fyrirfram þakklæti.
Virðingarfyllst.
Fávísir.
Allir þeir, sem þiggja laun úr
hendi ríkisins, teljast ríkisstarfs-
menn.

DjrPFRYSTIMG
er fljótlegasta, auðveldasta
og bezta geymsluaðferðin —
og það er hægt að djúpfrysta
hvað sem er: kjöt, fisk, fugla,
grænmeti, ber, mjólkurafurð-
ir, brauð, kökur, tilbúna rétti
o.fl., og gæðin haldast óskert
mónuðum saman.
Hugsið ykkur þægindin: Þér
getið aflað matvælanna, þeg-
ar þau eru fersk og góð og
verðið lægst. Þér getið búið
í haginn, með því að geyma
bökuð brauð og kökur eða
tilbúna rétti. Og þegar til á
að taka er stutt að fara,
þ.e.a.s. ef þér hafið djúp-
frysti í húsinu.
Og djúpfrysti ættuð þér að
eiga, því hann sparar yður
sannarlega fé, tíma og fyrir-
höfn, og þér getið boðið
heimilisfólkinu fjölbreytt góð-
meti allt árið.
Takið þvf ferska ákvörðun:
— fáið yður frystikistu eða
frystiskáp, og . . .
Látið kalda skynsemina ráða
— veljið ATLAS, vegna gæð-
anna, vegna verðsins, vegna
útlitsins.
Við bjóðum yður 3 stærðir af ATLAS frystikistum og 2 stærðir af ATLAS
frystiskápum.
Munið ennfremur ATLAS kæliskápanna, sem fást í 5 stærðum, auk 2ja
stærða af hinum glæsilegu viðarkæliskápum í herbergi og stofur.
Komið og skoðið, skrifið eða út-
fyllið úrklippuna, og við mun-
um leggja okkur fram um góða
afgreiðslu.
Sendum um allt land.
O KORHliR
Sími 2-44-20 — Suðurgata 10 — Reykjavfk.
Sendið undirrit. ATLAS myndalista og nákvæmar upplýsingar, m.a. um
verð og greiðsluskilmála.
Nafn: ..................................................................
Heimilisfang: ...........................................................
Til FÖNIX s.f., pósthólf 1421, Reykjavík. V-37
VIKAN 37. tbl. -7