Vikan - 09.11.1967, Blaðsíða 8

Svona nokkuð stenzt
enginn Spánverji
Bpuflapkiólaefni
Samkvæmisefni
meðal annars
glitofin efni í
glæsilegu úrvali.
Skólavörðustíg 17
Laugavegi 11
Háaleitisbraut 58
Strandgötu 9, Hafnarf.
McCall’s
8558
Áhrif nýju kjólatízkunnar á Spán-
verja komu nýlega fyrir dómstól 1
Madrid.
Hópi ungra Spánverja var stefnt
fyrir rétt fyrir að hafa „truflað
keppni“ á veitingahúsi í borginni. —
Þetta gerðist á Club Consulado, þar
sem nokkrar dömur kepptu um það
hver þeirra dirfðist að sýna sig í
stytztum kjól það kvöldið.
Niðurstaðan varð skelfileg.
Fyrst komu aðeins hnén í ljós. Svo
fór meira og meir af lærunum að
sjást, og hafði það sýnileg áhrif á
viðstadda karlmenn. Að lokum bar
fegurðardís með hrafnsvart hár sigur
úr býtum — með því að skarta með
einhverri flík, sem skýldi svo litlu af
henni að naumast var hægt að kalla
þetta kjól.
Þetta var meira en áhorfendur
þoldu. Þeir geröu áhlaup á sviðið —
og stúlkurnar.
Daginn eftir voru spænsku blöðin
full af hneykslunarfullum árásum á
keppnii* af þessu tagi. Kirkjan lét líka
vonzku í ljós og að lokum kom málið
fyrir dómstólana.
Þeir ákærðu höfðu ekki margt að
segja sér til varnar. Þeir sögðu að-
einsr ,,Þið vitið hvernig það er þegar
maður sér fallegar konur búnar á
ögrandi hátt — þá getur skeð að það
kvikni í manni.“ Rétturinn hafði viss-
an skilning á sjónarmiði þeirra.
Það skiptast á skin og skúrir í heimi stjórnlistarinnar. Þessi mynd var tekin
fyrir nokkrum árum. Þar eru þau að dansa saman, konungurinn og leikkonan.
SKin og skúrir
Það er ekki ýkja langt síðan gríska leikkonan Melina Mercouri var í heims-
íréttunum, vegna þess að gríska herforingjastjórnin svipti hana eignum og
gerði hana landræka fyrir þá sök eina, að leikkonan var á móti stjórninni.
Skömmu seinna var Konstantín Grikkjakonungur staddur í New York, þar
sem leikkonan hafði stofnað til samtaka gegn herforingjastjórninni grísku. Hún
reyndi að koma mótmælaskjali til konungsins, þar á meðal annars voru spurn-
ingar þess efnis, hvort hann sjálfur væri hlyntur herforingjastjórninni eða
ekki. Ekki tókst leikkonunni að koma þessu skjali áleiðis. Henni var tilkynnt
að aðalstöðvar S. Þ. væri ekki pósthús!
8 VIKAN 45’ tbl'