Vikan - 14.08.1969, Blaðsíða 6

Illilega ill nauðsyn
Kæri Póstur!
É'g ræðst í það stórvirki að
skrifa þér bréf, þótt ég sé með
pennalötustu manneskjum í
heimi, því að nú liggur mér
mikið á hjarta. 'Ég er einstæð
móðir eða nánar tiltekið fráskil-
in með tvö ung börn. Að sjálf-
sögðu varð ég að fara að vinna
úti til þess að sjá mér og börn-
um mínum farborða. É'g var svo
heppin að geta komið börnun-
um fyrir á barnaheimili. Þau
kunnu prýðilega við sig þar og
allt virtist leika í lyndi í nokkra
mánuði. Þá er skyndilega til-
kynnt, að bamaheimilið verði
lokað í heilan mánuð vegna
sumarleyfa! Þetta gerði heldur
betur strik í reikninginn hjá
mér, enda hafði ég ekki látið
mér detta í hug, að það væri
hægt að loka barnaheimili af
slíkum sökum. Þetta olli mér
geysilegum erfiðleikum, og ég
fékk sannarlega að finna til
þess, að það er ekkert spaug að
vera fráskilin tveggja barna
móðir í þessu fína velferðarríki
okkar. Auðvitað varð ég að leita
á náðir fjölskyldunnar. Ég kom
öðru barninu fyrir hér og hinu
þar; þeim líkaði illa hjá skyld-
fólki sínu, enda aðstæður erfið-
ar á báðum stöðunum. Þetta
varð einn allsherjar grátur og
gnístran tanna, og hef ég aldrei
lifað erfiðara tímabil.
Sú skýring var gefin á lokun
barnaheimilisins, að hún hafi
verið óhjákvæmileg, ill nauðsyn
eins og mig minnir að það hafi
verið orðað. Nú langar mig til
að spyrja: Hversu illileg getur
þessi svokallaða „illa nauðsyn"
orðið hér á landi? Er hægt að
afsaka allar gerðir, sem valda
fólki miklum erfiðleikum, með
því, að þær séu „ill nauðsyn"?
Er því ekki hægt að búast við
hverju sem er? Ég verð að segja
það, að ég finn til mikils ör-
yggisleysis, síðan barnaheimil-
inu var lokað og ég trúi því
ekki, að ekki hefði mátt koma
í veg fyrir slíka ráðstöfun.
Með beztu kveðjum og þakk-
læti fyrir Vikuna.
Ein ein.
Við erum alveg sammála þessu.
Það getur ekki gengið, að barna-
heimilum sé lokað vegna sum-
arleyfa. Við megum kannski
eiga von á, að lögreglan, slökkvi-
liðið og pósturinn fari líka að
loka í heilan mánuð „vegna
sumarleyfa“? Ef þróunin heldur
áfram í þessa áttina, fer að
verða þörf á samræmdum að-
gerðum, svo að allir loki að
minnsta kosti í sama mánuðin-
um.
Hjálmar og Páll
Kæra Vika!
Mig langar til að koma á
framfæri þakklæti til sérfræð-
inganna, sem lýstu hinni ævin-
týralegu ferð til tunglsins bæði
í útvarpi og sjónvarpi, þeirra
Hjálmars Sveinssonar, verk-
fræðings, og Páls Theódórsson-
ar, eðlisfræðings. Samræður
þeirra voru óvenjulega þægileg-
ar og skemmtilegar og allar
upplýsingar þeirra eins og bezt
varð á kosið.
Með þökk fyrir birtinguna.
Sveinn.
Það geta víst allir tekið undir
þetta, því að frammistaða þeirra
félaga var með afbrigðum góð
og átti sinn þátt í því, að þessi
stórkostlegi atburður verður öll-
um ógleymanlegur.
norski hvíldarstóllinn. —
Framleiddur á Islandi með
einkaleyfi. — Þægilegur
hvíldar- og sjónvarpsstóll. —
Mjög hentugur til tækifær-
isgjafa. — Spyrjið um VIPP
stól í næstu húsgagnaverzlun.
— Umboðsmenn um allt
land.
VIPP STÓLL Á HVERT
HEIMILI.
FRAMLEEÐANDI: ÚLFAR GUÐJÓNSSON HF. - AUÐBREKKU 63 - KÓPAVOGI - SÍMI 41690
6 VIKAN 33-tbl-