Vikan - 11.09.1969, Blaðsíða 46

Pucci vill hafa brúðarkjóla litskrúðuga, hann segir að brúðkaup
séu hátíð gleðinnar.
Þingmaðurinn Emilio Pucci.
37. tbl.
NÚ KLÆÐIR
HANN FÓLKIÐ
í FRÉTTUNUM
Emilio Pucci er markgreifi, sérfræSingur í kven-
fatnaði og stjórnmálum. - Þrjá daga í viku
teiknar hann og framleiðir fatnað handa feg-
urstu og bezt klæddu konum heims, -hina þrjá
dagan situr hann á þinginu í Rómaborg.....................
Hann er hávaxinn, grannur og fuglslegur í framan, og
hreyfir sig eins og ballettdansari. Maður gæti haldið að hann
væri af rússnesku bergi brotinn, enda er það ekki fjarri
sanni, því ef farið er að athuga ættartölu hans, þá voru
amma hans og langamma rússneskar að ætt, langamma syst-
kinabarn við Katrínu miklu, en amman í ætt við Pétur mikla.
Pucci ættin er ein af elztu og göfugustu ættum í Flórens,
þar er jafnvel ein gata sem heitir eftir þeim. Via dei Pucci,
og Iiggur bak við dómkirkjuna. Þar stendur hin geysimikla
höll ættarinnar, sem byrjað var að byggja fyrir 1000 árum.
Margir frægir arkitektar og listamenn lögðu þar hönd að.
Meðal þeirra var Brunelleschi, frumherji flórentisku meist-
aranna, sem settu sinn svip á borgina við Arno. Hann bjó
sér verðugt minnismerki með kúplinum yfir Santa Maria
del Fiore kirkjunni.
Meðlimir Pucci fjölskyldunnar, sem hafa setið fyrir meist-
urum eins og Botticelli, Leonardo da Vinci og Rafael, myndu
eflaust lyfta brúnum, ef þer gætu fylgzt með þessum nútíma
ættingja þeirra, sem vinnur 19—20 klukkutíma á sólarhring,
teiknar tízkufatnað, og fer í kosningaleiðangra, með mikilli
gleði.
Emilio Pucci er eini íhaldsmaðurinn í sínu kjördæmi, hann
er einn mesti mótstöðumaður kommúnista í Toskana, og
ckur um kjördæmið í opnum bíl, á ameríska vísu, með glæsi-
legri konu sinni, sem heitir Christina og er þrjátíu árum
yngri en hann. Það er táknrænt fyrir Pucci, segja kjósendur
hans brosandi, að hann i'ór um héraðið og dreyfði ávísunum
til héraðsbúa, sem urðu harðast úti í flóðunum miklu í
nóvember árið 1960, þótt hann hefði sjálfur orðið fyrir
miklu tjóni, sem var metið á 550 milljón lírur, misst þar á
meðal 200.000 metra af dýrmætum vefnaði.
I þinginu, þar sem Pucci situr ennþá, eftir síðustu kosn-
mgar stingur þessi ílorentinski markgreifi nokkuð í stúf við
hina þingmennina, sem yfirleitt eru ldæddir svörtum ullar-
fatnaði. Hann gengur alltaf í glæsilegum shantungfötum,
sem hann hefir teiknað og framleitt sjálfur. Þegar hann
Framhald á bls. 43