Vikan - 11.06.1970, Blaðsíða 4

Oft er lötum illt í fœti, þá eitt-
hvað þarf að fara.
Islenzkur málsháttur.
• fólk í fréttunum
Kímni í frásagnarmáta einkenndi ekki
sögur Hemmingways, en kátur gat hann
nú samt verið á stundum. Langt er síðan
tekið var að safna í Bandaríkjunum kát-
legum og skrítnum athugasemdum, sem
hann hafði sagt á glaðri Stundu.
Hér á eftir fer ein slík — um fisk og
skáldskap:
— Allir rithöfundar ættu að borða mik-
inn fisk, því að trosið inniheldur fosfór
og hefur hressileg áhrif á heilasellurnar.
Nokkrum rithöfundum nægir að sjálf-
sögðu að snæða sardínur, en aðrir verða að gleypa í sig heilan hval!
í FORSETATÍÐ John F. Kennedys tóku gestir Hvíta hússins eftir
því, að forsetinn var farinn að reykja risastóra vindla, einkum
stærstu gerðina af Corona. Kunningi Kennedys var mjög forvitinn
að fá að vita, hvers vegna hann reykti slíka vindla. Forsetinn svar-
aði: Það stendur þannig á því, að ég hef komizt að raun um, að
þessir vindlar endast nákvæmlega jafn lengi og venjulegur ráðu-.
neytisfundur.
Randolph Churchill, hinn kunni brezki
blaðamaður, sem er eins og kunnugt er
sonur hins fræga sir Winstons Churchill,
lét eitt sinn orð falla um Fleet Street.
Blaðamannastéttin fékk margar sneiðar,
en þó mun þessi vera verst:
— Faðir minn sagði eitt sinn við mig:
Þú skalt standa upp og segja þína skoð-
un hreinskilnislega — en annars halda
kjafti. Þessu boðorði hef ég síðan fylgt,
og ég vildi óska, að blöðin í Fleet Street
gerðu slíkt hið sama.
REMARQUE, höfundur sögunnar „Tíðindalaust á vesturvígstöðv-
unum“, spjallaði eitt sinn við bandaríska stúlku. Sú bandaríska,
sem talaði þýzku mætavel, spurði rithöfundinn, hvers vegna hann
hefði aldrei heimsótt Bandaríkin. Remarque svaraði því til, að
hann kynni aðeins nokkrar setningar í ensku.
Hvaða setningar eru það? spurði stúlkan.
Remarque þuldi þá upp á sinni bjöguðu ensku:
— - How do you do? I love you.
Forgive me. Forget me. Ham and
eggs, please.
— Hamingjan góða, hrópaði
stúlkan. — Með þennan orða-
forða gætuð þér ferðazt um
Bandaríkin þver og endilöng.
• Vandi sérhvers ritstjóra er
að fá upplag blaðs síns til að
vaxa — án þess að verða æru
laus maður.
Thompson.
Lífið er eins og að leika á
fiðlu fyrir troðfullum sal
áheyrenda — á meðan
maður er enn að læra grip-
in.
Hún var hálfan sólarhring í samkvæmi
Það er ýmislegt hvíslað um
Margréti prinsessu Breta. Hún
afþakkar sjaldan samkvæmi eða
hressandi ölkrús. Nú hefir hún
hneykslað Breta einu sinni enn-
þá. Fyrir nokkru fór hún í sam-
kvæmi á landsetri, rétt fyrir ut-
an London. Klukkan sex um
morguninn fóru flestir gestirnir
heim til sín, en Margaret prins-
essa og sjónvarpsfréttamaðurinn
Derek Hart, voru kyrr. Þau gistu
• Þegar enski flotaforinginn,
Boddam Whetnam fór burt frá
Kína fyrir alllöngu, en þar hafði
hann aðsetur í mörg ár, var hon-
um boðið í kveðjuhóf. í veizl-
unni afhenti hann sérhverjum
gesti bók, sem hét „Það sem ég
veit um Kína“. Bókin var aðeins
nokkrar blaðsíður - allar auðar
og óskrifaðar.
og fóru ekki heim til sín fyrr en
eftir hádegi, þá ók Derek bíl
prinsessunnar ....
Hvað kom til? spurðu blöðin,
þegar þetta fréttist. Það sama
hugsaði eiginmaður prinsessunn-
ar, Snowdon lávarður, sem var á
ferð í viðskiptaerindum í New
York, þar sem hann las þessa
frétt, og Elisabeth drottning, sem
var á ferð í Astralíu.
Sá sem hélt þetta umtalaða
samkvæmi, var góður vinur
prinsessunnar, Johnny Dank-
worth. Meðal gestanna voru iíka
Mia Farrow og André Previn,
sem nýlega voru búin að eignast
tvíbura, en þau eru ekki gift
ennþá.
Þegar Derek Hart, sem er fer-
tugur, aðlaðandi náungi, heyrði
að fólk var að fárast yfir þessu,
yppti hann öxlum og hló. Hann
— og Margrét! Hann hafði ekki
heyrt neitt svo fyndið!
Kemur í skólann á þyrlu
Kicki Lindholm býr á af-
skekktri eyju í Svíþjóð, Gallnö,
og það er engan veginn auðvelt
fyrir hana að ganga í skóla. Næsti
skóli er í 40 kílómetra fjarlægð
og þarf að fara yfir gríðarstórt
vatn. Hún hefur oft átt í mestu
brösum með að komast í skólann,
sérstaklega á veturna.
En vandamálið leystist, þegar
pósturinn á eynni fékk sér þyrlu.
Nú flýgur hann með Kicki litlu
á hverjum mánudagsmorgni.
Eyjaskeggjar hafa heldur betur
tekið tæknina í sína þjónustu.
Faðir Kicki á til dæmis vélknúna
snjóþotu, og bíður eftir Kicki
sinni á hverjum laugardegi, og
ekur henni heim á snjóþotunni
um leið og hún stígur út úr
þyrlu póstsins.
' ☆
4 VIKAN 24- tbl-