Vikan - 25.06.1970, Blaðsíða 5

Krakkar í Maxi
Kj-akkarnir vilja líkjast sem
mest fullorðna fólkinu, og þar
af leiðandi vilja þau líka klæð-
ast eins og það. Nú er maxi-tízk-
an í algleymingi, og á tízkusýn-
ingu í London í sumar voru sýnd
barnaföt í maxi-stíl — bæði fyrir
stráka og stelpur. Árangurinn lét
ekki á sér standa. Mikil eftir-
spurn hefur verið eftir tízkuföt-
um á börn og hefst ekki undan
að framleiða þau. Á meðfylgjandi
mynd sjáum við strák og stelpu
af áðurnefndri tízkusýningu. Þau
eru bæði í midi-frökkum og
strákurinn er með húfu og í víð-
um sjóliðabuxum og kunna held-
ur en ekki vel við sig, eins og
myndin sýnir.
☆
Bandarísk
hernaðarleyndarmál
Þrjú mestu hernaðarleyndar-
mál Bandaríkjanna eru SIOP
(Single Intergrated Operation
Plan), sem er nokkurskonar
kennslubók i kjarnorkuhernaði,,
NSTL (National Strategic Target
List), sem er skrá yfir skotmörk
víðsvegar um heiminn, er fyrst
yrðu fyrir kjarnorkuárásum ef
til þess kæmi og NMCA (Nation-
al Military Command Authori-
ties), sem er nákvæm verka-
skipting þeirra sem ráða yfir líf-
um okkar og limum komi til
kjarnorkustríðs. Til að skýra það
enn nánar eru það nöfn þeirra
manna sem koma til með að ýta
á hnappana sem eiga að drepa
okkur. Þegar svona er komið
megum við fara að biðja fyrir
okkur — því enginn þarf að láta
sér detta í hug að slík „leyndar-
mál“ séu ekki til hinum megin
við járntjaldið líka.
☆
• visur vikunnar
Nú strýkur fjöllin fimur sumarblær
og fer um landið eftir sínum vilja
en lindin kveður létt og silfurtær
ljóð, sem ferðamönnum ber að skilja.
Á athöfnum þótt oft hér verði bið
og ónýt brú á mörgum læk og feni
þá keppast skrýtnir kallar ennþá við
og klæða landið ösp og zitkagreni.
En þó að ríkið reki kannski í strand
er ræktuð jörð og leitað fast á sæinn
og okkur ber að elska þetta land
ofurheitt á þjóðhátíðardaginn.
Nixon og stúdentarnir
Án þess að gefa út nokkra op-
inbera tilkynningu, skipaði Nix-
on Bandaríkjaforseti nýlega 8
manna nefnd, sem átti því hlut-
verki að gegna að finna út af-
stöðu bandarískra háskólastúd-
enta til stjórnarinnar, eftir inn-
rásina í Kambódíu og morðin við
Kent-háskólann í Ohio. Niður-
staðan var langt í frá að vera
uppörvandi:
„Fullkomið vantraust á stjórn-
ina meðal ungs fólks, og er ekki
hægt að gera nokkurn mun á því
á meðal þeirra sem studdu Nixon
á meðan á kosningabaráttu hans
stóð og þeirra sem voru í and-
stöðu við hann ...“ eftir því sem
starfsmaður Hvíta hússins sagði
við fréttamenn.
Wilson-pípan vann
Árlega er haldin í London sér-
kennileg samkeppni, þar sem
valinn er pípureykingamaður
ársins. Um það leyti sem hún átti
að fara fram í ár, datt eiganda
hótelsins „Star and Garter" í
Brighton í hug að hafa sína eig-
in pípukeppni meðal hótelgesta
sinna. Hann hafði veitt því eftir-
tekt, að óvenju mikið af pípu-
reykingamönnum gistu hótelið
um þetta leyti og fannst því
tækifærið kjörið. Hann hét góð-
um verðlaunum, sem voru í því
fólgin, að vinningshafinn mátti
drekka sér að kostnaðarlausu
eins mikinn bjór og hann gat í
einn dag. Gestirnir tóku þessari
tilbreytingu feginshendi, og brátt
voru veitingasalirnir mettaðir
reyk úr fjölbreytilegu safni af
pípum. Dómnefndin veitti „Wil-
son-pípunni“ fyrstu verðlaun, en
hún var þannig útbúin, að teikn-
ing af Wilson forsætisráðherra
var límd fremst á pípuhaus og í
munni forsætisráðherrans var of-
urlítil pípa. Það reyndist vera
leikarinn David Paynes, sem átti
verðlaunapípuna.
☆
26. tbi. VIKAN 5