Vikan - 15.10.1970, Síða 3

42. tölublað - 15. október 1970 - 32. árgangur
VIKAN
í ÞESSARI VIKU
Hið unga knattspyrnulið frá Akranesi fór ekki
vel af stað, þegar íslandsmótið hófst
s.l. vor. Lengi vel var liðið neðst, en svo fór
að lokum, að það bar sigur úr býtum og
hlaut hinn eftirsótta íslandsmeistaratitil i
knattspyrnu. í þessu blaði kynnum
við Akranesliðið með því að birta mynd af
hverjum liðsmanni og auk þess spjall um
hina ýmsu leiki liðsins í mótinu. Við birtum
einnig forsíðumynd í litum af hinu vinsæla
Akranesliði.
Ný framhaldssaga hefst í þessu blaði og
nefnist hún Þar til augu þín opnast. Hún segir
frá ungri, brezkri stúlku, sem kemur ein
til San Francisco og ætlar sér að freista gæf-
unnar í Ameríku. Hún er ekki fyrr stigin
út úr flugvélinni en hún lendir i ótal ævin-
týrum. Þetta er nútímasaga um ungt fólk
í stórborg, og hún er spennandi frá upphafi
til enda.
í næstsíðasta blaði heimsótti VIKAN sjónvarps
þulinn Sólveigu Thorarensen, en nú er
röðin komin að Bryndísi Schram. Hún er
reyndar að hætta starfi sinu í bili og flytjast
til Isafjarðar, en maður hennar, Jón B.
Hannibalsson, er skólastjóri hins nýskipaða
menntaskóla þar.
í NÆSTU VIKU
Norðmaðurinn Roald Amundsen er einn mesti
landkönnuður, sem uppi hefur verið. Hann
var ramur að afli og gæddur
óvenjulegu þreki, bæði til sálar og líkama.
Eins og kunnugt er komst hann fyrstur
til suðurpólsins, en nánar verður sagt frá
afrekum hans í næstu Viku.
Loftur Guðmundsson rithöfundur hef>|r tekið
saman skemmtilega grein um þennan
mikla afreksmann.
Allir vilja vita eitthvað um framtíðina,
þótt vissulega væri lítið spennandi að lifa, ef
maður vissi nákvæmlega hvað
gerðist. í næsta blaði birtir VIKAN ítarlega
kennslu í lófalestri, svo að hver og einn
geti iðkað þessa spádómslist, sem tíðkast
hefur frá aldaöðli.
Sumar hvert, þegar menn aka út á land
í bifreiðum sínum sér til skemmtunar,
beinist athyglin að hinum slæmu vegum
okkar. Auðvitað kysu allir, að fá
steypta og góða vegi um land allt og það sem
allra fyrst. Sverrir Runólfsson hefur ýmsar
hugmyndir í þessu sambandi og segir
frá þeim í viðtali við Vikuna, sem
birtist í næsta blaði.
FORSÍÐAN Akurnesingar urðu íslandsmeistarar í knattspyrnu í ár. Sjá kynningu
á einstökum liðsmönnum og sitthvað fleira um Akranes og íslandsmótið á bls. 12—15.
(Ljósm. Egill Sigurðsson).
í FULLRI ALVÖRU
ÁHRIFARÍK FANGAHJÁLP
Alkunna er, hversu afbrotamönnum hættir til
að lenda á sömu glapstigunum aftur, jafnskjótt
og þeir hafa afplánað fangelsisdóm og öðlazt
frelsi. Þjóðfélagið tekur ekki fyrrverandi afbrota-
mönnum opnum örmum, svo að þeim gefast oft
lítil tækifæri til að hefja nýtt og betra líf, þótt
þeir hafi strengt þess heit í betrunarvistinni.
Raunar eru í flestum löndum starfandi stofnanir,
sem hafa það að markmiði að reyna að greiða
götu fyrrverandi fanga og hjálpa þeim að gerast
aftur nýtir þjóðfélagsþegnar. Hér á landi eru
til dæmis tvær slíkar stofnanir, Fangahjálpin og
Vernd, sem hafa unnið hið ágætasta starf, innan
þeirra marka, sem þau hafa sett sér.
En nú hefur mjög rutt sér til rúms erlendis
undanfarin ár ný aðferð við fangahjálp, sem
borið hefur ríkulegan ávöxt. Aðferð þessi er
fólgin í því, að komið er á fót umfangsmiklu
kerfi sjálfboðaliða, sem hver um sig tekur að
sér einn fanga. Hjálpin byrjar ekki eftir að fang-
inn er sloppinn úr fangelsinu, heldur strax með-
an hann dvelst þar. Sjálfboðaliðinn heimsækir
þann fanga, sem honum hefur verið falið að
annast, þegar skömmu eftir að hann hefur verið
lokaður á bak við lás og slá, og hefur síðan
stöðugt samband við hann, þar til hann öðlast
frelsi á ný. Reynt er að vanda sem allrabezt val
sjálfboðaliðans og sótzt eftir að fá til að gegna
þessu vandasama starfi menn, sem mega sín
nokkurs í þjóðfélaginu, til dæmis atvinnurek-
endur eða áhrifamenn á einhverju sviði. Slíkir
menn hafa aðstöðu til að hjálpa afbrotamönn-
um, og þess eru mörg dæmi, að það hafi tekizt
giftusamlega.
Þessi nýja aðferð á rætur sínar að rekja til
Hollands, og hefur borið slíkan árangur þar, að
90% af fyrrverandi afbrotamönnum lenda ekki
í kasti við lögregluna á nýjan leik. Ungur banda-
rískur klerkur, Simmons að nafni, kynntist þess-
ari óvenjulegu fangahjálp Hollendinga og varð
svo hrifinn af henni, að hann ákvað að koma
á fót slíkri starfsemi í heimalandi sínu, en í
Bandaríkjunum er helmingur afbrotamanna tal-
inn óforbetranlegur. Hann lét ekki sitja við orðin
tóm, heldur hófst þegar handa og hefur nú kom-
ið upp öflugum hópi sjálfboðaliða.
Þessi nýja og árangursríka fangahjálp er vissu-
lega athyglisverð. Hjálparstofnanir eru góðra
gjalda verðar, en ná miklu skemmra en aðstoð
hins almenna borgara, sem af fúsum vilja tekst
á herðar að hjálpa vegvilltum samborgara sin-
um og vísa honum rétta leið. G.Gr.
VIIVMI'I Útgefandi: Hilmir hf. Ritstjóri: Gylfi
Gröndal. Blaöamenn: Dagur Þorleifsson, Matthildur
Edwald og Ómar Valdimarsson. Útlitsteikning: Hall-
dóra Halldórsdóttir. Auglýsingastjórar: Sigríður
Þorvaldsdóttir og Sigríður Ólafsdóttir. — Ritstjórn,
auglýsingar, afgreiðsla og dreifing: Skipholti 33.
Símar: 35320 — 35323. Pósthólf 533. Verð i lausa-
sölu kr. 60,00. Áskriftarverð er 575 kr. fyrir 13 tölu-
blöð ársfjórðungslega, 1100 kr. fyrir 26 blöð miss-
erislega. Áskriftargjaldið greiðist fyrirfram. Gjald-
dagar eru: nóvember, febrúar, mai og ágúst.
42. tbl.
VIKAN 3