Vikan - 30.09.1971, Blaðsíða 48

Nlðan
Siðast
350 milljónir fyrir
eitt málverk
Meistaraverk Tizians, „Dauði
Aktaeons", var nýlega selt á
uppboði hjá Christie’s í London,
eins og menn rekur vafalaust
minni til. Verðið voru litlar
350 milljónir íslenzkra króna og
er það hæsta verð sem hingað
til hefur verið greitt fyrir lista-
verk. Sá sem keypti var kunn-
ur, bandarískur listaverkasali,
Julius H. Weitzner, og keypti
hann í umboði einhvers annars,
sem hann neitaði að tilnefna.
Sagði Júlíus að hann hefði ver-
ið mikinn heppinn þarna, því
þetta vaeri gjafvérð. Helmingi
meira hefði verið sanngjarnt.

TattóveraS kvenfólk
Hingað til hafa það aðallega
verið sjómenn sem hafa látið
tattóvera sig og flestir þeirra
haaf vaknað „morguninn eftir“
með mynd af skútu eða kær-
ustunni sinni. Nú hefur nýtt
æði gripið um sig í Kaliforníu
í Bandaríkjunum: Þúsundir
stúlkna hafa látið tattóvera sig
þar á síðustu mánuðum og flest-
ar velja til þess rassinn, neðan-
verðan kviðinn, brjóstin eða
annan álíka stað.
Stór hluti þessara kvenna eru
meðlimir í félögum og starfs-
hópum sem berjast fyrir aukn-
um rétti kvenna til jafns á við
karlmenn. En svo kom fram á
sjónarsviðið doktor Walter
Bromberg, sem lengi hefur
rannsakað ástæðurnar fyrir
tattóveringu, og sló hann fram
kenningu sem setti margar kon-
ur í feykilegt óstuð: „Konur,“
segir hann, „láta tattóvera sig
vegna þess sama og þær hugsa
mikið um föt og smyrja á sig
allskonar kremum og áburðum.
Til að þóknast karlmanninum!“
Júmbó hefur
gleypt
12 milljónir
manns
Kunningi okkar einn vestan-
hafs flaug nýlega með Boeing
747, eða Júmbó eins og risaþot-
an hefur verið kölluð. Sagðist
hann aldrei hafa lent í öðrum
eins lúxus — en jafnframt tók
hann stíft fram, að heldur synti
hann yfir Atlantshafið en að
fara aftur um borð í „skrímsl-
ið“, eins og hann orðaði það.
Maskína þessi tekur rúmlega
400 manns í sæti og þykir sjálf-
sagt flestum nóg um. Þykir
mönnum vélar þessar í hæsta
máta ópersónulegar þrátt fyrir
öll þægindin, og nægir í því
sambandi að benda á ummæli
kunningja okkar.
20 mánuðir eru nú síðan Bo-
eing 747 voru teknar í notkun,
og á þeim tíma hafa hvorki
meira né minna en 12 milljónir
manna ferðast með þeim. 25
stór flugfélög hafa þotuna í
notkun í dag og ennþá hefur
ekkert stórvægilegt komið fyr-
ir. Stærsta óhappið henti við
San Francisco (sjá mynd), þeg-
ar „Júmbó“ með 212 farþega
innanborðs , hlekktist á í flug-
taki. 15 farþegar meiddust en
annars skeði ekkert frásagnar-
vert. 48 sinnum á dag fer Júmbó
yfir Atlantshafið og 50 sinnum
yfir Kyrrahafið. Og svo er auð-
vitað áfært til Vestmannaeyja
í dag eins og venjulega.
48 VIKAN 39. TBL