Vikan - 15.06.1972, Blaðsíða 6
KYNVILLTUR PRESTUR
Nýlega var ákveðið af prestum United
Churches of Christ í San Francisco,
að ungur prestur skyldi fá vígslu,
þrátt fyrir ýmis mótmæli. Mótmælin
stöfuðu af því, að presturinn, hinn 25
ára gamli William Johnson, var kyn-
villtur og hafði marglýst því yfir op-
inberlega. Hvað þótti honum sjálfum
um kynvillu sína? var hann spurður.
„Ég lít á allt kynlíf sem gjöf frá Guði,“
svaraði hann. „Góða gjöf.“ Johnson
sagði ennfremur, er hann var spurður
hvort hann myndi hafa slæm áhrif á
börnin í söfnuðinum, að útbreidd
væri sú skoðun að kynvillingar leituðu
á börn, en sú skoðun væri skiljanleg
— þó svo að hún væri röng — því 98%
alls fólks væri ekki kynvillt.
Að lokum var Johnson spurður
hvort hann gæti orðið góður prestur
án þess að eiga eiginkonu. „Ég tel mig
ekki þurfa eiginkonu við,“ svaraði
hann. „Aftur á móti vonast ég til að
einhverntíma megi ég njóta náins
ástasambands við annan mann.“
Móðir Johnsons hafði skrifað prest-
unum er tóku ákvörðunina og sagði
þar: „Það er ekki auðvelt að viður-
kenna að sonur manns sé kynvillingur,
en það er miklu betra en að láta hann
ljúga að sér. Ef til vill vinnur Guð í
gegnum hann og ætlast til að allir
verði teknir inn í kirkju hans.“
Klerkarnir voru greinilega sammála,
því ákveðið var að veita honum
vígslu í júní og fóru atkvæði þannig,
að með voru 62 og á móti 34.
MARGRET
HIN LOKKAPRQÐA
Því miður höfum við ekki í augna-
blikinu á reiðum höndum kjaftasögu
um yfirvofandi skilnað Margrétar
prinsessu og Snowdons lávarðar, en
þessi mynd af Margréti var tekin ný-
lega við frumsýningu í leikhúsi í Lon-
don. Greiðslan vakti mikla athygli, en
haft var fyrir satt, að Tony hafi horft
meira á aðrar konur en sína eigin.
LIV ULLMAN
VONAÐIST EFTIR OSCAR
Þegar Óskarsverðlaununum var út-
deilt ekki alls fyrir löngu í Hollywood
gerðu Svíar sér vonir um að kvik-
mynd þeirra, Utvandrarna och Ny~
byggarna með Liv Ullman í aðal-
hlutverki, fengi Óskarsverðlaun. Af
því varð því miður ekki, en í sænsku
blaði birtust nýlega þessar myndir af
Liv við athöfnina. Það er bandaríski
leikarinn George Kennedy (var m.a. í
Cool Hand Luke) sem talar þarna við
Liv. Með Kennedy er kona hans og
með Liv er kunningi hennar í Banda-
ríkjunum, Dick Donnor að nafni.
SÍÐAN SÍÐAST
KARL PRINS ER ENN
SAGÐUR í HJÓNABANDS-
HUGLEIÐINGUM
í þetta skipti er það sögð vera Georgi-
ana Russell, 24 ára gömul dóttir brezka
ambassadorsins á Spáni, Johns Russell
lávarðar og konu hans, lafði Russell,
sem er af grískum uppruna og í eina
tíð fegurðardrottning Grikklands. Eins
og sjá má af meðfylgjandi mynd af
Georgiönu, þá gefur hún móður sinni
lítið eftir hvað yndisþokka snertir, en
hún er blaðakona hjá Vogue. Sagan um
samband hennar og Karls prins af
Wales komst á kreik þegar hann bauð
henni með sér á póló-leik — og keyrði
hana síðan heim til sín, ekki hennar.
Farartækið var nýi bíllinn prinsins,
blár Aston Martin blæjubíll. Fylgdi
sögunni að þau hefðu skemmt sér hið
bezta saman, rætt um heima og geima.
Ætti Georgiönu að vera það leikur
einn, því hún talar reiprennandi, auk
enskunnar, frönsku, ítölsku, þýzku,
rússnesku, portúgölsku og grísku.
10 ARA bítlabroðkaup
Rólegasti Bítillinn er tvímælalaust
Ringo Starr. Nú er hann 31 árs gamall
og hefur verið giftur konu sinni, Mau-
reen Cox, í næstum 10 ár — reyndar
mun það víst ekki ske fyrr en þjóð-
hátíðarárið 1974. Meðfylgjandi mynd
af þeim hjónum, Ringo og Maureen,
var tekin er þau komu til frumsýn-
ingar myndar Romans Polanski um
Macbeth, en það var Playboy sem
kostaði gerð myndarinnar, og hafa
verið nefndar ógnvekjandi tölur í því
sambandi Þau Ringo og Maureen eiga
þrjá syni saman.