Vikan - 09.11.1972, Qupperneq 6

SÍÐAN SÍÐAST
Rústir í Bangkok eftir „tómt gashylki",
sem þegar til kom reyndist virk raketta frá
bandaríska flughernum.
GASFLASKAN SEM
REYNDIST ELDFLAUG
Fjórar íbúðir skemmdust verulega,
húsgögn eyðilögðust og nokkrar mann-
eskjur meiddust er hlutur, sem álitin
hafði verið tómt gashylki, vaknaði
skyndilega til lífsins í einni útborg
Bangkok, höfuðborgar Taílands. Log-
smiður nokkur hafði keypt hlutinn,
sem var yfir tveggja metra langur og
yfir tuttugu og fimm sentimetra þykk-
ur, sem brotajárn, og notað stykkið til
að stilla upp á það hlutum, sem hann
var að sjóða saman. Og við hitann frá
logsuðunni vaknaði ,,gashylkið“ skyndi-
lega af blundi.
Það hófst á loft titrandi og stóð
framan úr því eldslogi, þeytti dauð-
skelkuðum logsmiðnum til hliðar og
stakk sér með braki og brestum út um
múrvegg verkstæðisins. En það var
ekki nema byrjunin; áfram hélt flaug-
in og breytti oft um stefnu. Fyrst tók
hún strikið beint á hús manns að nafni
Samran Kitsjbúnsjú. Dóttir hans, Ladda
að nafni og tuttugu og fjögurra ára
gömul, var að taka hlífina ofan af
saumavél, enda klæðskeri að iðn. f
þeirri svipan kom flaugin ýlfrandi inn
i gegnum húsvegginn, rak trýnið í
saumavélina og braut hana í smámola.
Stúlkan, sem var nær dauða en lífi af
hræðslu, slapp að öðru leyti með
brunasár á hægri handlegg. Bræður
hennar tveir, sem einnig voru inni
staddir, urðu fyrir smávegis meiðslum.
Og áfram hélt flaugin út um annan
vegg.
Ekki hafði þessi heimsókn dregið
neitt úr krafti flaugarinnar og rudd-
ist hún umsvifalaust inn um vegg á
næsta húsi. Þar skellti hún sér niður
í rúmstæði, splundraði þvi, gerbreytti
síðan um stefnu og þaut upp um þak-
ið. Komst hún í hundrað metra hæð,
stakk sér síðan niður í gegnum þakið
á timburverzlun einni og olli þar mikl-
um spjöllum. Og enn var móðurinn
hvergi nærri runninn af flauginni; hún
þaut næst inn um glugga hjá fjöl-
skyldu að nafni Tíensakmontri, olli
brunasárum á fótum dótturinnar í
húsinu og kveikti í því, en sem betur
fór tókst fjölskyldunni fljótlega að
slökkva eldinn. Þar gerði flaugin stutt-
an stanz, en þaut því næst inn í veit-
ingahús skammt frá, felldi undan því
þann vegginn er fyrir henni varð og
splundraði þremur kössum af límon-
aði. Á leið sinni út úr þessu húsnæði
kom flaugin við í eldhúsinu og stór-
skaði dreng, er þar var staddur.
Nú var flaugin loks tekin að mæð-
ast, og þegar hún næst stímaði á síma-
staur, varð það viðnám henni ofurefli
og hún skall loksins til jarðar. Rann-
sókn leiddi í ljós að þessi háskagripur,
sem álitinn hafði verið tómt gashylki,
var reyndar eldflaug komin frá banda-
ríska flughernum. Brotajárnssali nokk-
ur hafði komizt yfir hana í norðaust-
urhluta Taílands og var eins og aðrir
grunlaus um hvað hann hafði fengið
milli handa.
JELENA KRÚSÉF,
dóttir Nikita sáluga Krúséfs, er ný-
lega látin í Moskvu. Hún var þrjátiu
og tveggja ára, þegar hún lézt úr
krabbameini í höfði. Hún var oft á ferð
með föður sínum, meðan hann var
þjóðarleiðtogi, bæði utanlands og inn-
an. Sovézku blöðin gátu þess lauslega,
þegar faðir hennar dó, en ekkert var
minnzt á lát hennar í blöðunum.
FLEIRI LEIÐIR EN EIN
TIL FJÁR
Eins og kunnugt er eignaðist Cathe-
rine Deneuve nýlega barn með Mar-
cello Mastrioanni og áður en barnið
fæddist var það búið að harka inn heil-
mikið fé fyrir móður sína. Þannig er
mál með vexti að Mastrioanni, sem er
orðinn 47 ára, er kaþólskur og hefur
þess vegna ekki fengið skilnað frá konu
sinni, sem hann hefur verið kvæntur
í 25 ár. Allir vita að hann hefur ekki
verið við eina fjöl felldur, en þegar
hann tók saman við Catherine, varð
það svolítið með öðru móti. Catherine
varð nefnilega barnshafandi. Og þegar
blöðin fóru að segja frá þessu, fór Cath-
erine að hugleiða lögin um vernd einka-
lífsins. Hún stefndi því blöðum og
tímaritum og krafðist mikilla skaða-
bóta.