Vikan - 05.01.1978, Qupperneq 44
mEJT um FÓLK
Lítill tími fyrir
uppfinningar
Þegar rafmagsknúni bíllinn
RAFSI var sýndur snemma á
árinu 1977, vakti hann mikla
athygli. Hönnuðurinn heitir
Steinn Sigurðsson, skrifvélavirki
að mennt, en starfar nú sem
sölumaður hjá Mazda umboð-
inu. Hann er 33 ára gamall Við
spurðum hann, hvernig RAFSA
liði.
— Hann er í góðu lagi, takk fyrir,
en ég hef lítinn tíma til að sinna
honum, bar sem ég er að byggja
núria og hef þar af leiðandi um
meira en nóg að hugsa í bili.
— Ætlarðu samt ekki að huga
meira að þessum málum?
— Það vantar ekki áhugann, og
ég vonast til að hafa betri
aðstöðu til að spekúlera eftir að
ég hef lokið við húsið. Það hefur
ýmsilegt verið að brjótast um í
kollinum á mér.
— Hefur nokkur erlendis sýnt
bílnum áhuga?
— Það kom hingað nýlega
Bandaríkjamaður frá blaðinu,
sem veitti bílnum verðlaun, og
hann myndaði bílinn í bak og
fyrir og skoðaði hann rækilega.
Ég býst við að blaðið ætli að fjalla
meir um bílinn, og þá kann
eitthvað meira að gerast.
— Hvenær kemur tími raf-
magnsbílsins?
— Það byggist allt á því, hvenær
hentugri rafgeymar sjá dagsins
Ijós. Það liggur í loftinu, að
eitthvað byltingarkennt sé fram-
undan á því sviði og því fyrr,sem
það verður, því betra, þar sem
bensín og olíur eiga sennilega
eftir að stíga mikið í verði.
Skákin, námið og
píanóið
Jón L. Árnason
vann það afrek á liðnu ári að
verða heimsmeistari unglinga í
skák undir 17 áta aldri. Þegar
þetta blað kemur út, verður
hann að keppa á Evrópu-
meistaramóti unglinga undir tví-
tugu, og næst tekur hann þátt í
Reykjavíkurmótinu, sem verður
haldið á Loftleiðahótelinu í
febrúar.
i samtali við Vikuna sagði Jón,
að hann vissi ekki enn um fleiri
mót, sem hann myndi taka þátt í
á næsta ári, en hann þarf að
sinna náminu og píanóleiknum
eftir sem áður. Tíminn, sem fer
til skákiðkana, er því breytilegur.
Jón bjóst við að taka sér frí frá
námi í nokkrar vikur í vetur,
meðan á þeim tveimur mótum
stendur, sem getið er um hér að
framan. Hann hefur valið sér
náttúrufræðisvið í MH og getur,
vegna annafyrirkomulagsins,
tekið námlð í skorpum, en hann
bjóst við að tefjast kannski um
hálft ár að taka stúdentspróf
vegna skákiðkana.
Á þrjú ieikrit í
fu/ium gangi
Kjartan Ragnarsson,
Ieikari og leikritahöfundur,
fagnaði góðu gengi á árinu sem
var að líða. Um miðjan apríl var
frumsýnt leikrit hans, Blessað
barnalán, og í septemberlok var
frumsýnt leikritið Týnda teskeið-
in. Hér er ekki allt upp talið því
Saumastofan var allt árið sýnd
fyrir fullu húsi, og ennþá er ekkert
lát á aðsókninni, framundan var
175. sýning þegar þetta er skrifað.
Aðeins þrjú leikrit hafa verið sýnd
oftar, þ.e. Kristnihaldið 178
sinnum, Hartíbak210sinnumog
Fló á skinni 250 sinnum.
Við spurðum Kjartan hvort hann
hefði unnið að öllum þessum
leikritum í einu.
— Það er nokkuð um liðið síðan
hugmyndir að þessum leikritum
fæddust. Svo kom að því að ég
áræddi að skrifa Saumastofuna í
góðri samvinnu við hóp leikara.
Þegarhennivarsíðan vel tekið, þá
hafði ég kjark til að byrja á Týndu
teskeiðinni, sem ég byrjaði á um
áramótin '75-'76, og ég lauk viðað
skrifa leikritið á tveimur mánuð-
um. Þegar kom að sumarfríinu
ákvað ég að leggja til atlögu við
Blessað barnalán, en ég tel að
ærslaleikur af þessu tagi sé
tæknilega eitt erfiðasta leikrita-
formið. Ég umbreytti því fyrir
frumsýningu og ég hélt áfram að
umbreyta því eftir að við fórum að
sýna það í Austurbæjarbíó. Þessi
þrjú leikrit eru semsagt öll í fullum
gangi og alltaf uppselt, svo ég
þarf ekki að kvarta.
Nú er ég að glíma við enn eitt
leikrit, sem verður ólíkt hinum,
búinn að skrifa það einu sinni, og
er nú að umskrifa það. Nú rekur
ekkert á eftir mér, svo ég ætla að
gefa mér góðan tíma við
samningu þess.
— Áttu von á því að þú komir
sjáldnar fram sem leikari, eftir að
þú ert orðinn jafn vinsæll leikrita-
höfundur og raun ber vitni?
— Það vona ég svo sannarlega
ekki. Mér finnst eftir sem áður að
ég sé leikari, og það er sú reynsla
sem er grundvöllur leikrita minna.
Ég vona, að ég eigi í framtíðinni
eftir að leika og skrifa jöfnum
höndum, og bæta mig á báðum
sviðum.
— Mér þykir mjög fyrir því, Jón minn, að hafa
misst svona stjórn á mér.
44 VIKAN 1. TBL.