Vikan - 13.09.1978, Blaðsíða 54

POSTIRIAN
Lítur á mig sem
fyndið fyrir-
brigði
Kæri Póstur.
Ég þakka gott blað. Nú er
svona komið hjá mér, eins og
svo mörgum öðru, þó svo að
ég hafi oftgetað hleðið að
öllum þessum ástarsorgum hjá
öðrum, sem hafa skrifað. En
nú er víst eins komið fyrir mér.
En svo ég komi mér nú að
efninu, þá er ég mjög ástfangin
af strák, sem býr í smá þorpi
rétt hjá vinnustað mínum.
Þessi strákur er mjög góður
vinur stráks, sem býr hér á
þessum bæ, og kemur hann því
oft hingað. Stundum, eða oft,
held ég að hann sé hrifinn af
mér líka, þó hann hagi. sér oft
einkennilega. Stundum finnst
mér hann ekki líta á mig sem
kvenmann, heldur eitthvað
fyndið fyrirbrigði. Býður mér
kannski I bíltúr og svo þegar
við erum búin að keyra 1—2
km þá stoppar hann, lætur mig
út og segir mér að labba heim,
og keyrir svo framhjá mér og
hlær. Elsku Póstur, hvað
heldurðu um þetta? Hvað á ég
að gera? Ég hreinlega elska
hann. Getur þú gefið mér fullt
nafn og heimilisfang Rockefell-
ers, sem er einn ríkasti maður
heims? Með fyrirfram þökk
fyrir birtinguna.
Ein ástfangin fjósakona.
Ekki veit ég hvort ykkar er af-
brigðilegra! Hvernig dettur þér í
hug að líta við þessum pilti, mér
er spurn? Hann er eitthvað
meira en lítið skrýtinn blessaður,
og láttu þér ekki koma til hugar
að hann hafi nokkurn einasta
áhuga á þér. Hann virðist hins
vegar njóta þess að niðurlægja
þig eins og honum framast er
unnt. Ef þú getur elskað mann,
sem hefur svona framkomu, ja,
hvern geturðu þá ekki elskað??
Ég hef ekki heimilisfang ríkasta
manns veraldar, því miður, ann-
ars mundi ég skrifa honum sjálf-
ur!
hans
Kæri Póstur.
Svo er mál með vexti að það
er einn strákur, sem heitir X,
sem er hrifinn af mér, en ég er
ekkert hrifin af honum. Við
höfum verið saman einstöku
sinnum (ekkert alvarlegt) og
núna hefur hann þá trú að ég
sé hrifin af honum. Aftur á
móti er ég hrifin af besta vini
hans, sem heitir Z, en ég veit
ekki hvort hann sé hrifinn af
mér. Z er ekki með neinni
stelpu. Ég og Z höfum verið
einu sinni saman, en X reiddist
svo ofboðslega, því hann
sagðist eiga mig. X ogZ voru
ósáttir í nokkra daga. Hvað á
ég að gera? Viltu ekki birta
þetta í Vikunni, því ég skamm-
ast mín svo fyrir orðalagið. Ef
þú gerir það, skrifaðu þá undir:
Hestakona í vanda.
Þú hlýtur nú að hafa gefið X til
kynna að þú sért eitthvað hrifin
af honum, fyrst hann telur sig
eiga þig. Er enginn Y þarna, sem
þú getur orðið hrifin af? Það er
fremur lítið, sem þú getur gert í
þessum málum að svo stöddu,
en í öllum bænum vertu ekki að
„slá þér upp” með X, fyrst þú
vilt ekkert með hann hafa.
Pósturinn sendir aldrei svör
beint til bréfritara, þess vegna
birti ég bréf þitt.
Sagði öllum að
við værum
saman
Elsku besti Póstur.
Þetta er I fyrsta skipti,sem ég
skrifa þér, og vona því að þú
birtir þetta. Þannig er mál með
vexti, að ég er ofsalega hrifin
af strák, sem ég hef þrisvar
sinnum verið með, og það með
stuttu millibili, og þar af tvisv-
ar sofið hjá honum. Sagði hann
alltaf öllum að við værum
saman á föstu (sem við erum
ekki). Þar til um daginn, að
hann var með annarri stelpu,
sem hann var búinn að vera
með þó nokkuð lengi áður en
við fórum að vera saman, og
síðan hefur hann varla talað
við mig. Þessi stelpa, sem hann
var með, er á föstu úti í Vest-
mannaeyjum. Hvað á ég að
gera elsku Póstur? Svo er hér
svolítið fyrir vinkonuna. Hún
er orðin svo hrædd við það að
verða ófrísk. Nefnilega fyrir
um það bil hálfum mánuði svaf
hún hjá strák og þau notuðu
engar verjur. En hann sagði
henni að hann hefði aldrei
fengið fullnægingu. Svona eru
nú vandræði okkar og við
vonum að þú birtir þetta.
Bless,
Didda.
Jamm, og jamm og jæja. Þetta
er nú ekki í fyrsta skipti, sem
Pósturinn fær bréf um þetta
efni, og alltaf er honum jafn
svarafátt. Ég held þú verðir bara
að bíða róleg þar til hin stúlkan
fer til Vestmannaeyja, og sjá þá
til hvort strákurinn snýr ekki
aftur til þín (þó mér finnist hann
þín nú ekki verður). Og hvers
vegna í ósköpunum varstu að
sofa hjá honum i tvö skipti af
þremur?? Mér finnst þú nú full-
ung til slikra hluta eftir skriftinni
að dæma, og vinkona þín þá
sennilega einnig. Ég get líka lítið
hjálpað stráknum.sem hún svaf
hjá, þótt hann hafi aldrei fengið
fullnægingu!! Vonandi hefur
hún ekki orðið ófrísk, og lætur
hræðsluna sér að kenningu
verða
Ég vil ekki eignast barn
Elsku Póstur.
Ég leit til þín I vandræðum mínum, og vona að þú getir
gefið mér ráðleggingar. Ég er búin að vera trúlofuð í þrjú
ár, og við ætlum að gifta okkur núna í haust. Unnusti minn
er alveg yndislegur piltur, og við erum mjög hamingjusöm
saman. Þó er einn galli á gjöf Njarðar, og hann er sá, að
unnusti minn þráir að eignast barn, en ég þoli hins vegar
ekki börn, og get ekki hugsað mér að vera bundin yfir
barni. (Ég er 23 ára). Ég tek inn Pilluna, en það má unn-
usti minn alls ekki vita, því ég œtla bara að láta sem ég
geti ekki eignast barn. Það er svo stressandi að þurfa að
fara svona í felur með þetta, en ég vil ekki segja honum að
mig langi ekki til að eignast barn, því þá er ég hrædd um að
hann fari bara frá mér. Á ég að taka sénsinn og segja
honum að ég þoli ekki börn? Ég tala sko alltaf eins og mig
langi líka að eignast barn, og þykist vera mjög hissa á að ég
verði ekki ófrísk. Elsku Póstur, reyndu nú að svara mér
sem allra fyrst, því mér bráðliggur á svari.
XYZ
Ef þú getur ekki komið heiðarlegar fram gagnvart tilvonandi
eiginmanni þínum, þá vona ég af allri einlægni, að þið séuð
ekki gengin í það heilaga, þegar þetta bréf birtist. Þú verður
auðvitað að segja honum hvaða augum þú lítur á börn; mér
finnst þetta reyndar hálf sjúklegt, og tel að þú þurfir að ráð-
færa þig við einhvern reyndari aðila en Póstinn. Þetta er mun
alvarlegra mál en það, að Pósturinn treysti sér til að leysa það.
Og svona lygar, eins og þú beitir unnusta þinn, eru fyrir neðan
allar hellur.
54 VIKAN 37. TBL.