Vikan - 10.05.1979, Blaðsíða 18
Hann leit allt í einu á úrið og stóð
upp.
„Afsakaðu, Luke, en ég lofaði móður
Eleanor að fara með hana í þjóðgarðinn
í dag. Hún er alveg vitlaus í að taka
myndir af dýralífinu, síðan ég gaf henni
myndavélina í afmælisgjöf.”
„Já.” Luke stóð einnig upp „Ég verð
að fara að koma mér aftur heim.”
Don brosti. „Ég held ekki, að þú
sleppir heim alveg strax, Elly bíður
aðeins eftir aö við séum búnir að ræða
saman.
Hann brosti til Luke og gekk síðan inn
i húsið.
Luke tók handklæði upp af einum
körfustólanna og gekk að barmi sund-
laugarinnar. Hann beygði sig niður og
bauð Eleanor hönd sina til að hjálpa
henni upp úr lauginni.
Hún hristi sitt, glansandi hár sitt,
þegar hún var komin upp úr. Luke lagði
handklæðið um herðar hennar.
Hann elti hana, þar sem hún gekk
hægt upp að veröndinni og horfði á
hana fullur athygli.
„Eru hugsanir þínar leyndarmál?”
spurði hann. Hún sneri sér við og leit á
hann.
„Það get ég nú ekki sagt. Þú hefur
bara verið eitthvað svo einkennilegur
upp á síðkastið. Ég veit —” hún rétti
fram höndina og stöðvaði hann. „Þú ert
ekki búinn að ná þér eftir lát föður þíns,
og það er enn stutt síðan. En það er líka
eitthvað annað, er það ekki?”
Hún beið í ofvæni. Hann skoðaði
andlit hennar, að hálfu baðað sól og að
hálfu i skugga. Einhvern veginn virtist
það táknrænt fyrir tilfinningar hans til
hennar.
„Það er ég, er það ekki?” spurði hún
lágt.
Luke hreyfði sig vandræðalega.
„Eleanor, ég er bara svo rótlaus sem
stendur.”
„Það er skiljanlegt. Þú ert líka þreytu-
legur. Enginn missir föður sinn nema
einu sinni. Hvernig svo sem —"
„Faðir þinn lagði til, að ég færi í
ferðalag,” sagði Luke allt í einu.
Þetta virtist ekki vera henni
undrunarefni. „Hvað viltu gera Luke?”
Hann starði yfir fallegan garðinn, þar
sem fuglarnir gengu um I vel hirtu
grasinu. Umhverfis hann var allt það
fallega og vel þekkta. Og við hlið
hans stóð falleg kona — Eleanor Fallon.
En hann varð aðeins enn órólegri.
„Heyrðu nú, Luke.” Rödd hennar
var hlýlegri núna. „Hvað er að?”
Luke brosti og leit niður á hana.
„í augnablikinu,” sagði hann, „er það
freistingin, sem fólgin er í þvi að
flatmaga hér í staðinn fyrir að fara heim
og koma einhverju í verk.”
Hann þrýsti hönd hennar. „Við
sjáumst annað kvöld.”
„Á ég að koma heim til þín?” spurði
hún.
Hann hristi höfuðið. „Nei, ég sæki þig
hingað.”
Þar sem hann ók heim á leið, gat
hann ekki hætt að hugsa um
ljóðlinurnar, sem Don Fallon hafði farið
með:
Ég kom til lands hinna látnu vona,
sjá viðáttur þess skína.
En bjarta vegi, þá ég áður gekk,
sé ég hverfa og dvína....
LlJKE sat við gamalt skrifborð
föður síns. Þegar hann opnaði skápa
þess, sá hann raðirnar tvær af dag-
bókunum, og undarleg sorg greip hann.
Dagbækurnar voru þrjátíu talsins. í
fyrstu hafði Luke ekki vitað, hvar hann
átti að byrja. Að síðustu hafði hann þó
ákveðið að byrja aftan frá, á dagbók
síðasta árs.
Til að hressa upp á minnið, fletti hann
í gegnum síðurnar, sem fjölluðu um
síðustu mánuði gamla mannsins. Að
mestu leyti voru það þýðingarlitlar
athugasemdir um hið daglega lif. En það
sem vakti mestan áhuga Lukes, voru
línurnar, sem oft rændu hann nætur-
svefni.
Nú, fremur en nokkru sinni áður,
gerir sársaukinn vart við sig. Hann
brennur í brjósti mér eins og hnifsblað.
Ennþá, eftir öll þessi ár.
í fyrstu hafði Luke álitið föður sinn
eiga við líkamlegan sársauka. Nú vissi
hann, að sársaukinn hafði verið innra
rneð honum, sálrænar kvalir. En hvers
vegna? Luke hélt áfram að lesa. Skriftin
var smágerð og nákvæm. Hann kom að
enn einni síðu, og líkami hans stirðnaði
um leið og hann las það sem þar stóð:
Sonur minn, Luke, er sonur, sem allir
væru stoltir af að eiga, sérstaklega ég.
Þó get ég ekki sýnt honum tilfinningar
mínar. Við getum aldrei orðið nátengdir.
Að vera nátengdur einhverjum, er að
vera veikur fyrir, og guð einn veit, hve
veikur ég hef verið fyrir. Hann mun
Enn aukin
þjónusta!
Ókeypis eyðublöð á afgreiðsiunni:
Bíll: Sölutilkynníngar, tryggingabréf, víxlar, afsöl.
Lausafé: Kaupsamningar, víxlar.
Húsnæði: Húsaleigusamningar.
Dagblaðið er smáauglýsingablaðið
Dagblaðiðafgreiðsla Þverholti 11 sími 27022
Miðstöð smáauglýsingaviðskiptanna
Smáauglýsingaþjónustan.
i i
BIAOB
Dagblaðið er smáauglýsingablaðið Afgreiðsla Þverholti 11, simi 27022
ir.
ISVlkan X9.tbl.