Vikan - 28.05.1981, Blaðsíða 32

Texti: Anna
Sólin
á sínum
stað
og litríkt
mannlíf
Það er kannski að bera í bakkafullan lækinn að fara að
kynna Spán fyrir íslendingum. Svo stór hluti þjóðarinnar
hefur komið til Spánar, flatmagað á ströndinni, setið grísa-
veislur og skoðað eitt og annað merkilegt.
Vetrarhrjáðum íslendingum er sannar-
lega ekkert of gott að sækja sólarlönd í
sumarfríinu sinu, ná sér í svolítið D-víta-
mín fyrir veturinn og slaka á. Sólarferðir
þurfa í sjálfu sér alls ekki að vera annað
en hvíld, hressing og skemmtun. En það
eru alltaf einhverjir sem ekki geta verið
kyrrir, einhverjir sem þurfa að litast um
fyrst þeir eru á annað borð komnir yfir
hartnær þrjátíu breiddargráður.
Þessu fólki ætlum við fyrst og fremst
að liðsinna í þessari Viku, kannski er
verðlaunahafi í Sumargetraun Vikunnar
einmitt að lesa þessa grein núna og hann
kynni að hafa gagn af ýmsum
ábendingum ef hann kýs sólarferð til
annars hvors þeirra tveggja staða sem
Útsýn býður verðlaunahafa á Spáni.
Hvernig er best að komast
þangað?
Því er fljótsvarað. Við erum ekki í
nokkrum vafa um að langbest, fljótleg-
ast og ódýrast er að notfæra sér sólar-
landaferðir og fargjöld til Spánar. Úrval
ferða er gott og ferðatíminn nær allt
sumarið og á vetrum er svo hægt að
komast bæði til Kanaríeyja (sem eru
hluti Spánar þó þeirra verði ekki sérstak-
lega getið í þessari kynningu) og einnig
hefur fólki af eldri kynslóðinni staðið til
boða að komast í sólina utan aðalferða-
mannatimans. Þá þykir loftslag oft milt
og gott þótt skærasta sólin sé i fríi.
Það sem fyrst og fremst mælir með
því að menn nýti sólarferðir, þótt þeir
hafi annað i hyggju en að flatmaga á
ströndinni, er verðið. Þó fólk nýti ekki
hótelherbergið allan timann, heldur
leggi land undir fót, er langlíklegast að
það borgi sig fjárhagslega að halda sig
við sólarfargjöld.
Það eru helst ungir ferðalangar á
flandri um Evrópu sem gætu haft gaman
af að vita hvað kostar með lest, til dæmis
frá Kaupmannahöfn til Valencia,
sem er á móts við Mallorka, á austur-
strönd Spánar. Með Eurotrainfargjöld-
um (þeirra sem eru yngri en 26 ára) er
hægt að komast með lest fram og til
baka frá Kaupmannahöfn (48 tíma ferð
hvora leið) fyrir 1345 krónur eða því
sem næst. Norðar við ströndina er
Barcelona og samsvarandi verð (33 tíma
ferð) væri 1218 krónur. Þeir sem leggja
leið sina inn i mitt land, til höfuðborgar-
innar Madrid, kæmust frá Kaupmanna-
höfn og til baka, 45 tíma ferð, fyrir 1427
krónur.
Og 14 daga Tjæreborgarferð með rútu
til Costa Brava væri á tæpar tvö þúsund
krónurfrá Kaupmannahöfn.
Auðvitað er hægt að fljúga til allra
stærstu borga á Spáni um einhverja stór-
borgina og þeir sem það vilja leita bara
32 Vikan 22. tbl.