Vikan - 21.05.1987, Blaðsíða 14
STJÖRNUSPÁ
VIK A
FYRIR VIKUNA
SPÁIN GILDIR
24.-30. MAÍ
HRÚTURINN 21. mars-20. apríl
Þér lánast fjárfestingar venju fremur
vel í vikunni og sé eitthvað slíkt á
döfinni hjá þér ættirðu að notfæra
þérþennan byr. Þú geturjafnvel átt
von á ágóða senr byggist á heppni
eða slembilukku. Helgin verður
ánægjuleg hvort sem þú kýst róleg-
heit eða ferð út á milli nranna.
TVÍBURARNIR22.maí-21.júní
Þú finnur sennilega til einmanaleika
en þarft að læra að njóta einverunn-
ar og bera þig eftir félagsskap þegar
við á. Varastu að vorkenna sjálfum
þér, það leiðir ævinlega til ills eins.
Líttu í kringum þig og þú munt finna
þann sem þarf sannarlega á félags-
skap þínum og uppörvun að halda.
LJÓNIÐ 24. júlí-23. ágúst
Reyndu að láta af sjálfselskunni
þótt það kosti nokkrar fórnir. Þér
hættir til að gleyma að í kringum
þig er fólk senr treystir þér og vænt-
ir liðveislu þinnar. Gættu þess að
eyða ekki um efni frarn, að því kem-
ur fyrr en þig grunar að þú þarft
nauðsynlega á peningum að halda.
VOGIN24.sept.-23.okt.
Þú verður önnum kafinn, hætt við
að þú gætir ekki hófs og vanrækir
það sem meira er um vert en að
vinna sér inn peninga. Sannleikanunr
verður hver sárreiðastur en þú skalt
reyna að taka ekki illa upp þegar
þú verður minntur á þetta - þótt
þú vitir upp á þig skömmina.
BOGMAÐURINN 24. nóv.-2I. des.
Þú verður beðinn um viðvik sem
sumum finnst aðeins smágreiði en
er í þínum augurn töluvert rneira
mál. Sínum augum lítur hver á silfr-
ið og þú skalt útskýra þín sjónarmið
til að komast hjá eftirmálum og
misskilningi. Mismunandi skoðanir
eiga fyllilega rétt á sér.
VATNSBERINN21.jan.-19.febr.
Veikindi eða ófyrirsjáanlegir við-
burðir setja strik í reikninginn hjá
þér. Við þessu er ekkert að gera og
sá kostur vænstur að taka því sem
að höndum bermeð þolinmæði. Unr
miðja vikuna breytist staðan og þá
fer að hilla undir að þú getir látið
gamlan draum rætast.
NAUTIÐ 21. apríl-21. maí
Þú verður í skapi til að gera ýmis-
legt sem þú nennir ekki að öðru
jöfnu og dugnaðurinn í þér kemur
ýmsum á óvart. Þú skalt ekki reikna
nreð að allir deili áhuganum með
þér og verði fúsir að fylgja þér eftir
en svo lengi sem þú lætur það ekki
ergja þig kemur það ekkert að sök.
KRABBINN 22. júní—23. júlí
Það verður svo mikið líf og fjör í
kringum þig að þú hefur tæplega
tima til að sinna daglegu amstri. Þú
mátt þó til nreð að koma því nauð-
synlegasta af og verður að rneta
hvað helst má sitja á hakanum. Þetta
stúss kann að baka þér óvinsældir
um skeið en það lagast fljótt.
MEYJ AN 24. ágúst-23. sept.
Láttu ekki trúgirnina leiða þig í
ógöngur. Þér verður sennilega lofað
einhverju sem sá hinn sami hugsar
sér ekki að standa við og því varleg-
ast fyrir þig að treysta því mátulega.
Það besta í stöðunni er að láta krók
koma á móti bragði og launa við-
komandi lambið gráa.
SPORDDREKINN 24. okt.-23. nóv.
Einhver sem þú hefur þekkt lengi
en haft fremur lítið samneyti við upp
á síðkastið kemur þér rnjög á óvart
og í Ijós kemur að hann er ekki allur
þar sem hann er séður. Þú verður í
fyrstu í vafa unr hvernig bregðast
skuli við en heilbrigð skynsenri þín
verður þér til bjargar.
STEINGEITIN 22.des.-20. jan.
Málin snúast heldur betur í höndun-
urn á þér og til að byrja með veldur
það þér gremju. Fljótlega kemstu að
raun um að þú hagnast á breyting-
unum og losnar auk þess við ýmis-
legt sem þú hafðir kviðið. Leitaðu
ráða ef þú ert í vafa um að þú stand-
ir rétt að því sem þú þarft að gera.
FISKARNIR 20. febr.-20. mars
Gamalt deilumál rifjast upp. Gættu
þín því að svo virðist sem ýmsum
sé þetta ennþá viðkvæmt. Fæst orð
bera minnsta ábyrgð og heillavæn-
legast að láta málið niður falla.
H vort sem er stendur staðhæfing
gegn staðhæfingu og tilgangslaust
að karpa um löngu liðna atburði.
Tvíburarnir fá að þcssu sinni einkaspá fyrir hvern dag kom-
andi viku.
Sunnudagur24. ntaí:
Þótt ekki standi allt sent þér er lofað eins og stafur á bók
skaltu ekki líta á það sern neinar ofsóknir. Fólk á einfaldlega
misjafnlega gott með að standa við gefin loforð og leggur líka
mismikla áherslu á það.
Mánudagur25. maí:
Láttu ekki hugfallast þótt að þér sæki eftirsjá. Ekki getur allt
orðið sem áður var og þótt þér þyki það ef til vill ótrúlegt
núna kemurðu til með að draga mikilsverðan lærdóm af því
sem angrar þig þessa stundina.
Þriðjudagur 26. maí:
Treystu ekki á að aðrirhafi ofan affyrirþér. Stundum er
happadrýgst að vera sjálfum sér nægur og það getur þú sann-
reynt ef þú hefur áhuga á því.
Miðvikudagur27. maí:
Sveltursitjandi kráka en fljúgandi fær. Notaðu tækifæri sem
þér gefst. Það er ekki við þig að sakast þótt þeir seni mesta
möguleika áttu hafi ekki haft vit á að nota þá.
Fimmtudagur 28. maí:
Til þín kann að verða leitað og ástæðulaust annað en taka
því vel. Þú getur miðlað öðrum af reynslu þinni og góðvild
er venjulega endurgoldin.
Föstudagur29. maí:
Einhver reynir að fá þig til að breyta fyrirætlunum þínum.
Ef þetta kernur sér illa fyrir þig skaltu standa á rétti þínum
og gera þeim hinum sama ljóst að hann getur ekki ráðskast
nteð þigað vild sinni.
Laugardagur 30. maí:
Gerðu þér eitthvað til tilbreytingar. þú átt það margfaldlega
skilið. Ef þig langar ættirðu að bursta spariskóna og bregða
þér á ball. Þar gætirðu hitt einhvern sem gaman væri að rifja
upp kunningsskap við.
14 VIKAN 21. TBL