Vikan - 10.09.1987, Síða 20

ISIÐSUMARSAMKVÆMIÐ
Það getur stundum verið erfitt að velja
kræsingar að bera á borð í gestaboðum. Hér
koma nokkrir réttir sem glatt hafa og satt
margan gestinn.
Eggja-ostaréttur
I réttinn er hér notað frosið spergilkál
(broccoli) en ekkert mælir gegn því að nota
ferskt þegar það er fáanlegt. í staðinn fyrir
kálið er ekki síðra að nota annað grænmeti,
eins og sveppi eða aspas, eða til að mynda
rækjur eða kjúklingakjöt með eða án græn-
metis.
250 g frosið spergilkál
V* bolli majónes
2-4 egg
1 dós sveppasúpa
1 bolli rifinn maribo-ostur
10-15 saltkexkökur
Eggin eru þeytt og síðan er öllu blandað
saman við þau nema kexinu. Hrærunni er
hellt í eldfast fat og bökuð við um 175 gráða
hita í um það bil 25 mínútur. Þá er saltkex-
kökunum raðað ofan á og rétturinn bakaður
í 10 mínútur í viðbót.
Litlar vatnsdeigsbollur með kjúklingafyllingu
Fylling:
2 bollar smáskorið, soðið kjúklingakjöt
'A bolli majónes
I msk. saxaður laukur
1 tsk. engiferduft
2 msk. sítrónusafi
'A tsk. salt
'A tsk. pipar
2 selleríleggir, saxaðir
Bollur:
1 bolli vatn
'A bolli smjör eða smjörlíki
I bolli hveiti
4 egg
Hitið ofninn í 200 gráður. Hitið vatn og
smjör í potti og hrærið hveitinu saman við.
Hrærið stöðugt í á meðan yfir vægum hita
þar til hræran myndar stóra kúlu, um 1 mín-
útu. Hrærið eggjunum saman við, einu og
einu í senn. Haldið áfram að hræra þar til
blandan er mjúk og gljáandi. Setjið með te-
skeið á ósmurða bökunarplötu. Bakið þar til
bollurnar eru uppblásnar og gullinbrúnar, um
25 mínútur. Ef vill má frysta bollurnar, þó
ekki lengur en í viku.
Blandið öllu saman sem á að fara í fylling-
una og látið standa í ísskáp í nokkra klukku-
tíma. Skerið ofan af bollunum og setjið
fyllinguna inn í. Geymið í ísskáp þar til bera
á fram.
Heitt brauð með skinku
1 formbrauð
!4 bolli smjör
2 msk. saxaður graslaukur
1 msk. sinnep
16 sneiðar af skinku
ostur
2 msk. bráðið smjör
I msk. valmúafræ eða sesamfræ
Skerið brauðið í 8 sneiðar en þó þannig að
þær hangi saman. Blandið saman smjöri, gras-
lauk og sinnepi. Smyrjið smjörinu öðrum
megin á sneiðarnar og setjið skinku og ost í
hvert sár. Penslið brauðið með bræddu smjöri
og stráið fræi yfir. Vefjið brauðið í álpappír
og bakið við um 200 gráða hita í 20 mínútur.
Umsjón: Þórey Einarsdóttir
20 VIKAN 37. TBL