Vikan - 18.02.1988, Blaðsíða 50
Svarið nálgast í myndaflokknum Paradís skotið á frest
Nú þegar líða fer að lokum
þáttanna Paradís skotið á frest
og ástæðan fyrir erfðaskránni
fer að koma i Ijós er ekki úr
vegi að Ifta aðeins á atburða-
rásina fram að þessu.
í upphafi þáttanna lést sveita-
presturinn Simeon Simcox og í
Ijós kemur þegar erfðaskráin er
lesin að hann hefur eftirlátið
Leslie Titmuss, ungum þing-
manni allar eignir sínar en synir
hans, Henry og Fred fá ekkert
fremur en móðir þeirra. Henry
ákveður að reyna að fá erfða-
skrána ógilda en bróðir hans
reynir að fá hann ofan af því. f
það er látið skína að Fred viti
eitthvað sem Henry er ókunnugt
um.
Sögunni víkur síðan aftur í tím-
ann til 1958 þegar Fred og
Agnes, dóttir læknisins eru að
draga sig saman. Seinna yfirgef-
ur hún hann og fer með Henry
bróður hans til Bandaríkjanna.
Leslie Titmuss kemur til sögunnar
og er þegar byrjaður aö klifra upp
metorðastigann.
Fred er niðurbrotinn eftir að
hafa verið svikinn af bæði kær-
ustu sinni og bróður en Leslie gift-
ist Charlotte, dóttur lafði Grace
Fanner og sá ráðahagur virðist
vera eitt skerfið í klifri hans upp á
við.
Eftir að Fred hefur lokið námi i
læknisfærði fer hann að vinna hjá
Humphrey Salter, föður Agnesar
sem hafði áður svikið hann. Salt-
er kemst að því að hann er hald-
inn ólæknandi sjúkdómi og reynir
að fremja sjálfsmorð. Tilraunin
misheppnast en hann bæklast al-
varlega í staðinn.
Leslie tekst að ná kjöri sem
þingmaður með aðstoð konu
sinnar, en á meðan er hjónaband
Henrys og Agnesar að fara í
vaskinn. Fred á hinsvegar í frem-
ur misheppnuðu ástarævintýri
með giftri konu og faðir hans
kemur að þeim i rúminu.
I þeim þáttum sem eftir eru á
margt eftir að koma í Ijós, þar á
meðal af hverju presturinn eftirlót
Leslie allar eigur sínar. Var hann
kúgaður til þess? Er erfðaskráin
kannski fölsuð? Eða var -maður-
inn orðinn elliær þegar hann skrif-
aði hana? Svarið kemur í Ijós á
næstu vikum í lokaþáttum
flokksins.
50 VIKAN