Vikan - 14.06.1990, Blaðsíða 48

SNORRI
STURLUSON
SKRIFAR:
• Skoska gæðasveitin Big Country er ekki
dauð úr öllum æðum þrátt fyrir að ekkert hafi
heyrst frá henni í rúm tvö ár eða frá því að plat-
an Peace in Our Time kom á markaðinn. Nýr
trommari hefur gengið til liðs við sveitina og
innan skamms er væntanleg í verslanir safn-
plata með öllu því besta frá Big Country. Þá
hafa drengirnir greint frá því að þeir séu nú
þegar farnir að hljóðrita nýja plötu sem kemur
á markað í lok þessa árs. Fyrsta smáskífa
þessarar plötu lítur dagsins Ijós á allra næstu
dögum og mun lagið heita því frumlega nafni
Save Me.
• James Brown, The King of Soul, er i fang-
elsi. Þetta vita nú margir. Brown var dæmdur í
sex ára fangelsi eftir að hafa skotið á eigin-
konu sína með haglabyssu og keyrt gegnum
þrjú ríki Bandaríkjanna á vitskertum hraða
með lögregluna á hælunum. Fyrir skömmu
reyndi útvarpsstöð vestra að fá leyfi til að
bjóða Brown vinnu og átti hann að sjálfsögðu
að sjá um soul-þátt á stöðinni. Það tókst ekki
en James Brown er hins vegar farinn að vinna.
Nýlega var honum gefið leyfi til að starfa í
þágu þjóðfélagsins. Hann heldur ræður og tal-
ar við ungt fólk á villigötum. í kjölfar þessa hef-
ur Brown verið fluttur til og er nú í fangelsi i
Suður-Karólínu þar sem öryggisgæsla er í lág-
marki.
• Tommy Lee, trommuleikari Mötley Crue, lá
á spítala fyrir skömmu eftir að hann hrundi nið-
ur úr kaðli á tónleikum hjá Crue. Hæðin var
áætluð um tíu metrar, Lee lenti á hausnum og
fékk vægan heilahristing en er á batavegi.
NÝJAR PLÖTUR Á MARKAÐNUM
KID CREOLE & THE COCONUTS -
PRIVATE WATERS IN THE
GREAT DIVIDE
Kid Creole og kókoshneturnar hans voru upp á
sitt besta þegar diskóið helreið heimsbyggð-
inni en hafa legið í dvala síðustu árin. Kiddi
komst í fréttir fyrir skömmu þegar það kvisaðist
að hann hefði pantað lag hjá Prince, The Sex
of It. Lagið er á nýju plötunni og er eitt af bestu
lögum hennar, virkilega góöur Prince. Þá er að
finna á þessari plötu enska útgáfu Kaoma-
lagsins Lambada. Það er eitt vinsælasta lag
síðustu ára - virkilega skemmtilegt að heyra
texta sem maður skilur við þetta annars ágæta
lag. Kid Creole stendur alltaf fyrir sínu, stund-
um finnst mér hann minna óþægilega mikið á
Prince. Hann heldur greinilega mikið upp á litla
manninn. Góð breiðskífa.
★ 2
PRETTY WOMAN -
ÚR SAMNEFNDRI KVIKMYND
Fáar kvikmyndir hafa vakið jafnmikla athygli á
þessum síðustu og verstu og Pretty Woman.
Leikararnir eru frábærir, leikstjórnin til fyrir-
myndar og svo mætti lengi telja. Það sem
skiptir þó kannski hvað mestu máli er tónlistin.
Ný lög frá Natalie Cole, Go West og P.oxette
eru skrautfjaðrirnar á þessari plötu en það má
ekki gleyma nýju lögunum frá Robert Palmer,
Peter Cetera (sem eitt sinn var söngvari
Chicago) og Red Hot Chili Peppers. Punktur-
inn yfir i-ið er svo titillagið sjálft, hið ódauðlega
lag Roy Orbison. Góð plata í safnið en ekki
fullkomin.
★ ★★1/2
CHARMED LIFE - BILLY IDOL
Billy Idol komst í fréttirnar þegar hann lenti í
bifhjólaslysi á leið heim úr hljóðveri. Einhvern
veginn gerði þetta biðina eftir nýju plötunni erf-
iðari og það var mikil eftirvænting þegar henni
var loks skellt í geislaspilarann. Ekki voru von-
brigðin mikil. Idol verður alltaf Idol og nýja plat-
an fer nálægt því að vera hans besta. Gítar-
leikarinn Steve Stevens er á braut og margir
héldu að það myndi eyðileggja allt en satt best
að segja er þetta bara betra. Cradle of Love
hefur heyrst mikið sem og The Right Way og
þess verður ekki langt að bíða að lög á borð
við Love Unchained og Sweet Stuff fari að
heyrast. Þessi er góð.
★ ★★★
McHAMMER - DON’T HURT ‘EM
McHammer heitir rappari sem vakið hefur
mikla athygli vestur í Bandaríkjunum upp á
síðkastið, reyndar út um allan heim ef út í það
er farið. Hann er ólíkur öðrum röppurum, boð-
beri nýrra tíma aö vissu leyti, jakkafataklædd-
ur, með snyrtilegt bindi og virðuleg gleraugu. U
Can’t Touch This, sem í raun er endurhljóð-
blöndun á Superfreak-laginu hans Rick
James, hefur verið að gera allt vitlaust. Ágætt
rapp fyrir þá sem hafa af því ánægju.
★ ★★