Vikan - 14.06.1990, Blaðsíða 31

DÁLÍTIÐ LEIDIN-
LEGT VANDAMÁL...
Kœra Vika.
Mig langaði til að spyrja þig
nokkurra spurninga og vona að
ég fái fljótt svör.
Af hverju fœr maður bólur á
bakið og bringuna og hvernig
losnar maður við þœr? Ég
borða ekki sœlgœti og ekki
mikinn sykur þannig að það
getur ekki verið þess vegna.
Getur maður smitast af
alnœmi við að drekka úr sama
glasi og sá sem er smitaður?
Svo er það dálítið leiðinlegt
vandamál sem ég á við að
stríða og það er að mér finnst
ég vera svo sljó. Ég tek oft ekki
eftirfólki í kringum mig og sé ekki
fólk sem er að reyna að heilsa
mér. Fólk sem ég þekki ekkert en
hitti kannski oft eða eitthvað
þannig hefur hœtt að heilsa
mér. Ég er 16 ára og tala ekki
mikið. Eg er búin að vera svona
í nokkur ár. Mér gengur líka
dálítið illa að einbeita mér að
skólabókum. Ég get lesið sömu
setninguna fimm sinnum án
þess að fatta hvað stendur.
Þetta getur ekki verið út af
drykkju því ég drekk ekki mikið.
Svo gleymi ég líka oft að tala
þannig að það liggur við að fólk
haldi að ég sé mállaus.
Af hverju fœr maður skán á
tunguna? Þetta er ógeðslegt. Ég
hef prófað að bursta hana með
tannbursta en það gengur ekki.
Svo var það eitt enn. Af hverju
gengur mér alltaf betur að skrifa
en tala? Ég gœti lengt þetta
bréf upp í tíu síður eða meira en
nú œtla ég að hœtta þessu
rausi.
Eift vandamál
SVAR:
Jk ð fá bólur er fylgifiskur
unglingsáranna. Þá er
margt að gerast í líkamanum
og hann breytist mikið. Bótur
þessar gera vart við sig bæði
hjá piltum og stúlkum, á ýms-
um stöðum líkamans, aðal-
lega þó í andliti, einnig á baki
og bringu. Það erþó ekki eins
algengt og það fyrrnefnda.
Þessar bólur hverfa af sjálfu
sér þegar einstaklingurinn
þroskast meira. Til þess að
halda þeim eitthvað i skefjum
er besta ráðið að húðinni sé
haldið vel hreinni á þeim stöð-
um sem þær eru. Aldrei á að
reyna að kreista þær því það
gerir aðeins illt verra. Sólarljós
hefur yfirleitt góð áhrif á bólur
til þess að þær hjaðni. Ef þú
ert mjög slæm er ekki úr vegi
að leita til læknis en í vægari
tilfellum til snyrtifræðings. Ekki
hefur verið sýnt fram á að
sætindaát hafi áhrif á bólur en
vitað er að þær koma af völd-
um hormóna.
Þú spyrð um smitun á al-
næmi. Ekkert hefur komið
fram sem bendir til þess að al-
næmi smitist á annan hátt en
við kynmök eða blóðblöndun
einhvers konar.
Að vera svona sljó eins og
þú lýsir er ekki alveg heilbrigt.
Það sem ég get ráðlagt þér er
fyrst og fremst að reyna að
hreyfa þig sem mest, borða
næringarríka fæðu, taka víta-
mín og reyna að forðast öll
vímuefni. Einnig gæti verið
gott fyrir þig að stunda eitt-
hvert tómstundastarf sem þú
hefðir áhuga á og myndi koma
þér í góðan félagsskap. JC-
hreyfingin hefur það að mark-
miði að byggja fólk upp and-
lega og hjálpa því að öðlast
meira sjálfsöryggi og betri
mannleg samskipti. Gæti starf
á hennar vegum verið góður
kostur fyrir þig. Ef ekkert af
þessu hjálpar ættirþú að leita
til heimilislæknis þíns og/eða
sálfræðings.
Tungan er öll þakin fjölda
þráðlaga skynfæra sem nefn-
asttotur. Stundum fara þærað
stækka og þá kemur hvít skóf
á tunguna. Það er ekki hægt
að skafa hana burt og hún ætti
ekki að vera fólki til ama.
Menn vita ekki hvers vegna
hún kemur. Hún kemur stund-
um ef munnvatnsframleiðsla
minnkar af einhverjum ástæð-
um og fylgir oft í kjölfar kvef-
pestar eða sýkingar í munni
svo sem munnbólgu eða tann-
kýlis. Þessi skóf er algerlega
hættulaus og þarfnast engrar
sérstakrar meðferðar.
Fólki sem er feimið og á í
einhverjum samskiptaörðug-
leikum við annað fólk gengur
yfirleitt betur að skrifa en tala
vegna þess að þá er það eitt
með sjálfu sér og enginn utan-
aðkomandi að trufla það.
PENNAVINIR
Ungur maður í Póllandi
óskar eftir pexmavinum.
Hann er landafræðistúdent
og er 21 árs og hefur m.a.
áhuga á ferðalögum, nátt-
úru og tónlist. Hann skrif-
ar á eftirfarandi tungumál-
um: Pólsku, þýsku og rúss-
nesku.
Skrifið til:
Tomasz Gawex
Ul. Powstancow 34 A766
31-422 KRAKOW
POLLATTD
Ungur sögukennari í Pól-
landi óskar eftir pennavin-
um. Áhugamál hans eru
saga og menning Norður-
landa og þá sérstaklega
íslands, bæði tii forna og
nú. Hann er 22 ára og lang-
ar að læra íslensku. Önnur
áhugamál hans eru sund,
körfúbolti, einnig hefur
hann áhuga á tónlist (Da-
vid Bowie og Police). Skrif-
ið á ensku til:
Jacek Zolnowski
Ul. Stolarska 10
84-230 Rumia
POIiLAND
Myndarlegur, handarísk-
ur karlmaður óskar eftir
að skrifast á við íslenska
konu. Hann segist vera um
190 cm á hæð og fæddur
19. ágúst. Hann vill skrif-
ast á við aðlaðandi, gáfaða
konu á aldrinum 25-35 ára.
Hann segist vera við-
kvæmur og einlægur og
njóti lífsins. Honum flnnst
gaman að ferðast, hlusta á
tónlist og hitta nýtt fólk.
Hann langar að flnna ein-
hverja sem er sérstök til að
eyða lífinu með.
„Bf þú ert hláturmild
kona sem þorir að taka
áhættu og lifa lífinu til
fullnustu þá hlakka ég
mikið til að fá fýrsta hréfið
frá þér. Bréfum sem mynd
fylgir verður svarað um
hæl.“
Don Warren
1001 Tarnstone Dr.
Rocky Mount,
N.C. 27803
USA
Annar Bandarílyamaður
er einnig á höttunum eftir
íslenskum kvenmanni.
Hann langar að skrifast á
við ljóshærða konu. Hann
segist vera aðlaðandi
Andalúsíu/grískur Amerík-
ani, 30 ára gamall. Hann
hefur áhuga á útilífi, ferða-
lögum, austrænni tónlist
og matreiðslu. Skriflð til:
Francisco Barea
4722 Bentham Dr.,
Apt. 201
Columbus
Ohio 43220
USA
Japönsk kona óskar eftir
pennavini frá íslandi. Hún er
fædd 18. febrúar 1954 og hef-
ur verið giít frá því í júní
1979. Hún á 8 ára gamlan
son, 3 ketti og einn asna. Hún
kennir börnum á píanó og
orgel. Hún segist skrifast á
við 20 manns viðs vegar um
heim en að hún eigi engan
pennavin frá íslandi. Áhuga-
mál hennar eru: lestur,
saumaskapur, prjón, sund,
matreiðsla, garðyrkja og
bréfaskriftir. Hún safhar
bókamerkjum, límmiðum og
bréfsefhum. Skriflð á ensku
til:
Akemi Imai
3-18 Ise-Cho
Ashiya Hyogo
689 Japan
Kaliforníustrákur eða
maðtu sem er hriíinn af ís-
lendingum óskar eftir penna-
vinum, hann heitir Jon en
segir ekki til um aldur. Hann
hefur áhuga á gervihnatta-
sjónvarpi, kassettum, að
skiptast á myndum, bréfa-
skriftum og sumarfríum.
Jon L. Barrett
P.O. BOX 224
Pinon Hilis,
Califomia 92372
USA
Nítján ára finnsk stúlka
óskar eftir pennavini. Hún á
heima í N-Finnlandi og
áhugamál hennar eru bók-
menntir, teikning, umhverf-
isfriðtm, dans, ferðalög,
tungumál og tónlist (ekki
diskó). Hana langar til að
verða rithöfundur og lista-
maður. Hún hefur einnig
áhuga á neðanjarðarhreyf-
ingum og dýr eru henni kær.
Hún biður þá sem hafa sams
konar áhugamál að skrifa sér
- aldur skipti engu máli.
Johanna Náátsaari
Ruottalantie 14
SP-98440 Kallaanvaara
Pinland.
12. TBL. 1990 VIKAN 31