Vikan - 03.10.1991, Síða 12

Hér hefur María komið sér fyrir um borð í gömlum hraðbáti við Ákersbrygge.
á. Ég gaeti vel hugsað mér að læra meira í ís-
lensku þvi mér finnst hún falleg.
- Undirbjóstu þig á fleiri sviðum áður en
kvikmyndatakan hófst, til dæmis með því
að lesa Ólafs sögu Tryggvasonar og um
kristnitökuna í Noregi og á íslandi?
Nei, ekki beinlinis. Ég reyndi samt að nota
tímann til að setja mig svolítið inn í hugsunar-
hátt vikingatímans og glöggva mig á tíðarand-
anum. ( raun hafði ég enga stund aflögu, ég
reyndi að einbeita mér sem allra mest að hlut-
verki mínu og að komast til botns í persónu-
einkennum Emblu.
EMBLA ER STERKUR PERSÓNULEIKI
- Hvernig likaði þér við Emblu?
Embla þarf að ganga í gegnum ýmsar
þrengingar í myndinni. Hún verður eftir hjá
Ólafi konungi Tryggvasyni á meðan Askur
sinnir erindum hans á íslandi, að kristna
landsmenn. Dvöl hennar í konungsgarði er
enginn dans á rósum og að því kemur aö hann
verður ástfanginn af henni. Embla er hins veg-
ar mjög sterk bæði andlega og líkamlega og
það hjálpar henni mikið. Og þó hún sé ung að
árum lætur hún aldrei stjórna sér. Hún stendur
fast á sínu, er ákaflega trú sjálfri sér og gætir
þess vel sem henni hefur verið trúað fyrir. Ég
held óg hafi líka lært ýmislegt af henni, hún
treystir á sjálfa sig og sættir sig við sjálfa sig
nákvæmlega eins og hún er. Engu að síður er
hún líka viðkvæm innst inni - þó hún þurfi alltaf
að sýna mikinn styrk og festu, eins og gagn-
vart konunginum. Ég kunni mjög vel við hana.
Askur og Embla unna hvort öðru mjög heitt
og þurfa að ganga í gegnum ótrúlega margt til
þess að geta loks höndlað hamingjuna. Það er
einmitt þessi mikla ást og trúnaður sem reynt
er að koma á framfæri í myndinni.
- Heldur þú að ungt fólk geti lært eitt-
hvað af Hvíta víkingnum?
Já, það held ég. Eg tel þau Ask og Emblu
vera raunsannar persónur. Ungt fólk býr yfir
miklum hæfileikum og ég held að margir geti
tekið þau sértil fyrirmyndar. Þau ganga í gegn-
um þykkt og þunnt til þess að fá að vera sam-
an að lokum - og þau eru alltaf sjálfum sér trú.
Myndin sýnir líka fram á að þessu unga fólki er
allt mögulegt, svo fremi að sannfæringin sé
nógu sterk.
Þó svo að myndin lýsi atburðum sem eiga
að gerast fyrir næstum þúsund árum held ég
að í henni komi fram margar hliðstæður við
tiðarandann nú á dögum. Þess vegna er ég
þess fullviss að hún höfðar ekki síður til unga
fólksins en til þeirra fullorðnu.
HEF LÆRT MIKIÐ
- Hvernig kunnir þú við mótleikarana,
Gottskálk og Egil?
Þeir voru báðir ótrúlega fínir og það var afar
skemmtilegt að vinna með þeim. Við Gotti,
eins og hann er oftast kallaður, erum jafnaldrar
og við þurftum að komast til botns i mörgum
mjög krefjandi atriðum. Við upplifum því
heilmikið saman á leiktímanum og urðum fyrir
sameiginlegri reynslu sem oft og tíðum reyndi
mikið á okkur. Þess vegna kynntumst við mjög
vel og að lokum vorum við af eðlilegum ástæð-
um orðin nánir vinir.
Egill hefur mikla reynslu á þessu sviði og ég
lærði óhemju mikið af honum. Hann er líka
mikill atvinnumaður í sér, mjög vandvirkur og
leggur sig fram. Hann gaf mér því mikið sem
fagmaður og ekki síður af eigin persónu því
hann er mjög gefandi persónuleiki.
- Telur þú að þessi reynsla hafi breytt
þér?
Ég held ég hafi þroskast mikið á þessum
tíma, annað væri óeðlilegt. Ég varð að yfirgefa
hinn trygga og góða hversdag - fá frí í skólan-
um, kveðja vini mína á meðan og ganga inn í
hinn harða heim þar sem ég umgekkst nær
eingöngu fullorðið fólk með allt aðra reynslu en
unglingurinn ég.
- María hefur ekki setið auðum höndum
síðan hún lauk við leik sinn í Hvíta víkingn-
um. í sumar lék hún í annarri kvikmynd.
Þetta er ævintýramynd fyrir börn og er því
mjög ólík hinni. í myndinni leik ég prinsessu
sem verður ástfangin af hvítabirni og í Ijós
kemur að hann er prins í álögum. Þessi
reynsla var mjög ólík þeirri sem ég hlaut við
gerð Hvíta víkingsins - en góð engu að síður
og lærdómsrík fyrir mig. Leikstjórinn er
norskur, Olaf Solum. Hann er rólegur og yfir-
vegaður og að mörgu leyti ólíkur Hrafni. Ég hef
því unnið með tveimur góðum en mjög ólikum
leikstjórum og að sjálfsögðu hefur þetta verið
mjög spennandi.
- Var þetta líka krefjandi hlutverk?
Mér fannst hlutverk mitt sem prinsessa erfitt.
I ævintýrunum eru prinsessur algóðar, sætar
og elskulegar í öllu tilliti. Ég átti hins vegar að
reyna að gæða hana lífi og sýna fram á að í
raun væri prinsessan ósköp venjuleg stúlka,
með öllum sínum kostum og göllum. Mér
fannst þetta alls ekki svo einfalt en leikstjórinn
hjálpaði mér mikið.
MÁ EKKITAKA ÞETTA OF HÁTÍÐLEGA
- Kvíðir þú fyrir frumsýningu Hvíta vík-
ingsins og viðbrögðum þínum þegar þú
sérð sjálfa þig á hvíta tjaldinu í fyrsta sinn?
Ég er að minnsta kosti ákaflega spennt og
stundum hefur mér ekki oröið svefnsamt upp á
síðkastið. í leiknum var svo mikið byggt á mis-
munandi tilfinningum og ég varð fyrir hvers
konar upplifunum. Það eiga því örugglega eftir
að fara um mig ýmsir straumar og kenndir
meðan á sýningu myndarinnar stendur enda
hefur töluvert vatn runnið til sjávar í millitíðinni.
Ég hef aðeins séð pínulítinn bút af myndinni
og þvi veit ég í raun ekkert hvernig þetta kem-
ur út. Sjálfsagt á ég eftir að sjá mig gera marg-
vísleg mistök og vafalaust eru mörg þeirra því
að kenna að þetta var frumraun mín framan
við myndavélina. Meðan á tökunum stóð þótt-
ist ég stundum innra með mér vera þess full-
viss að ef ég hefði mátt reyna einu sinni enn
hefði atriðið orðið betra.
- Ertu hrædd við gagnrýni?
Það held ég ekki. Ég reyni að minnsta kosti
að sannfæra sjálfa mig um að taka þetta ekki
of alvarlega. Ég gerði mitt besta og þar við
situr. Ég á sjálfsagt eftir að verða gagnrýnd
fyrir hitt og þetta en ef það er vel meint og mál-
efnalegt tel ég mig geta lært af því. Kannski er
ég spenntust að sjá viðbrögð foreldra minna
og fjölskyldu. Þau eiga eftir að kynnast mörg-
um nýjum hliðum á mér á tjaldinu. Ég vona að
þeim verði þetta ekki um megn. Auðvitað er ég
mjög spennt og ég hlakka mikið til að koma til
íslands og vera viðstödd frumsýninguna - ég
veit að það verður ógleymanleg stund fyrir
mig.
- Hvað gerir þú í frístundum?
Ég hef mjög lítinn tíma aflögu þegar náminu
sleppir, kannski eitt kvöld í viku. Þegar ég er
ekki í skólanum þarf ég að sitja við námsbæk-
urnar heima. Ég hef líka þurft að vinna upp
þann tima sem ég missti úr i fyrra þegar kvik-
myndatakan stóð sem hæst. Það kostar síðan
svita og tár að taka tvo vetur á einum og því er
námið tímafrekt þessa dagana. Ég vil samt
mikið á mig leggja til þess að geta lokið þess-
um mikilvæga grunni sem menntaskólinn er.
Áður en kvikmyndirnar komu til dansaði ég
mikið, söng svolítið og lék á píanó. Þessu hef
ég því miður ekkert getað sinnt að undanförnu.
12 VIKAN 20. TBL. 1991