Vikan - 31.10.1991, Side 14

TEXTI: HELGA MÖLLER / LJÓSM.: BRAGI P. JÓSEFSSON
„SPILA KANA í FRÍMÍNÚTUM"
— segirsjöundi keppandinn f forsíðustúlkukeppninni, Emilía Ragnarsdóttir
Emilía verður kynnt gestum Hótel íslands á glæsilegu kynningarkvöldi 21. nóvember ásamt hinum sjö
þátttakendum keppninnar.
Emilía Ragnarsdóttir er
sjöundi keppandinn í
forsíðustúlkukeppni SAM-
útgáfunnar. Emilía er átján
ára, fædd I vogarmerkinu,
þann 28. september 1973.
„Mér finnst meira og minna
allt passa við mig sem sagt er
um fólk í voginni. Er þetta ekki
líka besta rnerkið?" segir Em-
ilía brosandi við blaðamann
sem er í sama merki.
Heimili Emilíu hefur alltaf
verið í Breiðholti. Þar býr hún
ásamt foreldrum sínum,
Ragnari Harðarsyni og Sigríði
Emilsdóttur, og tveimur
systrum, annarri eldri og hinni
yngri. Emilíu finnst gott að búa
í Breiöholtinu og þar sækir
hún líka skóla. Hún er á snyrti-
fræðibraut í Fjölbrautaskólan-
um bar.
„Á snyrtifræðibraut lærum
við allt um líkamann. Svo lær-
um við nudd, vaxmeðferð,
andlitsböð og förðun, en það
mætti vera meira af förðun-
inni," segir Emilía. í sumar
skrapp hún í tveggja vikna frf
til London þar sem hún
skemmti sér konunglega. Ann-
ars vann hún á sjúkradeild elli-
heimilisins Seljahlíðar sem er
líka í Breiðholti. Þar hlynnti
hún að gamla fólkinu og fannst
það skemmtilegt. Oftast hefur
hún þó unnið f sjoppum á
sumrin.
Hvað ætlar Emilía að
verða?
„Ég veit það ekki. Ég erekki
búin að ákveða það. Það er
„Það er bókað mál að ég verð ekki sitjandi á skrifstofu,11 segir Emilía
aðspurð um framtíðina.
um svo margt að velja," segir
hún hugsi. „En það verður
pottþétt einhvern iðngrein;
eitthvað sem ég get notað
hendurnar við. Það er bókað
mál að ég verð ekki sitjandi á
skrifstofu."
Emilía hefur mjög gaman af
að skemmta sér og segist
helst fara út til að dansa. Þá
verður Tunglið helst fyrir val-
inu. Áður sótti hún tíma f
djassballett en fannst það
leiðinlegt því það voru eintóm-
ar æfingar og ekki nógur dans.
Hún hefur líka gaman af að
fara á skíði og gerir mikið að
þvf þegar nægur snjór gefst.
„Svo finnst mér æðislega
gaman að spila á spil. Ég kann
að vísu ekki bridge en ég spila
kana í frímínútum í skólanum.
Svo er ég algjör sjónvarps-
sjúklingur og horfi eiginlega á
allt í sjónvarpinu. Ef ég fer f
bíó vil ég helst sjá hressilegar
gamanmyndir eða spennu-
myndir."
Þegar tfmar líða vill Emilía
eignast eigin íbúð, ágætan bíl,
vera í góðri stöðu, láta sér líða
vel og vera hamingjusöm. En
eins og hún segir sjálf: „Til
þess verður maður að hafa
einhvern við hliðina á sér.“
Seinna vill hún kannski eign-
ast eitt barn - svona til að
byrja með. Reyndar telur Emil-
ía sig vera búna að finna lífs-
förunautinn því hún er búin að
eiga sama vininn í tvö ár.
Hann er núna í skóla í Banda-
ríkjunum svo hún eyðir líklega
miklum tíma í bréfaskriftir um
þessar mundir.
Emilía er f lcelandic Models
og hefur verið þar síðastliðin
tvö ár. Hún hefur sýnt á tísku-
sýningum og verið með í
myndböndum hjá Geira Sæm
og í Batman-laginu. Henni líst
vel á að taka þátt í keppninni
og segir það ýta undir að hún
passi upp á sjálfa sig, fari f er-
óbikk og þess háttar. Henni
finnst líka spennandi að kynn-
ast nýju fólki. Hvernig mundi
henni líka að fara utan og taka
þátt í fegurðarsamkeppni?
„Það yrði sjálfsagt skemmti-
legt að upplifa það. Þá mundi
maður kynnast ennþá fleira
nýju fólki." Svo er Emilía rokin.
Hún er að fara í skólann þar
sem bekkurinn hennar á að
horfa á myndband um sið-
fræði, dauða og líknarmorð.
14 VIKAN 22. TBL1991
HAR: EYVI f HÁRÞINGI MEÐ JOICO OG MATRIX HÁRSNYRTIVÖRUM. FÖRÐUN: KRISTÍN STEFÁNSDÓTTIR MEÐ NO NAME COSMETICS